هل الحد الادنى للمرتب الاساسى ؟؟؟او انه للاجر الشامل ؟؟؟

[maezzat]

الاخت الاستاذه هدى؛ انا سعيد بردك و متطلبيش سعة الصدر لان اللى مايتقبلش كلام الطرف الاخر مايستاهلش الحديث معاه اصلا

لية شوية تعليقات على ردك, اسمحيلى اورد بعضها... يمكن ده ناتج عن سوء فهم لدور عضو هيئة التدريس بالجامعة.

المكافأة فى نهاية العام للمعلم 200 يوم بنسبة 5% مرة واحدة بينما تزيد عندكم بالجامعة !!

الكلام غير صحيح......انا بقالى 10 سنوات باخد مكافأه 450-600 ج فى الترم

جميع الدكاترة يتقاضون مقابل مذكراتهم والكتب (التى هى قص ونسخ) والتى تباع بالإجبار للطلاب وأنت تعلم هذا !!!

انا ماببعش كتب و فى غيرى كتيير معترض على حكاية القص و الصق اللى انت بتقولى عليها

المهنة التى يمارسها كلانا معلمون ودكاترة جامعات واحدة !!!!!!!!!

مين اللى فهمك الكلام ده!!!!!!!
يعنى احمد زويل و مدرس الاعدادى واحد ؟؟؟
يعنى اللى بيطور القنابل النووية و الليزر يتساوى مع استاذ خميس بتاع الرياضة اللى بقالوا 25 سنة بيدرس س & ص & ع

ظروف العمل لهذه المهنة الواحدة تختلف كلياً وجزئياً من صلاحيات واسعة لكم وسبورات تكتبون عليها بالأقلام الى سبوراتنا المريضة التى نتكلف ثمن الطباشير الذى نكتب به الى الأمراض التى نتعرض لها من جراء هذا الطباشير وكأننا بشر غير البشر !!!

الظاهر برده ان سوء الفهم هو السبب فى الجملة ديه.......
اولا الطباشير اتلغى من معظم المدارس
ثانيا الفروق بين عضو هيئة التدريس فى الجامعة و المعلم العادى ده مش فى مصر بس
مرتب المعلم فى السعودية ّ= 4000 و مرتب الدكتور الجامعى = 15000 و بيوصل ل 30000 ريال للاستاذ الدكتور!!
مرتب المعلم فى امريكا = 1500 $ و مرتب عضو هيئة التدريس حديث التعيين 6000 $ وبيوصل ل 15000$ للاستاذ الدكتور
قيسى على كده كل الدول....... حتى نيجيريا و السودان

بل بالقياس الى كلامك يكون المعلمون أصحاب السبق والفضل !!

برده مفهمتنيشّّّّّّّّّّ!!!!!!!!
عضو هيئة التدريس بيعلم المدرس العلم اللى بيفضل معاه طول عمرة بل بالعكس ده بيقل مع الزمن لانة مابيستخدمهوش كله
لكن العلم اللى بيعلمه المعلم لاستاذ الجامعة فى مراحل عمرة الاولى بيطورة استاذ الجامعة 1000000 مرة و معظمه بيكون الفضل فية لله ثم استاذ الجامعة نفسة لانة بيكون نتاج اجتهاده و تفكيره

اما كونك رجل علم فكان من المفترض ان تدعم كلام حضرتك بأرقام ولو نسبية لكن ان نأخذ الأمور على عواهنها فهذا غير علمى

ده كلام الاخبار مش كلامى..........
و ده مؤكد من تلامذتى اللى لسة على صله معايا انهم مشغولين جدا اليومين دولا
من 7:00 ص حتى 12:00 ص......

فحتى معلمى الكيمياء والفيزياء والرياضيات فليس كلهم يعطون دروس خصوصية بل هى نسبة منهم قد لا تتعدى 10% ما يسمون حيتان الدروس

نفس الشىء!!!!! مش كل اعضاء هيئة التدريس بيبيعوا كتب او عندهم عيادات خاصة...الخ

القضية بتاعة عضو هيئة التدريس فى مصر جذبت انتباه ناس محترمة كتيير منهم الشيخ محمد حسان لو انت بتسمعيه... فى درس كامل مفاده ارحموا اعضاء هيئة التدريس

شوفى نتيجة التفكير اللى انت و الشعب المصرى الذيذ متبنينه اية (اتمنى تفهمى الصفحة المرفقة لان المنتدى يمنع وضع الوصلات)

en.wikipedia.org/wiki/List_of_Jewish_Nobel_laureates (انسخى الرابط و ضعية فى التيتل بار)

احنا فرحانين ب أحمد زويل هههههههههههههه
وبرده مش لاقى اسم استاذ خميس وسط الاسماء دية

السلام ختام
بالمناسبة انا بحب بور سعيد قوى يمكن عشان فيها شبة من اسكندرية (بلدى)

اوعدك انى حزور المنتدى فى خلال التلات ايام الجاية عشان اقرا ردك.....

[الأستاذة هدى]

المشاركة الأصلية كتبت بواسطة maezzat

الاخت الاستاذه هدى؛ انا سعيد بردك و متطلبيش سعة الصدر لان اللى مايتقبلش كلام الطرف الاخر مايستاهلش الحديث معاه اصلا

أشكرك جزيل الشكر على هذه البداية الرائعة
والتى أتفق تماماً معك فيها .. والتى على الجميع ان يعيها
لكنى طلبتها من باب حسن الحوار .. مخافة ان يكون كلامى به ما قد يضايق حضرتك !!

لية شوية تعليقات على ردك, اسمحيلى اورد بعضها... يمكن ده ناتج عن سوء فهم لدور عضو هيئة التدريس بالجامعة.


الكلام غير صحيح......انا بقالى 10 سنوات باخد مكافأه 450-600 ج فى الترم


يعنى هل تتقاضى حضرتك مكافأة سنوية لاتصل للحد الأدنى للمعلم وهى 1600 جنيه؟ !! رجاء التوضيح
كذلك لم تشر الى حداثة تعيين حضرتك ؟؟


انا ماببعش كتب و فى غيرى كتيير معترض على حكاية القص و الصق اللى انت بتقولى عليها


ليس معنى عدم الإعتراض صحة الحدث!!
واذا لم تكن تبيع كتب فكيف تشرح مادتك العلمية للطلاب؟؟
وماهى نسبة من لايبيعون الكتب من دكاترة الجامعات المصرية للطلاب؟؟
هذا هو الفيصل الذى سيظهر من خلاله الفروق المادية الرهيبة التى حدثتك عنها !!


مين اللى فهمك الكلام ده!!!!!!!
يعنى احمد زويل و مدرس الاعدادى واحد ؟؟؟
انت فهمتنى خطأ !! ليسوا سواء بالفعل
ولكنى أقول ان طبيعة العمل لكلانا واحد !!
انت تدرس لطلاب وانا كذلك !!
انت تشرح للطلاب ونحن كذلك !!


يعنى اللى بيطور القنابل النووية و الليزر يتساوى مع استاذ خميس بتاع الرياضة اللى بقالوا 25 سنة بيدرس س & ص & ع


لا استاذ خميس يتساوى مع زويل ولا أى من دكاترة الجامعات المصرية أصلاً يتساوى بزويل؟؟؟
هل سمعت عن دكتور جمعة المصرى بجامعة مصرية نال نوبل؟؟؟؟!!!!!!

الظاهر برده ان سوء الفهم هو السبب فى الجملة ديه.......
اولا الطباشير اتلغى من معظم المدارس


تانى يا دكتور هنتكلم بألفاظ "غير علمية"؟؟؟!!!

معظم وكتير وغالباً "أ ، ب" البحث العلمى ليست لغة علم !!
وهنا يتضح بالفعل وجود سوء فهم لأن النسبة الأكبر واكثر من 90% من مدارس مصر مازال الطباشير والسبورة السوداء موجودون !!!!
فما رأى حضرتك ؟ هل نحن بشر غير البشر ؟؟
ام ان معايير السلامة المهنية لكلانا فى نفس العمل يجب ان تطبق للجميع؟؟!!!

ثانيا الفروق بين عضو هيئة التدريس فى الجامعة و المعلم العادى ده مش فى مصر بس
مرتب المعلم فى السعودية ّ= 4000 و مرتب الدكتور الجامعى = 15000 و بيوصل ل 30000 ريال للاستاذ الدكتور!!
مرتب المعلم فى امريكا = 1500 $ و مرتب عضو هيئة التدريس حديث التعيين 6000 $ وبيوصل ل 15000$ للاستاذ الدكتور
قيسى على كده كل الدول....... حتى نيجيريا و السودان

لعلم حضرتك أعلى راتب بالدولة فى اليابان (التى عنصرها الانتاجى الأول هو البشر )هو المعلم !!!!!!
معلم المرحلة الثانوية بها دكتور جامعى !!!!

ومع ذلك أنا أتكلم عن مصر لأن بها العجب العجاب !!
تعليمنا الجامعى لم يصل أن يكون واحد من اكبر 500 جامعة على مستوى العالم !!
فلماذا فى الأجر ننظر لدول العالم ؟ وفى الإنتاج العلمى نتراجع ونتوارى ونختفى ؟؟؟!!!
المنظومة السليمة تبدأ من الأساس وهو المعلم فإن صلحت صلح التعليم العالى
وهذا مقصدى لم أطالب بالمساواة المطلقة لكن النسبية



برده مفهمتنيشّّّّّّّّّّ!!!!!!!!
عضو هيئة التدريس بيعلم المدرس العلم اللى بيفضل معاه طول عمرة

طول عمرة؟؟فى العمرة يعنى والحج وكده
أفهم من كده ان فيه علم بيفضل طول عمره وعلم بيتلاشى؟؟
وكيف كان ليتعلم علم"طول عمرة" ان فقد العلم المؤقت كالقراءة والكتابة والأسس العلمية؟؟


بل بالعكس ده بيقل مع الزمن لانة مابيستخدمهوش كله

قانون الطاقة بيقول "الطاقة لا تفنى ولا تستحدث من العدم"!!!!!!
ياريت تلاحظ عدم الفناء يعنى العلم الذى استمديته من معلميك لم يكن ليفنى أبداً ولا يمكن ان تستحدث معلوماتك وتجددها دون بذرة المعلم فيك !!!

لكن العلم اللى بيعلمه المعلم لاستاذ الجامعة فى مراحل عمرة الاولى بيطورة استاذ الجامعة 1000000 مرة و معظمه بيكون الفضل فية لله ثم استاذ الجامعة نفسة لانة بيكون نتاج اجتهاده و تفكيره


هل اعتبر هذا انكار منك لدور المعلم وفضله على الجميع بما فيهم دكتور الجامعة؟؟!!!!

ده كلام الاخبار مش كلامى..........

طيب ماهى نفسها الأخبار اللى بتدى معلومات خاطئة عنكم؟؟!!
لماذا صدقتها الآن؟؟!!!!!
و ده مؤكد من تلامذتى اللى لسة على صله معايا انهم مشغولين جدا اليومين دولا
من 7:00 ص حتى 12:00 ص......


تلامذتك مع كل الاحترام ليسوا دليل على كل معلمى مصر ولا حتى على زملائهم ؟؟
وهؤلاء الساهرون بالمناسبة كم هى نسبتهم الى باقى تلامذتك؟؟!!!

نفس الشىء!!!!! مش كل اعضاء هيئة التدريس بيبيعوا كتب او عندهم عيادات خاصة...الخ


بالفعل فكلانا مظلوم فى هذا المجتمع !! قلة محترفة وكثرة ضائعة
القضية بتاعة عضو هيئة التدريس فى مصر جذبت انتباه ناس محترمة كتيير منهم الشيخ محمد حسان لو انت بتسمعيه... فى درس كامل مفاده ارحموا اعضاء هيئة التدريس

نحن كذلك اهتم بنا رجال محترمون والدليل تواجدك بيننا

شوفى نتيجة التفكير اللى انت و الشعب المصرى الذيذ متبنينه اية (اتمنى تفهمى الصفحة المرفقة لان المنتدى يمنع وضع الوصلات)

en.wikipedia.org/wiki/List_of_Jewish_Nobel_laureates (انسخى الرابط و ضعية فى التيتل بار)


قائمة العلماء اليهود الحاصلون على جوائز نوبل !! أليست هذه حجة ضدكم دكاترة الجامعة المصريون ؟؟ أشكرك لحسن تعاونك معنا
احنا فرحانين ب أحمد زويل هههههههههههههه
وبرده مش لاقى اسم استاذ خميس وسط الاسماء دية

ولا هتلاقى الدكتور جمعة وسطها

السلام ختام
بالمناسبة انا بحب بور سعيد قوى يمكن عشان فيها شبة من اسكندرية (بلدى)

اوعدك انى حزور المنتدى فى خلال التلات ايام الجاية عشان اقرا ردك.....

احبك الله كما أحببت مدينتى التى تسكن وتقيم بقلبى
واما بلدك اسكندرية فهى كذلك بلدى لأننى ولدت فيها

وأوعدك كذلك بزيارتى للموضوع وليس المنتدى فقط خلال 3 ساعات لقراءة ردك