انتخاب الشيخ الطيب رئيسا للجمهوريه

[أزهرى وأفتخر]

وليه لا
الشيخ الطيب يكون رئيسا للجمهوريه
والله يعمل شغل جامد للبلد
بالطريقه اللى هوه ماشى بيها دى
يظبط الشعب
وراجل عنده ضمير وكمان عنده حنكه سياسيه ويقدر يمسك البلد
ايه رايكم؟؟؟؟
كل واحد يقول رأيه

[teacher120]

والله راجل وسطى وينفع يمسك مصر وهيطهرها من الفساد
لكن انا شايف ان رجال الدين لهم وظيفه اسمى وهى الدعوه وبناء جيل وسطى

[ابواروى555]

سيفوز لعدة اسباب
1 -سينال جميع اصوات الصعايده لانه راجل صعيدى بجد
2-سينال اصوات البعض الكثير من الازهريه لانهم يعرفونه جيدا
3-سينال اصوات الصوفيه ودى كتله اصوات كبيره جدا فى مصر
4 - سينال اصوات العديد من الاقباط لانهم يقدرونه ويحترموه
5-سينال اصوات الكثير من عامة الشعب لانه راجل بسيط ومنهم
اذن مبروك على الشيخ الطيب شيخ الازهر ورئيس مصر بس هو يوافق يترشح وماظنش انه يرضى يترشح بس لو اترشح مبروك عليه للمعطيات السياسيه السابقه

[teacher120]

سينال ايضا الاصوات لانه ذو نهج وسطى وليس منهج متشدد منفر وهذه هى مصر

[مصطفى كوته]

رغم حبى الشديد للشيخ الطيب واحترامى له الا اننى افضل ان يكون شيخا للازهر لان الازهر على عاتقه حمل كثير فى الفترة القادمة فى مجال الدعوة فى ظل وجود صراعات شديدة بين الجماعات الاسلامية المختلفة وهو اهل لهذا والله يوفقه

[Dark-Galaxy]

المشاركة الأصلية كتبت بواسطة مصطفى كوته

رغم حبى الشديد للشيخ الطيب واحترامى له الا اننى افضل ان يكون شيخا للازهر لان الازهر على عاتقه حمل كثير فى الفترة القادمة فى مجال الدعوة فى ظل وجود صراعات شديدة بين الجماعات الاسلامية المختلفة وهو اهل لهذا والله يوفقه

أنا احترم هذا الكلام الراشد العاقل بارك الله فيك اخي مصطفى
فيه ناس محترمة والله في منتدانا هذا كتير ورأيها آخر حلاوة

[الباحث عن الحق]

قل اللهم مالك الملك تؤتي الملك من تشاء وتنزع الملك ممن تشاء تعز من تشاء وتذل من تشاء بيدك الخير انك على كل شئ قدير

[ام رهف]

شعب جميل وعاطفي طحن

[أزهرى وأفتخر]

المشاركة الأصلية كتبت بواسطة ام رهف

شعب جميل وعاطفي طحن

؟؟؟؟؟؟؟؟؟؟؟
دى تريقه ولا رد عادى
ياريت الرد لو سمحت
ولييييييييه لا
ومين المناسب فى نظرك

[ام رهف]

المشاركة الأصلية كتبت بواسطة mr_x6001

؟؟؟؟؟؟؟؟؟؟؟
دى تريقه ولا رد عادى
ياريت الرد لو سمحت
ولييييييييه لا
ومين المناسب فى نظرك

لاء مش تريقة خالص اقرا جميع مشاركاتى وانت تعرف انى مش من سماتى انى اتريق على اي فكرة مهما كانت بس مجرد احساس جالى لما شفت الاقتراح ولما شفت مشاركات الناساما ليه لاء لاسباب كتيرة

[العشرى1020]

ياريت ياخى والامور تمشى على احسن حال على الاقل رجل يعرف ميزان العدل السيد عبد المطلب شيخ معهد الامام الاكبر ببطرة طلخا

[رعد المصرى]

يا جماعه أنتو بتتكلمو جد
مع أحترامى الشديد للطيب وتقديرى له كشخص فاضل ويعطى كل ذى حق حقه
وهو رجل صعيدى وقنائى زيى
إلا أنه طبعا لا يصلح لرئاسة الجمهورية لسبب بسيط جدا ......
أنه صوفى من الدرجه الأولى والصوفيه قرينة للشيعه يا عم الحج _إلا أنهم لا يسبون الصحابه_
يعنى مصر بعد سنتين تلاته كل سنه وأنت طيب بح
دى وجهة نظرى
وهو عشان الطيب جبلنا كام شهر نختاروه ريس
ده احنا اللى طيبين والله .......

[أزهرى وأفتخر]

المشاركة الأصلية كتبت بواسطة رعد المصرى

يا جماعه أنتو بتتكلمو جد
مع أحترامى الشديد للطيب وتقديرى له كشخص فاضل ويعطى كل ذى حق حقه
وهو رجل صعيدى وقنائى زيى
إلا أنه طبعا لا يصلح لرئاسة الجمهورية لسبب بسيط جدا ......
أنه صوفى من الدرجه الأولى والصوفيه قرينة للشيعه يا عم الحج _إلا أنهم لا يسبون الصحابه_
يعنى مصر بعد سنتين تلاته كل سنه وأنت طيب بح
دى وجهة نظرى
وهو عشان الطيب جبلنا كام شهر نختاروه ريس
ده احنا اللى طيبين والله .......

انا مش بقول انه يبقى ريس خلاص
بقول راى كل واحد ايه تفرق على فكره

[ابا الحسين]

نعم للدكتور احمد الطيب رئيسا للجمهورية

[mrenglish22]

ارحموووووووووووووووونا من صوفى وسلفى واخوانجى وانصار سنه وجمعيه شرعيه
الشيخ يسير على درب الامام الشعراوى وهو من محبى ال البيت لكن ليس ممن يتمسحون بهم ويطوفون بالقبور بلاش خربطه واى كلام على الفاضى انظر الى الصوفيه كمنهج ولا تنظر الى المتصوفين وانظر الى السلفيه كمنهج ولا تنظر الى السلفيين
المنهج بيكون كويس بس عايز الى يمشى عليه ام ال بيشذ عن المنهج هو دا المبتدع
الشيخ رجل جليل يصلح فى اى مكان على الاقل هيبقى احسن من اى علمانى وهيبقى احسن من بعض المتشددين الى بيجلبوا للاسلام العار وبيخوفوا الناس من الاسلام
الشيخ الشعراوى كان صوفى لكن صوفى اى زاهد فى الحياه رجل اتاه الله الدنيا فاختا طريق الله ول يلتفت اليها وكذلك الامام عبدالحليم محمود و الشيخ الطيب وغيرهم من المعتدلين