الدرجات الماليه واخر كلام

[ابوعمادمصطفى]

المشاركة الأصلية كتبت بواسطة mark 2011

الدرجات المالية هتصدر دفعة واحدة في شهر 7 و هيكون تاريخ الدرجة باثر رجعي من تاريخ انتهاء الثلاث سنوات

و الله يا جماعة الواحد ما عادش عارف فين الحقيقه ، هل احنا فعلا انضحك علينا و ما اتعيناش و مالناش درجة مالية فعلا زي ما بيؤكد بعض الزملاء طيب لو كان الأمر كده همه بيضحكوا علينا ليه و هيستفادوا ايه لما يضرونا ، ولا الوضع طبيعي و احنا اللي مزودينها شويه و متشائمين اكثر من اللازم و في شهر 7 هتنزل الدرجات عادي خالص ، لذلك يا ريت يا جماعة واحد يكون ساكن قريب من التنظيم و الاداره و يسأل مسئول فاهم على الوضع و مش يتصل و يرد عليه واحد مش عارف حاجه و لما يروح هناك يا ريت يسأل مسئول فاهم و يطمنا و يبقى جزاه الله كل خير

[ايهاب2323]

لو مش معمول حسابنا بيقى دا اسمه قلة ادب احنا احق ناس بالدرجات والتثبيت

[mmagdy_81]

المشاركة الأصلية كتبت بواسطة ايهاب2323

لو مش معمول حسابنا بيقى دا اسمه قلة ادب احنا احق ناس بالدرجات والتثبيت

هى فعلا قله ادب بس املنا فى الله كبيره

[رضا عبد الحميد عبد الرازق]

الواحد كان مفكر انه اتعين وريح دماغه ولا عاد يجهز ورق وكل شوية رايح جاى من الأدارة اما نشوف اخرتها ايه وشهر 7 مش بعيد

[mrhima25]

على فكرة لو ايجة شهرسبعة وماخدناش الحد الادنى 972جنيه بسبب الدرجة حيحصل مالايحمد عقباه واعتقد ان الحكومة عاملة حساب الكلامدة كويس وهى فى غنا عن المظاهرات لذلك حناخد الحد الادنى

[msrahmedseef]

على فكرة انا من الدقهليه و خدت الدرجه فعلا وثبتوها فى بيانات الموظف عندى على الصفحة بتاعتى على النت وبعدين قدمت طلب نقل كتبو فيه الدرجة الثالثة و العمليه ماشيه فل وده جبته من سجل الدرجات اللى فعلا اسمى مدون فيه وكل سنه وانتوا طيبين

[mmagdy_81]

المشاركة الأصلية كتبت بواسطة msrahmedseef

على فكرة انا من الدقهليه و خدت الدرجه فعلا وثبتوها فى بيانات الموظف عندى على الصفحة بتاعتى على النت وبعدين قدمت طلب نقل كتبو فيه الدرجة الثالثة و العمليه ماشيه فل وده جبته من سجل الدرجات اللى فعلا اسمى مدون فيه وكل سنه وانتوا طيبين

سجل الدرجات ده موجود فين ؟

[kholio_]

المشاركة الأصلية كتبت بواسطة mrhima25

على فكرة لو ايجة شهرسبعة

هههههههههههههههههههههههههههه
ايجة حلوة دي

[mohsen2011]

بسم الله الرحمن الرحيم
الى جميع معلمى مصر أستحلفكم بالله الانتظار وعدم اتخاذ اى اجراء من شانه ان يزيد من الفوضى الت تحل بالبلاد الان
و أقول للجميع أين كنتم فى عهد مبارك وأمن الدولة هل تشجعتم الان على هذا البلد المريض الان ونرجو من الله ان يقف بجوارنا حتى لا نصل بهذه البلد الى أقل المستويات اقتصاديا وعلميا على جميع المستويات

ملحوظة (انا مثلكم ولم اتقاضى راتبى منذ ثلاثة أشهر )
ولكنى أحب هذا البلد ولن أشارك فى أى اعتصام أو اضراب من شانه ان يصيب العملية التعليمية بالشلل
وفقكم الله وايدكم بنصره لنهضة هذه البلد التى بدون المعلم لن تنهض ابدا
السلام عليكم ورحمة الله وبركاته

[mmagdy_81]

ليه انت بتطلب مننا احنا كده ماكل البلد بتعمل كده وبعدين انت بتلومنا احنا ومبتلومش الوزير اللى اصدر قرار تعيين من درجات ماليه

مين اللى حط وزير فى منصب زى كده

ياعم البلد مش هتنضف الا بالوقوف واقفه جاده وكل حاجه ليها سلبيتها

لسه الزباله بتوع النظام السابق بيستفزوا فى الناس بالتصرفات الغريبه ده

[sasoooooooo]

بياع محافظة الدقهلية انا من الدقهلية الكلام كله مش مظبوط احنا لسة بنقبض من بند مكافأت و ما خدناش درجة ولا حاجة

[mmagdy_81]

الله يخرب بيوتهم منهم لله

مش عايز واحد بقى يتفزلك ويقول درجات ولا زفت

[mmagdy_81]

السلام عليكم
كما وعدتكم زميلى لسه جاى من نصف ساعه من التنظيم والاداره الفرع الرئيسى

1-الدرجات مفيش خالص لم يصدر من التنظيم والاداره او الماليه اى درجات للتربيه والتعليم نهائى

2- الورق اللى اتبعت من التنظيم والاداره والمحافظات غير كامل والاسماء والاعداد ملخبطه خالص ومجاش ليهم اى تعليمات حتى الان بالفرز من الماليه

3-كل اللى اتظاهروا خدوا دراتهم وهم ماشين زى بتوع الرى واحنا بره زى ..............


4- وكمان الازهر درجاتهم خلصت وقرار الدرجه نازل بعد10 ايام وده اوامر صفوت بيه النحاس المتخلف


5-المحافظات ليس لها علاقه بالدرجات وحتى التنظيم والاداره فى المحافظات


6-الدرجات موجوده كتير ولازم نتحرك علشان ناخدها قبل السنه الماليه الجديده


7-واخيرا احنا بره الحد الادنى للاجور وده قطمه الوسط اللى جابت من الاخر

ده كلام زميلى لسه واصل من التنظيم والاداره الفرع الرئيسى مدينه نصر

اللى مش عاجبه الكلام او مش مصدق ينزل القاهره ويتاكد بنفسه

وانا تارك الحل ليكم

[ammhhe]

عين العقل والله يابنى

[mmagdy_81]

السلام عليكم ورحمه الله وبركاته

عندما تحدثت عن موضوع الدرجات الماليه لم اكن ابدا اقصد ان نصل الى هذه الحاله من الاختلاف والجدال والتشتت فى الاراء ولكن كان هدفى هو النصيحه ليس اكثر ولكن الاسلوب خاننى


انا اعتذر لكم جميعا . الى جميع اعضاء المنتدى المحترمين والى مشرفى المنتدى وخصوصا الاستاذ محمد عاشور اللى تحدث معايا كثير فى موضوع الدرجات الماليه وساندنى كثير على قناعه وثقه من كون كلام صحيح وان مصدر كلامى موثوق بيه وعلى الاقل انه لن يكذب عليا ويضللنى


اعتذر اليكم على مابدر منى من سوء تصرف او سوء حديث لانها عفويه اردت بها ان انبهكم الى ان الحلم ممكن ان ينقلب الى كابوس


ارجوا من اى عضو انفعلت عليه فى كلامى او تلفظت بلفظ جارح ان يقبل اسف واعتذارى له شخصيا عما بدر منى


ارجوا من كل الاعضاء والمشرفين سواء المتفقين على عدم وجود الدرجات او الغير متفقين على وجودها ان يغلقوا باب الحديث فى هذا الموضوع نهائيا لاننا لن ولم نجتمع على راى خلال المده القصيره المتبقيه على شهر 7 والسنه الماليه الجديده

فكل واحد منا له قناعته الشخصيه ورايه الشخصى فى الامر وانا لااملك اى مستند اثبت بيه راى وحسن نيتى فى عدم وجود درجات ماليه للمعينين

ادعوا الله عز وجل ان ياتى شهر 7 المبارك ويكون رحيم بنا بقدر حبنا له وطاعتنا له وان يعطينا على قدر نواينا

والا نصدم ونظلم من قرارت ظالمه تبدد احلامنا الى كوابيس

اكرر اسفى واعتذارى الى كل اخوانى فى منتدى المعلم المساعد وغيره من المنتديات على بوابه الثانويه العامه وارجو ان يقبلوا اسفى