خطير جدن .......مصير المكافاة الشاملة

[M.Ahmed Elsaid]

يا اخى الفا

[M.Ahmed Elsaid]

اخى الفاضل سؤال لو تكرمت

هل كلمة ( ازاى ) دى فى قاموس اللغة العربية اساسا ؟؟

المفترض انها ( كيف )



اكيد فيه حاجات ومشاكل اهم نتكلم فيها ونناقشها افضل من الكلام دا
بلاش نسخر ونعدل على بعض فى وقت كلنا محتاجين نكون ايد واحدة

[marwa1985]

الاستاذ م .احمد.السعيد
هل كلمة دا موجوده فى قاموس اللغه العربيه اساساً,المفروض (هذا الكلام) وليس (الكلام دا )

[M.Ahmed Elsaid]

استاذة مروة

انا بتكلم ف ايه وحضرتك بتتكلمى ف ايه ؟؟

لا حول ولا قوة الا بالله

يا ست الكل انا رديت على المشاركة اللى قبلى لانه بيتكلم على ازاى انها اذاى ..

وبعدين انتى سيبتى كل كلامى ومسكتى فى كلمة ( الكلام دا )


انا مكتبتش مشاركتى كلها بالفصحى وغلطت فى الكلمة دى يعنى علشان تعلقى عليها




وبعدين هنسيب الموضوع الاساسى ونمسك فى الحاجات الفرعية دى.. لازم نهتم بحاجات غير دى يعنى ولا ايه
الاستاذ بيتكلم على مصير المكافأة الشاملة يعنى مشكلة الاولى اننا نتناقش فيها

[أحمد صدقى]

معذرة للحميع ....
ممكن نبدأ صفحة جديدة
و نركز على اللغة العربية

[ehab said]

ربنا يشفيكوا

[مصطفي ابوطلب]

الرجاء من ادارة المنتدى ازالة هذا الموضوع لانه فيه اساءة للمعلم وشكرا

[امجد7007]

عارفين انتوا بجد ناس زى العسل
احلى حاجة فى الموضوع ده مش الموضوع نفسه لأن الموضوع نفسه احنا عارفينه وطول عمرنا بنتكلم عليه وعلى الناس المطحونة بجد وبتاخد ملاليم
لكن الشئ الجميل فى الموضوع هو تعليقات الأخوه على اللغة العربية وحتى اللى علق على حد غلط طلعله اللى يعلق عليه برضه يعنى محدش طلع سليم من الموضوع ده ههههههههههههههه
انا بقول انكم ناس زى او ذى العسل بجد انا بتكلم جد والله
المهم ان محدش يعلق لغويا على المشاركة بتاعتى لانى حاولت ارضى جميع الاطراف وتقبلوا تحياتى لكم جميعا اساتذتى الكرام

[therocksword]

iهؤلاء مجموعة من العيال الفاضية قاعدة تعمل مشاكل على الفاضى

[محمدبناية]

اولا:ارجو التعليق من الجميع علي الموضوع الاساسي للنقاش
ثانيا:لاتنسوا انتخابات النقابة فنحن سنختار من يمثلنا ---
--كن ايجابي........
ارجو من الاخوة المدرسين : أن يعتبروا اننا اخوة واخوات لهم واننا (المكافاة الشاملة)عندما ناخذ حقنا سيكون انتصار لهم
وتقدير لدور المعلم حتي يبدع في عمله
فمن مدرسي المكافاة الشاملة (متزوج-لديه اطفال)
ارجو ان تستوعبوا مشكلتنا وتتضامنوا معنا
وجزاكم الله خيرا

[elkingmsm]

انا معلم مساعد فى الغربية مرتبى 104.5 جنية فقط

[مصرى حر 2011]

سبحان الله

[elkingmsm]

أعلنت حركة حماية الثورة المصرية عن نيتها تنظيم وقفة إحتجاجية الأحد القادم أمام وزارة التنمية الإدارية ووزارة التربية والتعليم وجهاز التنظيم والإدارةوكشف رامى بربش المنسق العام لحركة حماية الثورة المصرية " لبوابة الوفد" عن دعم الحركة لآلاف المعلمين بمصر ضد سلبية وزارة التنمية الإدارية وعدم تنفيذها قرار وزير التربية والتعليم رقم 75 الصادر فى 2/3/2011 بتعيين مائة وثلاثة وعشرون ألف وأربعمائة واحد وخمسين معلم متعاقدين وعاملين بنظام الحصة ممن مضى على تعاقدهم ثلاثة سنوات أو أكثر
وتساءل بربش كيف يصدر وزير التربية والتعليم قرارا وزاريا توافق عليه وزارة المالية بتاريخ 1/3/2011 وتصدر فى نفس اليوم موافقة أخرى من جهاز التنظيم والإدارة بتعيين المعلمين والقائمين على الخدمات التعليمية من حملة المؤهلات العليا والمتوسطة الذين أمضوا ثلاث سنوات أو أكثر فى الخدمة ثم نفاجأ جميعا بمرور أكثر من ثلاث شهور دون أن ينفذ القرار أو حتى يصدر أى بيان عن سبب تأخر تنفيذ القرار
وأكد بربش أن المصريين لن يقبلوا أن يتم تجاهلهم أو يعاملوا كمواطنين من الدرجة الثانية وطالب منسق حركة حماية الثورة أى مسئول أن يعى أنه جاء لخدمة هذا الشعب ولم يعد هناك مكان لتصريحات دون حساب
وإختتم بربش حديثة موضحا أن الحركة ستبدأ وقفتها أمام وزارة التنمية الإدارية ثم تنتقل أمام وزارة التربية والتعليم لتطالب المسئولين بتنفيذ قراراتهم مؤكدا أن الحركة ستتوجه لمكتب رئيس الوزراء د. عصام شرف إذا لم تحصل على رد واضح من قبل مسئولى التعليم أو التنمية الإدارية

[محمدبناية]

المشاركة الأصلية كتبت بواسطة elkingmsm

انا معلم مساعد فى الغربية مرتبى 104.5 جنية فقط

هو ده العدل بعد الثورة
ان المعلم ياخد 100جنيه
وبتوع الشرطة ياخدوا 100/100من المرتب
الفرق واضح
الكسلان بياخد كام
ومربي الاجيال كام
واوعوا تقولوا اني فاهم غلط او متحامل
انا بتكلم من قلبي

[محمدبناية]

كيف للمعلم وهو قدوة للتلاميذ ان يعامل بهذا الاسلوب المادى المزرى .... انها مهنة حساسة لابد من رفع قيمة من يعملون بها حتى يتفرغوا للقيام بدورهم الاسمى وهو بناء سلوكيات وعقول البشر ومن ثم النهوض بالأمة الى المستوى المنشود ... يارب وفق ووجه المسئولين الى صالح الاعمال