إدارة شرق طنطا هام جدا وعاجل ارجو التثبيت

[ahmed5555555]

يارب وفق الجميع

[حسام جوهر]

معاكم يا برنس

[memmy]

النهاردة كان عندنا في المدرسة موظف في التعييينات في شرق وقال انهم هيستلموا الورق يوم الاحد لانه راح التنظيم والادارة يوم الخميس وقلوله انهم يستلموا منا الورق، بس الكادر هيكون في شهر 7 لان مافيش درجات مالية دلوقت ومافيش ميزانية ، يعني هما بيهدونا وخلاص وهيعملوا الي هما عايزينه في شهر 7 ولما عرفناه ان في محافظات صرفت الكادر من شهر 3 قال متقولوليش سمعنا هاتولي ورق ، لو حد يقدر يجيب لنا ورق يثبت ذلك من اي محافظة يبقى كويس واحنا معاكم في اي وقفة بس تكون جاده لان يوم وقفات المحافظة ناس كتيرة قالت جاية وماجتش ، مع العلم ان انا وزمايلي في المدرسة رحنا للسيد الافندي يوم الاحد الي فات وقال نفس الكلام ان الكادر هيتاخر وقبلها كلمنا طوارئ المحافظة وقلنا لهم ان ادارة شرق مش عايزة تعمل اقرارات القيام بالعمل فطلع لنا و قال الكلام الي فات

[شيرين عجوه]

أنا من مدرسة مجمع الشهيدين بخرسيت معاكم انشاء الله وعلى فكره انا جوزي ادارة غرب وعملو الكادر وال15 في الميه وهجيبلكم صوره

[وليد أحمد حبلص]

أستاذة شيرين من فضلك للأهمية احضار هذه الأوراق حتى نستطيع إخراس اى مسئول بالدليل وليس بالكلام

[شيرين عجوه]

أتمنى الكل يروح واللي يعرف حد يكلمه الاداره ديه محتاجه شده ياريت نكون كلنا ايد وحده ولأنا هكلم كل اللي اعرفهم

[rehab_sg]

هنكون موجودين ان شاء الله

[شيرين عجوه]

الموظفه المسؤله بمدرسة كفر الحما ادارة غرب طلبت منهم تصوير كشف لعمل كادر المعلم والنهارده صوروه وبكره هتعملهم البيانات داخل الكشف بس مدرسته مسائي انا هجيب صورة الكشف اللي معاه هوفارغ لكن مكتوب ادارة غرب طنطا ومكتوب كاشف كادر المعلم مرحلة ثانيه عن شهري مارس وابريل 2011 والموظفه هتعمله بكره واول ماتعمله هجيب صوره

[محمود ماضي2]

المشاركة الأصلية كتبت بواسطة مروة مشمش

نفس المشكله كانت عندنا في ادارة كفر الزيات وجهزنا العدة لخوض معركة جديدة يوم الخميس الماضي بس الحمد الله خرجت مديرة الادارة علينا وقالت تم ارسال خطاب الي الجهات المعنية ( المهيات ، الحسابات 0000) وسيتم عمل ال50% علي اساسي 30-6-2010 شهري 3،4 من يوم الاحد القادم
وعلمت من مصادر خاصة ان وكيل الوزارة شد الادارات كلها بسبب التباطىءفي اجراءات تعين المتعاقدين

الزميلة مروة : الكلام دا انتي متأكدة منه ولا الموضوع مجرد مسكنات بس
زميلكم من ادارة كفر الزيات

[memmy]

الله يخليكم اي حد يقدر يجيب ورق يثبت انه صرف الكادر يرفعه

[سمسم رشاد]

المشاركة الأصلية كتبت بواسطة محمود ماضي2

الزميلة مروة : الكلام دا انتي متأكدة منه ولا الموضوع مجرد مسكنات بس
زميلكم من ادارة كفر الزيات

يااستاذ محمود انا كمان من اداره كفر الزيات ولعلم حضرتك مديره الاداره اصدرت منشور لجميع المدارس بعمل الكادر شهرى 3 و4 فورا والكلام ده يوم 7/4 وكمان اصدرت قرار ان مسؤلى التعيينات بالاداره يبعتوا اقرارات القيام بالعمل للمهيات والحسابات وان شاء الله خير وللعلم انا شفت المنشور بعينى وان شاء الله يتوزع على المدارس (ام ادهم)

[الأستاذ علاء سليمان]

حلم جديد مع ثوره 25 يناير 2011</strong>
اين القرار هذه مطالب المعلمين هل من مجيب لنا

معلمى التربيه والتعليم فى حاله نفسيه سيئه
يجب حل مشاكل المعلمين بطريقه بسيطه ولاتكلف الدوله شئ الا فى بدايه1 /1/2012
1-الغاء اختبارات الكادرفورا لمن قام بالتدريس لمده خمس سنوات (دبلوم -كليه -تربوى -غيرتربوى) ويمكن تدريب المعلم دون ارهابه
2-تخفيض الانصبه بالمرحله الثانويه بمقدار اربع حصص لكل مستوى ومساواه الابتدائى - والاعدادى -والثانوى
3-اعطاء الدرجات الماليه فورا لمن يستحقها فى تاريخه وليكن 1/5/2011
4-رفع تسكين كل معلم قضى خمس سنوات فى العمل الى المستوى الاعلىويعتبر تاريخ تسكينه اولا هو نفس تاريخ تسكينه
بمعنى مثل طباعه استماره الكادر اولا على حسب سنوات الخبره وبالتالى يزيد كل معلم خمسه وعشرون فى المائه اعتبارا من1/1/2012وبذلك نكون انهينا اختبارات الكادر وساد الهدؤء وزاره التربيه والتعليم والمعلمين
5- رفع مكافاه امتحانات الشهادات والتصحيح اعتبارا من العام الحالى الى عشره فى المائه تزداد حتى تصل الى عشرون فى المائه خلال خمس سنوات وبذلك لايكون عب ءعلى الموارزنه
6-رفع مكافاه الامتحاناتتدريجيا عشرون يوما لمده خمس سنوات لتصل الى300يوماوبعد خمس سنوات ترتفع من 300يوما بواقع خمسه فى المائه تدريجيا كل سنه واحد فى المائه زياده لتصل الى 300يوما فى خمسه عشر فى المائه فى نهايه خمس عشر عاما من تاريخيه
7-يكون كادر المعلم على اساسى 1/7/من تاريخ السنه وليس 30/6/من العام الماضى
8- تخفيض زمن الحصه ليصل الى 35 دقيقه للجميع ويبدا اليوم الدارسى لمدارس الفتره الواحده من الساعه الثامنه والنصف وينهى السعه الواحده ظهرا- ----وتخفيض انصبه كل ماده حصه تقليل تزاحم الفترات ويكون الوقت من المدرسه مفيدللجميع مدرس وطالب ----ولى امر
9- قرارات الخاصه بالتعليم تكون بمشاركه المعلمين قبل الاصدار لهاوتكون وواقعيه وسهله التنفيذ
10-تخفيض انصبه الموجه الى خمسه وعشرون معلم فقط فى المدن وعشرون فقط فى القرى
11- الغاء ما يسمى بالتربوى لمن درس خمس سنوات ويظل مديرى المدارس كماهم لحين الاحاله الى المعاش وتطبيق القواعد الجديده على الاماكن الفارغه لان معظم مديرى المدارس معاش فى2013
12-احترام المعلم وتقديره وعدم التحقيق معه داخل اقسام الشرطه فى امور التعليم
13-الغاء الدورس الخصوصيه ومن يريد مساعده التلاميذ لكل معلم حصه واحده اسبوعيا مجانا بعد الدارسه لتلاميذالمدرسه لجميع
14-الغاء التقويم الشامل وجعل الحصص فرديا والغاء نظام الفترات

15-ازاله الحشو من المناهج وتنقيتها
ملحوظه : هذه المقترحات لاتحتاج الى اموال ولكن تحتاج الى شجاعه وزير واتخاذالقرار ويكون مصدقا من رئيس الوزاء والمجلس العسكرى ليكون صادقا وشفافا للجميع
شاركونى الراى والمقترحات والبنداللى صعب وفى غيرصالح العمل والعمليه التعليميه والمعلمين ناقشونا فيه
السلام عليكم ورحمه