علشان تبطلوا بس تجيبوا مواضيع قديمة وتقولوا التثبيت خلال ايام - شوفوا الكذب علينا

[كابتن محمد فوزى]

قبل ما تتكلم افهم يا احمد . الكلام عن تثبيت ما لم يصدر قرار بتثبيتهم الموضوع عن الطلبات الجديدة من الفئات المختلفة يريدون شمولهم القرار
اكيد عندك جواب التنظيم والادارة لصفوت النحاس للازهر وللتربية والتعليم اذا خلاص الموضوع انتهى المسألة وقت ليس اكثر بدليل ان لنا اصدقاء فى التربية والتعليم اتثبتوا فعلا فعلا فعلا .
الصبر يا اهل الصبر البلد بتغرق حرام علينا والله انا محتاج زيادة مرتبى والتثبيت وحقى اللى ضايع اكثر منك بس حرام تاخد مرتبك دلوقتى والشهر اللى جاى ما يبقاش فية حتى ولو اساسى مرتبك .
لو فضل الوضع كدة اعتصامات واضرابات واعتراضات وفتن وكلام ناس تولع فى باقى الناس يبقى كل سنة بقة وانت طيب!!!!!!!!
ياريت تقول ..........................................

[ahmed_ahmed2011]

المشاركة الأصلية كتبت بواسطة كابتن محمد فوزى

قبل ما تتكلم افهم يا احمد . الكلام عن تثبيت ما لم يصدر قرار بتثبيتهم الموضوع عن الطلبات الجديدة من الفئات المختلفة يريدون شمولهم القرار
اكيد عندك جواب التنظيم والادارة لصفوت النحاس للازهر وللتربية والتعليم اذا خلاص الموضوع انتهى المسألة وقت ليس اكثر بدليل ان لنا اصدقاء فى التربية والتعليم اتثبتوا فعلا فعلا فعلا .
الصبر يا اهل الصبر البلد بتغرق حرام علينا والله انا محتاج زيادة مرتبى والتثبيت وحقى اللى ضايع اكثر منك بس حرام تاخد مرتبك دلوقتى والشهر اللى جاى ما يبقاش فية حتى ولو اساسى مرتبك .
لو فضل الوضع كدة اعتصامات واضرابات واعتراضات وفتن وكلام ناس تولع فى باقى الناس يبقى كل سنة بقة وانت طيب!!!!!!!!
ياريت تقول ..........................................

احب ارد علي كل كلمة قولتها
قبل ما اتكلم افهم ------ انا فاهم كويس خالص المهم حضرتك اللي تفهم

اولا ً : ان الكلام عن تثبيت ما لم يصدر قرار بتثبيتهم الموضوع عن الطلبات الجديدة من الفئات المختلفة يريدون شمولهم القرار

ممكن حضرتك تفهمنا وتجيب دليل واحد علي كلامك
ولا الكلام مش بفلوس ولا هما اتصلوا بيك وقالولك لوحدك طيب عرفنا تكسب فينا ثواب

ثانياً : وما دام حضرتك بتقول ان الموضوع مجرد وقت ؟؟؟؟

ممكن معاليك تقولنا امته ؟؟؟؟ ما دام سيادتك علي معرفة بكل شئ وتريح كل الناس واوعدك محدش هيسألك علي اي حاجة تانية

ثالثاً : وما دام لينا اصدقاء اتثبتوا في التربية والعليم

اشمعنه يعني احنا اللي الموضوع هياخد شويه وقت علي اساس اننا اقل عدد بكتير قوي من التربية والتعيلم

رابعاً : بتقولي حرام تاخد مرتبك دلوقتى والشهر اللى جاى ما يبقاش فية حتى ولو اساسى مرتبك !!!!!!

الله اكبر يا عم انا بقول اللي منشور في جريدة مجرد ناقل للخبر علي لسان مسئول هو انا اخترعت الكلام

خامساُ : لو فضل الوضع كدة اعتصامات واضرابات واعتراضات وفتن وكلام ناس تولع فى باقى الناس يبقى كل سنة بقة وانت طيب!!!!!!!!

هو انا جبت سيرة للاعتصامات ولا اضرابات ههههههههه هو انته شايف متعاقدي الازهر كل يوم عاملين مظاهرة ولا عاملين اضراب ولا قاطعين طريق ولا موقفين سكه حديد ولا عاملين زي الاطباء وسابوا الشغل بتاعهم
يا سيدي خليني اوضح لمعاليك اطيب ناس متعاقدي الازهر

كل خطأي اني نقلت الخبر وبس واوعدك دي اخر مرة وده كلام يشهد عليه كل اعضاء المنتدي انا بس هدخل كمشاهد فقط لا غير