هام جدا ارجو من كل مدرسى الفيزياء المشاركة ضرورى

[الاستاذ محمد الطنطاوى]

كلامك جميل يا استاذ مصطفى
بس ازازى اقولة لطالب فى سنة 3 اعدادى
دا كلام ثانوى يعنى صعب جدا توصلة لطالب اعدادى
ثانيا
عايزين جواب نهائى
وكلام نهائى فى الموضوع دة
النشاط الموجود فى كتاب الوزارة فى صفحة 60 تجربة على الليمون

الشكل الاول طبعا توصيل على التوالى والشكل الثانى توصيل على التوازى
يا ترى اضاءة المصباح اقوى فى اى من الشكلين مع التفسير

لو رجعنا لكتاب علوم السنة اللى فاتت
حنلاقى اخر صفحة فى الكتاب فى الترم الاول كانت تجربة لشرح توصيل الاعمدة ع التوالى والتوازى

وكانت خلاصة هذا الكلام
كالاتى:
توصيل الاعمدة ع التوازى فى الدائرة يزيد من شدة التيار المار فيها
نتيجة نقص المقاومة الداخلية المكافئة لمجموع المقاومات الداخلية للاعمدة

ياريت نعمل التجربة عملى فى المدرسة ونتاكد منها عملى افضل

انا للاسف مش شغال فى مدرسة

بس انا عملت مسالة اقنع بيها الطلبة عندى

حطرحها على حضراتكم وتقولوا رايكم

لو رسمنا دائرتين كهربيتين
فى كل دائرة عمودين كهربين القوة الدافعة لكل عمود 2 فولت

نوصل عمودين على التوالى مع مقاومة قيمتها 2 اوم
ونوصل عمودين على التوازى مع مقاومة 2 اوم

يبقى كدا المقاومة ثابتة فى الدائرتين 2 اوم

الاختلاف فى القوة الدافعة فقط
لان
القوة الدافعة فى حالة التوالى تساوى 4 فولت
فتكون قراءة الاميتر المتصل فى الدائرة ( شدة التيار) تساوى 2 امبير

والان مع التوصيل على التوازى

القوة الدافعة الكهربية ( فرق الجهد) تساوى القوة الدافعة لعمود واحد وتساوى 2 فولت
والمقاومة 2 اوم
فتكون شدة التيار الماء تساوى 1 امبير

يعنى قراءة الاميتر فى حالة توصيل العمودين على التوالى اكبر من قراءة الاميتر فى حالة توصيل العمودين على التوزاى

ارجو التعليق؟؟