حملة.. " حجاب المرأة المسلمة " متجدد !!

[الغيورة على الدين]

أنا اسفة جدا يا غيورة لأني انشغلت الفتره اللى فاتت

بس والله قرأت ردك اول ما كتبتية وقلت استنى لحد ما اخد خطوة كويسة ابشرك بيها

لكن مش لاقية الجرأة انى افتح الموضوع للمره الخمسين مع اهلي

بقيت خايفة على زعلهم بزيادة :s .. ومكسوفة منك جدا

انا بجد بدعي ربنا لكن مش قادرة اعمل حاجة

محتاجاكي تقوليلي بس ابدأ ازاى .. علما انى مش بعرف اصلا اتكلم مع اهلي


وجزاكي الله كل خير حبيبتي على تعبك معانا

وان شاء الله كله يكون في موازين حسناتك يارب

احبك في الله

واحبك الذى احببتنى من اجله

ربنا يبارك لكِ ياقمر

اهم حاجة بس اعرف انكم كويسين

بس قوليلى ليه خايفة تفاتحى اهلك حبيبتى؟؟


استعينى بالله وادعى كتير وتضرعى

وابدأى اتكلمى عن النقاب بشكل جميل

وقولى ياه دنا لو لبست النقب هبقى حلوة اوى فيه

يعنى خلى الكلام من بعيد

او مثلا قولي ده المنتقبات بجد صعبانين عليه اوى لانهم مش هيدخلوهم الامتحان الا لما يكشفوا وشهم(((يعنى شاركينا الالم الله المستعان)

ومرة في مرة من وسط الكلام الى زى دة حاولى تاخدى رأيهم وشوفى ردهم ايه

[mooroo]

المشاركة الأصلية كتبت بواسطة الغيورة على الدين

واحبك الذى احببتنى من اجله

ربنا يبارك لكِ ياقمر

اهم حاجة بس اعرف انكم كويسين

بس قوليلى ليه خايفة تفاتحى اهلك حبيبتى؟؟


استعينى بالله وادعى كتير وتضرعى

وابدأى اتكلمى عن النقاب بشكل جميل

وقولى ياه دنا لو لبست النقب هبقى حلوة اوى فيه

يعنى خلى الكلام من بعيد

او مثلا قولي ده المنتقبات بجد صعبانين عليه اوى لانهم مش هيدخلوهم الامتحان الا لما يكشفوا وشهم(((يعنى شاركينا الالم الله المستعان)

ومرة في مرة من وسط الكلام الى زى دة حاولى تاخدى رأيهم وشوفى ردهم ايه

والله يا غيورة انتى شجعتيني بكلامك

انا بكتبلك دلوقتي والدموع مالة عيني

لأني كنت لسة بقول لماما ده انا صحباتي كتير معايا منتقبات

مفيهاش حاجة بقى لما البسه دلوقتى

فماما قعدت تقولي لأ لما تخلصي كليه لأنه سنه مش هتأثمي لو تركتيها

فحاولت اقنعها انه فرض وان معظم العلماء اتفقوا على كده

لكن ماما قعدت تقولي لأ طاعة الوالدين اهم

وخفت احسن تزعقلي فمعرفتش اتكلم

وقالتلى اسمعي الكلام وخلاص متتعبينيش هو سنة لو لو عايزة تلبسيه يبقى لما تخلصى

فقلتلها اخلص ايه ده انا لسه في تانية ثانوية هستني الكلية كمان!

لكن هيهات ان يفهمو معاناتي

ووالله حاولت اقنعها من ناحية انه هيريحني كتير لأني مش مرتاحة كده

بس قالتلى لأ بيتهيألك ده هيعملك مشاكل اكتر وهيعزلك عن الناس

سبحانك يارب

ادعو الله ان يلين قلوب اهلي وانهم يشوفو اللى انا شايفاه

أو يحسوا بيا شوية

يااااااااااااارب

مش قادرة امسك دموعي من القهر

ممكن تكون كلماتي مبعثرة

بس الله اعلم بحالي الآن