أن تحترم تفكيري.. أفضل من أن تحبني..

[Sofia El-behairy]

المشاركة الأصلية كتبت بواسطة usernamo

اغيب يوم الاقى موضوع 3 صفحات من غير ما انا اكون مغتت على صاحبه !!.. وااااااااااااسفااااااااااااااااه .. بخصوص الموضوع ..

هنا فى مصر فيه حاجة راااائعة .. احنا بنسمع الرأى التانى .. بس ودن من طين .. و دن من عجين .. يعنى مثلاً نتكلم فى الكورة ..

الاهلاوى : رغم ان الاهلى مش بيلعب حلو .. و رغم ان الاجوان كفتة .. و بردو بنكسب ..

زملكاوى ..: رغم ان شيكا = 90% من النادى .. بس لما بيغيب بردو بنكسب ..
لحد هنا المووع كويس .. فجأة تلاقى الحوار .. تحول .. فبيبقى كالتالى :

الاهلاوى :: منتو كلاب خونة و عملاء .. و اجندة .. انتم اجندة !
الزملكاوى ..: يلا ينعل و يحرق .. و يخرب .. انتم اللى زبالة المجتمع و طفلة الحشرة ! حماااااااااار .. و تقلب بخناقة ..

و يقولك دى الديمقراطية ! ..

و لا تلاقينى انا بتناقش انا ووالدى فى حاجة .. افضل اتكلم اتكلم و اطلع انا الصح .. بس ازاى هو الكبير و يغلط .. يقوم قايلى طب قوم بقى من قدامى .. و يتنرفز و يتعفرت .. دى حرية رأى !!!!!!!!.

نيجى للسياسة .. تلاقى واحد بيحب المجلس العسكرى .. و التانى عايز .. جمالات السعيد تمسك .. يتخانقوا واحد مات .. و التانى لبس فى جزمة !
حتى العريس و العروسة .. دى تقولك الاودة دى احسن .. التانى يقول لا دى عجبانى اكتر .. و فى الاخر يولعوا فى بعض ..

احنا شعب .. مينفعناش حرية رأى او احترام رأى .. مثلاً بخصوص الحب و الكلام ده .. لما هتيجى تتجوز واحده .. هتبص فى وشها و لا فى مخها !!!!!!!! يعنى اجوز واحدة دماغها كويسة .. بس حولة و عورة .. و عليها غضب ربنا ؟؟ و لا اجوز .. فرس من فرسان البلاد السابعة .. و تكون مخها طاقق ..؟؟

اكيد الفرسان السبعة كلهم ^^ احنا بنقول اقوال يا سوفيا و بنعمل عكسها .. يا سوفيا .. يعنى انا اعرف .. ناس بتسوق تكتك و الله واخدين شهادات اعلى من ناس كتير .. ترى انتى تتجوزى .. واحد صاحب تكتك ؟؟ و تقولى ده معاه كذا .. للاسف لا .. لان المظهر الاهم فى عصرنا ده ^^ ...

يارب اكون وصلت مقصدى ^^

هههههه عشان تعرف بس ان مواضيع بتلاقى اقبال المشاهدين ..ده عمرو اديب طلب انى اشتغل معه بلا فخر
ثانيا انا اهلاويه متعصبه و مش بقبل الراى الاخر فى الموضوع ده بس عشان ماما اهلاويه جامده جدا و بعزمنا بره لما الاهلى بيكسب و يوم بيقى ملون لو خسر او زمالك كسب بعد الشر

هو مش اسمه توك توك ؟؟ مع علينا الاختراع الغريب ده والله انا نفسي اركبه و كمان اخويا صغير ..
اه طبعا اوافق اتجوز واحد خريج السن او اعلام او طب و عنده توك توك حد يطول شهاده و توك توك ..ده قذافى رئيس لبيا عنده توك توك ..عادى عربيه صغيره على قدنا احنا الاتنين ..

المهم هو لسه الانجلش فى البانيو و يا ترى يا هل ترى باب 8 فى التاريخ خلص و لا لسه التاريخ فى المطبخ ..
صحيح هو باب فى تاريخ كام صفحة عشان انا سألت مستر على و قالى انه انجلش ..يلا ربنا يستر و يكون التاريخ طلع من المطبخ و الانجلش على المكتب

نورت المشاركه و عقبال كده لما نكتب لك مبروووووووك بمجموع عالى ان شاء الله