حترشح مـيــن؟؟؟؟؟؟؟

[moonmaster]

اختار عمرو موسي .. رجل يحكم البلد بطريقة سياسية ...

كما ان أحمد زويل لا يصح رئيسا لأنه ( مخ علمي ) والقائد لابد ان يكون سياسي

يعني لو دخلت مصر ف حرب...!!!

أحمد زويل هيخرجها بمعادله كميائية ولا ايه؟

تقبلي مروري

[أ / نادر النقاش]

بالنسبة لى ، أنا نفسى الدولة دى تبقى برلمانية ، و الرئيس يبقى منظر ، و يكون عالم يحسن صورتنا أمام العالم بعد متهانت كرامتنا 30سنة ، كان نفسى أنتخب زويل بس للأسف مدستورشى.

[عاشق البلانكو الابيض]

المشاركة الأصلية كتبت بواسطة H.H.KH

وانا كان نفسي احمد زويل بس مش هينفع خلاص عشان زوجته سورية

ف ممكن نقول عمرو موسى كويس

يطلقهاااا ويجوز مصرررية

[عمر عابدين]

فى ناس كتيره من العاوزه تترشح مش هينفعوا يترشحوا للرئاسه بس حلوه اوى حكاية محمد البرادعى صفر هههههههه

[مجدى مختار]

كنت أتمنى دكتور كمال الجنزوري وفي حالة عدم وجوده ننتظر البرنامج الانتخابي

[FirstMan08]

إلي لستاذ حمادة الدمياطي مدرس اللغة العربية
ده رأيي الشخصي وانا اعتز به و شايف انه صح لان لاني شايف انه افضل الموجودين حتي الان إن لم تظهرشخصيات جديدة و مع كامل احترامي لدكتور أحمد زويل فأنا اري انه لو خدم مصر من موقع اخر غير منصب رئيس الجمهورية سيفيد البلد أكثر مثلا نفس المنصب اللي هو في ف امريكا يكون في مصر و انه يكون عنده صلاحيات تفيده في تنفيذ افكاره التنموية لمصر و انا لم انتخب الفريق شفيق علي اساس انه رجل محترم ومتواضع وكده زي ما الناس فاهمة بس ده من واقع حي و لو حضرتك تحب تشوف هو عمل ايه دور و هتلاقي كتير اوي و في النهاية يا ريت يكون عند كل واحد فينا ثقافة احترام وتقبل رأي الاخر وعدم تسفيه رأيه فهذا حقي ولك الحق ان تعبر عن رأيك كما تشاء دون تسفيه رأي الاخرين و كنت بسأل حضرتك هترشح مين في ظل الموجودين حايا وليه ؟؟؟؟؟؟
و شكرا وتقبل مني تحياتي

[(النجم)]

المشاركة الأصلية كتبت بواسطة EbTeSaM91

انا عن نفسى لو برشح رئيس

هيكون عمرو موسى

بجد يستاهل الحكم

واول ماهيساعد هيساعد الفقراء

خصوصا ان 40% من الشعب تحت خط الفقر

وده كان قاله فى برنامج

وفى الاول والاخر نتمنى
ان يكون رئيس مصر ايا كان

ينظر لمصالح البلد اولا وبداية من الفقراء والمصالح الحكومية وغيرها

مش مهم نفسه الاول وحاشيته

تقبلى مرورى

عمرو موسى مين بس


فوقوا كفايه يا شعب مصر


عمرو موسي
يعني
-
--
----
-----
نرجع لعهد حسني مبارك

+
+
+
مفيش حاجه عملها اجابيه ومفيش مره ساعد مصر فى ايام حسني مبارك
مع انه كان رئيس جامعه الدول العربيه

+
+
+
وعلى فكره مخضرم قوي فى السياسه يعني لو بقي رئيس ابقي قابلني اذاي قدرنا نغلعه



وفيه كلام كتير عنه بس انا ارفضه بشده


ولو الكل عايز يعرف حقيقته يبقي ادخل هنا هتلاقي كل حاجه عنه


ده عمييييييييل

[محمد على المنياوى]

والله أنا شايف إننا شعب مازلنا لا نعرف أ-ب سياسة أزاى أرشح شخص لأهم منصب فى الدولة والذى سيتحكم فى مصير 85 مليون لمجرد رأى شخصى وهوى نفسى وقبل أن يعلن هو نفسه الترشح أم لا وقبل أن يعرض لنا برنامجا طموحا نرى فيه الجديد لبلدنا الحبيب الموضوع سابق لأوانه

[الـشـيـمـ ء ـا]

المشاركة الأصلية كتبت بواسطة H.H.KH

وانا كان نفسي احمد زويل بس مش هينفع خلاص عشان زوجته سورية
ف ممكن نقول عمرو موسى كويس

بس نائب رئيس الوزراء يحيى الجمل قال ينفع
المواد المعدلة بتقول انه ميكونش متزوج من اجنبيه
لكن مش عربيه
وقال مينفعش نناقض نفسنا واحنا عندنا مادة فى الدستور بتقول ان مصر دولة عربيه
يعنى ينفع يكون متزوج من مصرية او عربيه بس

بس اكيد احمد زويل هو اللى مش عاوز يترشح

والاهم من كدة البرنامج الانتخابى بتاع كل واحد واللى هينفذ مش هيبقى زى بتوع مجلس الشعب القديم

[الأستاذة / أم أمل]

هل ينفع ارشح اكثر من واحد ؟

[مستر/ عصام الجاويش]

ارشح المستشار هشام البسطويسى

[زكريا مختار]

عمر سليمان

http://www.facebook.com/?ref=home#!/Egy.youth

[زمن فطين]

الصبر طيب

لعل الله ينعم علينا بمن هو أهل للخيروالبركه

[hamdy5000]

أنا رأيى إننا نكتب أسماؤهم فى كروت ونطبقها ونجيب طفل صغير عشان يكون محايد ونضمن إن مافيش تزوير ويسحب كارت عشوائى واللى يطلع اسمه ننتخبه على طول
ولا أقولكم اللى شكله وسيم ننتخبه
إزاى أقول هنتخب مين بدون برنامج انتخابى واضح وليه متمسكين بالأسماء دى بالتحديد
فكرتونى باتحاد الكورة شالوا زاهر جابوا الدهشورى حرب
شالوا الدهشورى جابوا زاهر
ربنا يرحم شهداء الثورة

[هانى الشرقاوى]

البـــــــرادعـــى