الشعب يريد اسقاط فتحي فارس

[abu mohammed]

يا استاذ سيناوي والله انا اكتر منك دمي محروق
انا سمعت وزير الماليه في برنامج القاهرة اليوم وكان كلامه ان الدرجة التالته هتوصل 1500 جنيه
ومحدش هيقل عن 700
والنهارده السادسه هتاخد 649 كما هو منشور بالاهرام والله انا حاسس اني خلاص ما بقيتش عارف مين الصادق ومين الكاذب
ولكن الاستاذ فتحي كلامه في كثير من الاحيان اقرب للصح
وبعدين وزير الماليه كل يوم بكلام وانا حاسس ان مفيش ثورة ولا تغيير
الي اتغير الوجوه ولكن الجوهر الذي اعتدنا عليه ما زال قائما
والله انا مش عارف احنا ذنبنا ان احنا شغالين في مؤسسات خدميه تؤدي خدمات للناس وتكلف الدوله ولا تحقق ربح مادي
كقطاع البترول والكهرباء والمياه الذين يعملون في مؤسسات انتاجيه تحقق ربحا وياخذون نسبة من الارباح وكان هذا البترول او الكهرباء او المياه ملكهم وحدهم فقط
واديهم حسبوا الكادر من ضمن الحوافز يعني كل سنه وانت طيب في الكادر اللي كان بيرفع المرتب هه
حسبي الله ونعم الوكيل