اقتباس:
المشاركة الأصلية كتبت بواسطة هانى الشرقاوى
خدعوك فقالوا .. البرادعى شعبيته قليلة فى مصر ..!
فالسؤال هنا لو كانت شعبيته قليلة زى مابيقولوا ليه استخدموا ضده كل حملات التشويه دى اللى وصلت لاتهامه فى دينه وسمعته وأهل بيته ؟ .. لو عايز تعرف شعبية حد شوف حجم التشويه اللى بيتعرض ليه من اعداءه وانت هتعرف شعبيته .. لو مكنش البرادعى له شعبية كبيرة تخوف منافسيه مكنتش انت سمعت عنه كمية الاشاعات دى فى سنة واحدة ..!
ولو كانت شعبيته قليلة فازاى قدر يغير الحياة السياسية فى مصر تغيير جذرى فى سنة واحدة بس وقدر يوحد صفوف المعارضة من الاخوان للاحزاب الرسمية للحركات الشبابية تحت اسم واحد "الجمعية الوطنية للتغيير" وعلى مطلب واحد "مطالب التغيير السبعة" فى حين ان المعارضة كانت مختلفة مع بعضها لاكتر من 30 سنة ودى كانت اكبر ضربة لنظام مبارك انه قدر يوحد قوى المعارضة
ولو كانت شعبيته قليلة ازاى قدر يجمع ما يقرب من مليون توقيع من محافظات مصر رغم التضييق الامنى اللى عاناه شباب الجمعية الوطنية والحظر الاعلامى للبرادعى ..!
|
الجمله الاخيره دى جامده جدا يا هانى فعلا جمع مليون توقيع فى وقت امن الدوله كان موجود ومن يومها والحمله المسعوره بدأت
03-06-2011, 01:35 PM
العرض الشجري
