|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
|
|
#1
21-05-2011, 02:53 PM
|
||||
|
||||
اقتباس:
هههههههههههههههههههههه الموقف دا فكرنى بموقف مشابه وأنا صغير .. كنت بقضى الأجازة مع أهلى فى ريف الزقازيق دايما والعيال هناك .. كانوا بيعاملونى على إنى إنسان جئ من كوكب أخر ... مش عارف ليه  المهم قالولى احنا لازم ندخل فى سباق بالعجل على طريق السكة الزراعية .. ووخدوا منى جنيه ومن كل واحد جنيه ... وقالوا اللى هيكسب .. هياخد الفلوس كلها  انا كان معايا عجلة وكويسة وسريعة وكمان شكها حلو وكمان صغنونة وعلى أدى  جه واد من ابن الجيران .. ضحك عليا .. وخدها منى .. واخدت مكانها عجلته ال 28 .. الفسكونيا  هههههههههه المهم دخلنا فى مرحلة السباق .. والعيال طارت بالعجل .. وأنا راكب على العجلة .. وكبيرة أوى عليا .. وبجاهد عشان أطول البدال .. المهم بدأت أبدل نص تبديلة .. وجريت وسبقتهم كمان ... بس جه نفس الواد دخل فيا بالعجلة من وراء مرة واحدة لقيت فردة العجلة الأمامية اتخلعت مش عارف ازاى .. ولقيت نفسى .. فى الترعة  واللى باقى من العجلة فوق منى ...  بس الحمد لله ربنا سترها .. ولانى كنت بعرف اعوم كويس .. ربنا نجانى  بس المشكلة مش هنا الواد اللى ضحك عليا دا  راح قال ل تيته هانى خد منى العجلة ووقع بيها فى الترعة .. وانا عايز العجلة بتاعتى .. وفضل يعيط ويعمل زيطة قامت نينه ..ادته العجلة بتاعتى .. عشان أنا بوظت العجلة بتاعته .. وكمان عشان خافت عليا .. انى أقع فى الترعة تانى هههههههههههههههههههه .. ولحد النهاردة .. انا والواد دا الأصدقاء الأعداء  ولما بشوفه ببقى عايز أقتله .. لانه أخد منى عجلتى
__________________
يا رب
|
|
#2
21-05-2011, 03:17 PM
|
||||
|
||||
اقتباس:
والحمد لله جات سليمه وعلي رأيك مش مهم الفوز اقتباس:
 طيب وليه ماتقوليش مواقفك المضحكه لحد ماتفتكري النكد براحتك وعلي اقل من مهلك انا عارف النكد هيجي هيجي   اقتباس:
يعني الواد ضحك عليك 3 مرات مرة اول مابدل العجله معاك ومرة لما سبقتهم ودخل في عجلتك من ورا ومرة لما سبقك لتيته وحكالها واخد عجلتك كمان ههههههههههههههههههه بصراحه كويس ان مش انا اللي في الموقف ده تقريبا ماكنتش هخليه ينام الليل
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#3
21-05-2011, 03:23 PM
|
||||
|
||||
|
اقتباس:
ههههههههههههههههه لا أربعة أو خمسة وانت الصادق يا مستر  الرابعة .. لما هو اللى كسب (رغم انى اللى كنت سابق) .. وخد كل الفلوس ومنهم الجنيه بتاعى هههههههههه والخامسة بقا انئح ... الواد دا مكنشى معه فلوس أصلا .. وجمع من العيال ومنى من كل واحد جنيه ... وهو مدفعشى ... وفى الأخر كسب  الفلوس كلها
__________________
يا رب
|
|
#4
21-05-2011, 03:23 PM
|
||||
|
||||
شوفوا بقي الموقف ده
كنت في اخر المرحله الابتدائيه علي ما اتذكر وقتها وكنت عند بيت جدي وكان عند جيرانهم فرح وزيطه تقريبا شبكه وكانوا عاملين هيصه بقي عند بيتهم (بيت الجيران يعني) فانا حبيت اتفرج بس مارضتش اروح عندهم قلت اتفرج من قدام بيت جدي المهم انتوا عارفين بقي الولاد الصغيرين اي حاجه ع الارض بتلفت نظرهم فانا لفت نظري حاجه زي الخرطوم كده جمب السور بتاع جدي (كان فيه رمل طيني بطول السور مرصوص جمبه بسيط يعني ) فالمهم انا قلت اخد الخرطوم ده والعب بيه او ابقي استخدمه لو حد دايقني المهم الدنيا كانت ضلمه الي حد ما لان الفرح كان بعد العشاء ووطيت عشان امسك الخرطوم اول مالمست الخرطوم عينكم ماتشوف الا النور لقيت الخرطوم اتحرك واستخبي في الرمل اللي جمب السور طلع ثعبــــــــــــــــــــــــــــــــــــان بصراحه كنت في موقف لا احسد عليه وقلبي وقف اشد من وقفه العجله في الموقف السابق يعني التعبان كان ممكن يبهدلني لولا من ستر ربنا ما اردش انه يلدغني وفضل انه يتواري في التراب بجد بحمد ربنا ا نه عدي الموقف ده علي خير ومن يومها بقيت احرم امسك حاجه مش شايفها كويـــــــــــــــــــس
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
آخر تعديل بواسطة ostazmath4m ، 21-05-2011 الساعة 03:34 PM سبب آخر: موقف تاني!!
|
|
#5
21-05-2011, 03:55 PM
|
||||
|
||||
|
اقتباس:
هههههههههههههههههههههههههههههه وبعدين بقا أنا برده حصل معايا موقف مشابه ل ده  وبرده فى الشرقية وأنا صغير أوى .. قبل ما أروح المدرسة كنت بلعب لوحدى عند المدرسة اللى جنب بيت جدى .. ولقيت سلك كبير على الأرض وطويل .. قمت رحت مسكت السلك وشديته .. ويا لهوى على اللى حصل لقيت نفسى اتشلت واترميت فى الأرض  وانا مش فاهم ايه اللى بيحصل أبص لسلك .. طرفه مشبوك فى العمود من فوق والطرف التانى على الأرض وأنا إلا مصصم أشده وأخده معايا البيت ألعب بيه شديته مرة تانية .. نفس النظام .. لقيت نفس اترفعت لفوق .. لدرجة انى شفت حوش المدرسة .. ومن وأنا طاير فى الهواء اتكرر الحكاية دى كمان مرتين ..وأنا اتشال واترذع فى الأرض بقوة ... وفى الاخر .. خدت بعضى وطلعت جرى على بيتنا ... وطبعا ايديا باظت فى بعضها .. وتعبت أوى من كتر الوقعات الكتيرة دى بس اللى استفدته .. انى عرفت ان فيه حاجة اسمها كهرباء وممكن تموت وكمان عرفت تفسير منطقى ل لعبة كنا بنلعبها ومش فاهم اسمها .. اللعبة دى كان اسمها كهربة
__________________
يا رب
|
|
#6
21-05-2011, 04:07 PM
|
||||
|
||||
|
اقتباس:
ههههههههههه
طب كويس ان حضرتك قلتلنا على الاختراع دا عشان كنت لسا معرفهوش
|
|
#7
22-05-2011, 05:27 PM
|
||||
|
||||
اقتباس:
بس قبل ما اقول موقف مضحك افتكرته عايزك تشوفي الموقف ده انا كتبته قبل كده بس حاسس انك ماخاتيش بالك منه اصعب موقف حصل معايا مع انه من ايام الابتدائيه الا انه محفوووووور في ذهني اقتباس:
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#8
22-05-2011, 05:32 PM
|
|||
|
|||
|
اقتباس:
اختي الاصغر طلع في دمغها انها تستخبه ورا شجره كبيره علي شط الترعه وكنا بليل كانت الساعه 10 تقريبا يعني احنا مستخبين لوحدنا المهم الشجره بطلت القصه جدورها ممتده الي داخل الترعه والترعه عميقه ولقيت اختي الي بعد منها اخر العنقود رايحه تستخبه هناك هي كمان اشمعنا اختها!!!!!!!!!!!!! وفجاه مسمعناش صوت لحد والعبه خلصت واحنا افتكرناهم دخلوا البيت يناموا وبعدين لقيناهم جايين مليانيين طين سألنهم في استغراب كنتوا فين لقيت اخر العنقود بطلع دخان من ودنها زي المارد وبتقولي اختك كانت حتزحلق لما راحت تستخبي هناك وانا لما رحت مسكت في رجلي وانا مسكت في الشجره وكان فيه طين كتير والترعه كانت مليانه ميه وقعدت اقاوم لحد ما طلعت ومشينا من وقتها ومها الاتنين بيخافوا من اي ترعه او جسر او حاجه ليها شط وملهاش جاجز
__________________
|
|
#9
22-05-2011, 06:43 PM
|
||||
|
||||
اقتباس:
موقف جميل هم شكلهم مش بقوا بيخافوا من الترعه والجسر وكده وبس شكلهم بقوا بيخافوا انهم يلعبوا اساسا اسعدني مرورك الكريم ولي ملحوظة صغيرة وانا اعلم علم اليقين انها عن غير قصد ولا تقصديها وهي لا ينبغي ان نقول علي احد مسلم انه يهودي اكرمك الله عز وجل فانا اقولها فقط من باب الدين النصيحه ،، بانتظار مواقف اخري اسعدني مرورك شخصيا تقبلي جل احترامي وتقديري
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#10
22-05-2011, 06:50 PM
|
||||
|
||||
موقف آلمني في الصغر
افتكرت موقف وانا لسه صغير كنت عند جدي
وخرجت من البيت ووقفت قدامه شوية عشان اضمن ان العربيات كلها عدت الشارع واعدي انا كمان بعدهم وفي اخر عربية كان في قدامها زلطه ع الارض كانت قدام البيت بالظبط اللي هو بيت جدي وانا واقف قدامه قامت العربية وهي بتعدي داست ع الزلطه دي قامت الزلطه بدورها تقمصت دور سوبر مان وطاااارت وجات في وشي في الحاجب بالظبط ولسه عاملة اثر بسيط جدا مش اي حد ياخد باله منها في حاجبي لحد دلوقتي وانا بعد مافقت من الذهول والصدمه والالم حمدت ربنا انها ماجاتش في عيني كانت صفتها الحمد لله كان موقف صعب ومؤلم بصراحه نصيحتي ماحدش يقف قدام بيت جده خصوصا لو كان بيطل ع الشارع والشارع فيه زلطه ،، تقبلوا تحياتي
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#11
22-05-2011, 08:11 PM
|
||||
|
||||
|
اقتباس:
لا حلوه يا مستر بس انا حقف عن بنت جدى علشان هو مش ساكن ع الشارع طيب انا عايزه اشوف موقف لحضرتك وانت كبير يا استاذنا
__________________
|
|
#12
22-05-2011, 08:43 PM
|
||||
|
||||
المواقف بصراحه كتيرة جدا بس اللي يفتكرها
وانا مش حاضر حاليا في ذهني موقف مضحك وانا كبير بس حضر في ذهني موقف ايام ما كنت في الجامعة (اسكندرية) كنت ساكن مدينة جامعيه لاني طبعا مش اسكندراني بس مدينتي الجامعية كمان كانت بعيدة اووي عن الجامعه(25.5 كيلومتر) المهم كنت لما بخلص الكليه وعايز اروح للمدينة الجامعيه كنت بركب عربية العامرية وبنزل في الطريق المهم في يوم كنت طالع من الكلية مطحوووووون ومدغدغ ع الاخر بس في حاجه المواصله مش بتاخد وقت كتير السواقين دايما بتوع العامرية وطريق صحراوي بقي كانوا بيطيروا وانا كنت بعمل حسابي اني مانمش خالص حتي ولو كنت تعبان عشان انزل في المكان المناسب المهم المرة دي بقي غفلت كام دقيقه كده مش كتير قليلين جدا و صحصحت كده وفوقت لقيت نفسي عديت المكان الي بنزل فيه بحوالي 6 كيلو اعمل ايه بقي قلت للسواق عندك ياسطي نزلي هنا علي اي جنب المهم نزلت وانا موتي وسمي الانتظار بكرهه كره العمي والطريق الصحرواي رخم والمواصلات مش دايما بتقف علطول المهم قلت اتمشي لحد ماعربية تقف واركب فيها ومفيش ولا عربية وقفت وفضلت ماشي ماشي وجريت شويه صغيرين كده لحد ماوصلت المدينه الجامعية ع الاقدام انا كنت جعان بصراحه ماكدبش عليكوا بس انا كنت في حاله لا يرثي لها وماصدقت افتح باب الاوضه رميت الاجنده واستقبلت السرير احلي استقبال وبالجزمه وبهدومي ونمت طبعا بس قبل ما اتعمق في النوم بالعافيه قلعت الجزمه ومن يومها لو كنت هموت من التعب حرمت انام تاني او عيني تغفل وانا راكب المواصله دي تقبلوا تحياتي
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 01:43 AM.
