تحذير لكل بنت مهم جدا

[mmagdy_81]

تحذير لكل بنت مهم جدا

5 March, 2011

نظرا لتعدد حالات الاختطاف وفى ظل الظروف الحاليه يرجى عمل الاتى

1-متركبيش تاكسى لوحدك ابدا ولا الصبح ولا بليل لاى ظرف
2-المكروباصات متركبهاش وتكون فاضيه او كلها رجاله لان حصل اختطاف من مكروباصات وكانت ماشيه فالخط لكن الركاب كانو تبع السواق
………3-متمشيش لوحدك فالشوارع الجانبيه سواء الصبح او بليل..وطبعا الشوارع الخاليه من الماره ابعدى عنها تماماااااا
4-رجاء رجاء رجاء مش هقولك عشان خاطر ربنا بس هقولك عشان خاطر نفسك انتى مش حد تانى اتخلى شويه عن اللبس الضيق واى حاجه تظهر او تبرز حاجه من جسمك…معلش استحملى شويه وتعالى على نفسك الفتره دى
5-البنات اللى بتروح دروس او كورسات بليل حصل حالات اختطاف من هناك ياريت لو ابتدائى او اعدادى او حتى ثانوى حد يوصلها ويروح معاها من اهل بيتها
6-حاجه مهمه جدااا بقى لازم تتعمل..لازم كل واحده تكون حاطه معاها حاجه فشنطتها حمايه ليها(صاعق كهربائى-اسبراى اللى بيتحط فيه الشطه-لو مش عارفه تشتريه اعمليه انتى فالبيت اشترى ازازه برفان بتاعت التركيب من اى محل واعملى انتى المكونات وتكون طبعا حاميه جداا-لو مش عارفه تشترى او تعملى حاجه من الحاجات دى ولو وصل الامر حطى اى اسبريه من الحاجات بتاعت الحشرات والله مش بهزر لان التركيبه بتاعتها مؤثره برده-اى وسيله لازم تبقى معاكى فالشنطه)
وتكونى مستعده فاى وقت وفاى لحظه ومتخافيش محدش هيفتشك ولا هيقولك افتحى شنطتك
7-بالنسبه للتاكسيات تانى متركبيش مع تاكسى ويكون فيه واحده راكبه معاه لانها فالغالب بتكون تبعه
8-الناس اللى بتسافر سواء رجاله او ستات بقى حصل ان بيلاقو عالطريق حد مرمى قدامهم فبينزلو يشوفوه وفجاه يتلاقو ناس طلعت من الجنب ياريت تخلى بالكو كويس اوى
9-اخيرا طبعا النصايح العاديه محدش يقولك شيلى دى او ساعدينى فدى او تعالى
امسكيلى حاجه الخ الخ الخ

ربنا يحميكو يارب ويحفظكو من اى شر واى سوء

واللى عنده اى نصيحه تانيه ياريت تقولوها

ياريت تنشروها
ضرورى

[مريم اليكس2011]

بجد معلومات غاليه ربنا يحفظنا جميعا

[بحر العرب]

شكرا جزيلا بارك الله فيك

[eslamkobessy]

تماااام و أرجو من الأخوات الالتزام بالتعليمات

[ابن الأكرمين]

ربنا يحميكو يارب ويحفظكو من اى شر واى سوء

مشكور ياأخ آدم

الأمان سمة مصر في كل العصور

ربنا يعدي المرحلة الخطرة دي على خير آمين

[aleman]

شكرااااااااا
جزاك الله خير

[أحـمد قرنى]

حضرتك البند الرابع عندى عليه تحفظ إذا سمحت ، يعنى تعالى على نفسك الفترى دى ، ما هو لأما ............ يأما ............ .

[مروة المصرية]

والله نصائح غالية من أخ عزيز

وربنا يسترها علينا جميعآ

[mohammed ahmed25]

ارجو من لديه مشاركه منقوله ان يقول المصدر..لان هذه النصائح موجوده فى عدة منتديات .مثل \
http://forums.fatakat.com/thread1287100
او كتابة (تحذير لكل بنت مهم جدا )فى الباحث___طبعا هتقولوا ان المهم هو المضمون __لكن برضو من الامانه اننا نقول المصدر

[ام رهف]

ياماما بجد انا خوفت ورانا طفلة عاوزين نربيها ربنا يسلم وعموما شكرا لحضرتك

[هاجر موسى]

شكرا علي هذه النصائح

[رضاالوادي]

حرام كفاية روحوا البيوت خلي بلدنا تتلمي

[همسات القلوب]

جزاك الله خير

[reem_a]

شكرا جزيلا ربنا يجزاك كل خير

[بدر البدور وائل]

وانت بقه بتعمل بالتعليمات دى هههههههههههههههههه