مرتب شهر 7 ؟

[ام ياسين وآمر]

المشاركة الأصلية كتبت بواسطة أ/ سعيد موسى

ولارئيس الوزراء كمان
اتحدى اى حد عنده فكرة سليمة 100%
انما لو عايز فتاوى نفتى
هناك قول اضرب عدد السنين فى 100 ثم اضف 700ج الحد الادنى
مثال تعينك منذ 10 سنوات × 100ج + 700ج = 1700ج يابلاش
تخيل كنت بتقبض مرتب لايزيد على 500ج فحأة تلاقى مرتبك 1700ج
انا مثلا 21سنة خدمة × 100ج + 700= 2800ج
طبعا الحكومة هتخاف على صحتى ولهذا استبعد ذلك ولكنه فتوى موجودة
ماعلينا نروح للقول الثانى
الحد الادنى 700 + 287 للدرجة + علاواتك طوال الخدمة
مثال انا على الدرجة الاولى
700+ 287 الدرجة الثالثة + 287 الدرجة التانية + 287 الدرجة الاولى + العلاوات
تقريبا 2500ج تخيل مرتبى بالكاد خدمة 21 سنه 1000ج
فجاة الاقى مرتبى 2500ج ماذا يحدث
طبعا الحكومة خايفة على صحتى حتى لااصاب بالجنان ولذلك لن تعطينى ذلك
الحل الاقرب وهذه فتوى بناء على تجارب الحياة
كل القصة زيادة 100ج وبارك الله فيما رزق
ومتخفوش فى خلال 5 سنوات تبقى العيشة زى الفل
بس ننتهى من ممر التنمية والمشروعات العملاقة والمشروع النووى
ونبقى زى الفل ويجعله عامر

الله يسعدك يا استاذ سعيد دايما تحليلات حضرتك للامور مقنعه جدا وده بجانب الطرفه اللي في التحليل واكيد عند حضرتك حق .

[أ/ سعيد موسى]

المشاركة الأصلية كتبت بواسطة kokokornoko

الله يسعدك يا استاذ سعيد دايما تحليلات حضرتك للامور مقنعه جدا وده بجانب الطرفه اللي في التحليل واكيد عند حضرتك حق .

شكرا لكى وبارك الله فيكى
لازم الواحد يشيع بعض من الطرفة فى هذا الجو المبلد بالغيوم
الى ان يقضى الله امرا كان مفعولا