درجة سؤال البلاغة .. نداء عاجل للسيد الوزير

[sanawyastudents]

الأبيات بتقول:

لقيت الذي لم يلق قلب من الهوى ... لك الله يا قلبي! أأنت حديد ؟!
ولم أخل من وجد عليك ورقة ... إذا حل غيد أو ترحل غيد
وروض كما شاء المحبون، ظله ... -لهم ولأسرار الغرام - مديد
تظللنا - والطير في جنباته - ... غصون قيام للنسيم سجود

رغم إن الأبيات فعلا محتاجة واحد فذ عشان يركز فيها ويفهمها إلا إني الحمد لله قدرت أفهم مضمون الأبيات بصفه عامة علي قد ما قدرت

وانا فعلا قلت إن فيها وحدة عضوية ومازلت مقتنع بوجود الوحدة العضوية
الراجل مكنش بيتكلم عن عيد الأم وبعدها إنتقل لموضوع حبه لمصر مثلا

واضح من الأبيات إن كلها شوق ولهفة ومعاناة في الحب
شوقي بيخاطب قلبه اللي صبر وشاف كتير في الحب .. ومع ذلك لم يخلو قلبه من الوجد والشوق والحنين ويشتاق للحدائق والرياض التي تمتد ظلالها لتظلل المحبين وبيصف جملها في الطير والغصون التي تتمايل مع النسيم

الطبيعة هنا مش بعيدة عن العاطفة بالعكس نابعة من العاطفة ... الطبيعية مهمه في الشعر الرومانسي وخصوصا إن الطبيعة فعلا بتتكم عن المحبين والغرام

ياريت حد يفهمني فين إختلاف الموضوع أو إختلاف العاطفة ؟؟

[suzy m]

السلام عليكم تحياتى لكم جميعا احب اعرف سيادتكم بان احمد شوقى يتميز باللبيت وحدة القصيدة وموجودة فى الادب ادب الاحياءوالبعث ومكتوب فيها فى البلاغة قال شوقى يعنى من غير الابيات يتجاوب انها لم تتحقق العضوية تحياتى وده رايى ياريت محدش يزعل وطبيعى اى امتحان لابد من سؤال للمتميزيين وربنا يوفق الجميع

[ahmedyasmine]

المشاركة الأصلية كتبت بواسطة suzy m

السلام عليكم تحياتى لكم جميعا احب اعرف سيادتكم بان احمد شوقى يتميز باللبيت وحدة القصيدة وموجودة فى الادب ادب الاحياءوالبعث ومكتوب فيها فى البلاغة قال شوقى يعنى من غير الابيات يتجاوب انها لم تتحقق العضوية تحياتى وده رايى ياريت محدش يزعل وطبيعى اى امتحان لابد من سؤال للمتميزيين وربنا يوفق الجميع

انا طنت هوافقك لكن فى سببين هيبينوا ان كلامك مش صح ( مع احترامى لك)
1- دول 4 ابيات بس مش جايب القصيده كلها علشان اعرف الوحده اتحققت ولا لأ لكن فى ال 4 ابيات دول اتحققت (فى رأيي)
2- غربه وحنين كتبها شوقى وبتمتاز بالوحده العضويه مع ان المفرض حسب كلامك انها مش المفروض تتحقق

[mernaezz]

ياجماعة انتو بتتكلموا فى ايه؟السيد الجهبوذ مستشار اللغة العربية هو صاحب الرأى الاصوب.معقول يعنى الواد المبتدىء اللى اسمه امير الشعراء احمد شوقى بك يستطيع ان يكتب شعر وهذا الشعر تتحقق فيه الوحدة الفكرية؟ ياناس ده لسه شاعر صغير ولازم الجهبوذ بتاعنا ومعالى الوزير يكونوا على صواب.ايه ياجماعه انتو عايزين تعملوا ثورة مضادة وتخربوا البلد؟لااااااااااااااااااا...يخرب بيوتنا احنا ويتحرق عيالنا ويجعله عامر يا جيمى