شوفت الاستفزاز اللى ع الصبح

[أ/رضا عطيه]

المشاركة الأصلية كتبت بواسطة شيماء شريف

السلام عليكم ورحمته وبركاته

النهاردة وانا بتصفح موقع اليوم السابع فى موضوع زيارة د/شرف لميدان التحرير اليوم الجمعه ليستمع لمطالب المتظاهرين فى التحرير

وجدت بعض الردود بصراحه مش لاقيه لها تفسير ولا منطق ولا اى حاجه نهائى غير ان اللى كتبوا التعليقات مجانين


هحط التعليقات وحضراتكم فهمونى

اصحى ياجيش انت بتخر بالبلد دى
مين عصام ده ايه مؤهلاته اشترك فى المظاهرة ، هو ده المعيار العيال عايزينه، البلد بتتوكس

طلب عاجل الى المصريين
أرجو من المصريين اللى كانوا موجودين فى ميدان مصطفى محمود لتأييد الرئيس حسنى مبارك أن ينزلوا الان من منازلهم ليطالبوه بالترشح لفترة رئاسة قادمة لأن البلد دلوقتى محتاجه له أكتر من أى وطبعا كلنا شفنا ايه اللى حصل بعد ما مشى أر جوكم روحوا ميدان مصطفى محمود وماترجعوش الا لما صوتكم يوصله جايز يحس باحتياج البلد ليه ويترشح وطبعا الشعب هو اللى هيقول كلمته فى الانتخابات

غدا جمعه التاييد
كل مصرى محترم ومخلص لبلدة وللمبادى والقيم يخرج غدا للتعبير عن آراة000انا ساييد احمد شفيق00فمعا يدا واحدة حتى لا يتكلمو باسمنا لانهم دائما يقولو انهم الشعب المصرى وهذا منتهى الكذب وسنريهم غدا من هو الشعب المصرى وارادة الشعب المصرى باذن الله غالبة



خد كفنك معاك

بداية غير مبشرة ارضيت مائة الف واغضبت 85مليون



طبعا ماهما اللى جايبينك(مش عارفه هما مين)

مش عاوزينك مش عاوزينك

انت جيت ضد ارادة الشعب اتكسف واستقيل و خالى اللى يستاهل المكان ده يبقى بدالك

بس كفايه كده اصلهم استفزونى اوى

أختى الكريمة

ضاعت البلد قرون وقرون عندما علا صوت واحد وغطى على الأصوات المعارضة لهم بالقوة

فلماذا نحاول الأن أن تمارس نفس الطريقة ونرفض الرأى المخالف بل ويصل بنا إلى الاستفزار

أختى الكريمة تقبلى الرأى الأخر واعطيهم كل الحق والذى يتوفر لديكم

هذه هى طوق النجاة للوطن -- بأن يكون هناك رأى ورأى أخر -- إنه أمر صحى 100%

فأحيانا الاتفاق على رأى واحد وخط واحد يكون مصيره الضياع

ليتنا نتعلم من الماضى ولاندفع بأنفسنا للعودة للصورة الكربونية منه

من الذكاء ألا نصمت الأخرين وهم ماهم إلا شركاء لنا فى هذا الوطن

شكرا لكى وأرجو أن تتقبلى الرأى من أجل هذا الوطن