(( كــــل مــــــــا أقــــــــــــول .......... )) !!!

[Mohamed.Helmy]

السلام عليكم

ازيكم كلكم ..يارب تكونوا بخير

معلش انا بقالى كام يوم بدخل ومش بشارك ..أصل النت كان فاصل و كنت بدخل فون
ما علينا ..

القصيدة دي كتبتها من فترة بس قولت انزلها و خلاص أثبت وجودي

وكتبت حاجات كتير تانية ابقى انزلها ان شاء الله لو عجبتكم دي ..

*******

كل ما أقول ... !!

كل ما أقول مش هرجع تاني .. بلقى أنا حاجة فيك شداني !


نفسي أسيبك تاخد راحتك .. و نفسي بجد تبقى مكاني ..


تسأل نفسك تسأل حالك .. هقدر أبعــد و أنسي كيانى ؟؟

عايش تايه ولا على بالي .. م اللى عملته فيـّــا ليالي ..


راجع نفســك انا أيه ذنبي ؟.. نفسي تشوف أيه اللى جرالي


انا مغلطــش .. كل كلامي .. ان انا عايزك تبقى قــوية


و الله اناماقصد كل ده يحصــل .. انتى أكيد عارفة و عارافني .


انتي بجــــد حالة فريــدة .. انتى بجـــد نصــي التاني ..

كل ما أحاول أقسى عليكي .. بنسى بســرعة و برجع تاني !


مش عارف ايه اللى بيحصــل .. مش عارف لخبطــتي كياني ..


و مهما هقول و مهما انا هكتب.. مش هيكفي عذاب حرماني ..

نفسي أسيبك تاخد راحتك .. و نفسي بجد تبقى مكاني ..


تسأل نفسك تسأل حالك .. هقدر أبعــد و أنسي كيانى ؟؟

ربـنا وحده شايف قلبي .. ربنا عالم ايه بقى حالي..


بدعي و أدّمــع كل ما أصلي .. ان ربنـــا يهديني لحالي !


مليش غير ربي مليش غير نفسي .. هحاول أبعــد و أنسي مكاني ..


و انت معاك ربــك و حبايبك.. شوف مصلحتك بقى و انســاني !


كل ما أحس انــك بتفــكّر .. فيــا , أنا بضعف بقى من تاني ..

نفسي أسيبك تاخد راحتك .. و نفسي بجد تبقى مكاني ..


تسأل نفسك تسأل حالك .. هقدر أبعــد و أنسي كيانى ؟؟

ريّــح قلبي و قولي الكلمة .. ( انا بكرهك .. مش عايزك تاني )


فكر فيها و قولهــا بنيــّة .. و انا اوعدك مش هــرجع تاني .


علشان أمشــي انا راضي ضمــيري ! .. ولا فى حـــاجة تبقى محــاوطاني ..

نفسي أسيبك تاخد راحتك .. و نفسي بجد تبقى مكاني ..


تسأل نفسك تسأل حالك .. هقدر أبعــد و أنسي كيانى ؟؟

معلش هي مش أد كده و الله بس اللى بعد دي أحسن منها بكتير ..