اخى الاستاذ راجى انا علقت على كتابه الاستاذ محمد فوزى لان بيتهكم على شيخ الازهر بقدر ما بيطلب منه الرد وبيقول فى حاجات عنده اهم الاضرحه ياخى العلماء كلهم اتفقوا بعدم هدمها عشان الفتنه ودا فعلا خطر وممكن يريق دماء
يا جماعه اقسم بالله العظيم الازهر مسئوليه عظيمه ومش سهله والى يروح مشيخه الازهر يعرف الراجل دا بتعب ازاى دا غير ان الموجودين فى المشيخه معظمهم مناصب اداريه اما من يتحدث فى امور الدين فهو الشيخ وحده يوميا المشيخه فيها سفراء دول ووزراء اجانب ووفود اجنبيه والشيخ حريص على الدعوه الى الله دا غير الفتن الموجوده فى البلد وموضوع الاقباط دا غير المظاهرات الى موجوده شبه يوميه من العاملين او من الطلبه والشيخ بيرد بكل قوه فى وسائل الاعلام وموقفه من الفاتيكان لا يخفى على احد
فياريت نلتمس لفضيله الشيخ العذر ونحسبه على خير والعذر ان الازهر ينقصه الكثير من الاصلاح والشيخ يسعى جاهدا لذلك لكن صدقونى الى محتاج الاصلاح اكتر احنا نفسنا مش القوانين وبس وانا اولكم
وعذر اخر ان الازهر لا يملك الان متحدث رسمى ليتابع المعروض بوسائل الاعلام ----- ان شاء الله فى القانون الجديد هنرى عهدا جديدا لامعا للازهر
موضوع حرق المصحف الشيخ رد عليه فى حديثه مع وفد امريكى لكن على فكره دول ناس بتوع شهره والقران الكريم محفوظ ان شاء الله والقافله تسير والكلاب تنبح واعتقد وقد اكون مخطا ان الرد على الحالات الفرديه بتكون مكسب لهم لانهم عاوزين شهره على حسابنا
اما ان هيا مسئوليه الشيخ وحده فانا اعتقد ان الدفاع عن الامه وثوابتها مسئوليه كل مسلم والان عندنا الفيس بوك واصبح عندنا حريه ياريت نستعملها وكل واحد يحاول من جانبه
|
10-04-2011, 02:47 AM
العرض الشجري
