لأول مرة علي منتدانا قصيدتي بصوتي والصور كمان .. بقلم / احمد رضا

[احمد رضا]

المشاركة الأصلية كتبت بواسطة essam refaat

بسم الله الرحمن الرحيم
طريقتك فى العرض جميله جدا
وطريقة العرض فى اى شىء بيكون لها دور كبير جدا
اسلوبك كويس....وان كنت حاسس ان القصيدة دى طاغى عليها اسلوب النظم المبتذل بعض الشىء
لكن فى النهايه كويس
بس ياريت بعيد عن مواضيع التشاؤم ونشوف موضوعات مماشية لروح الدين الاسلامى...فانا لاحظت انك مصور كل شىء على انه فى اسؤ حال ومتعمد تجيب سبب يخليك تبعد عن اتجاه وتروح لاتجاه تانى
فمثلا
لما قولت تتجه للدين
ايه علاقتك بوجود فتاوى ضاله
زى ما فيه رجال منحرفين عن الدين فيه مشايخ محترمين
مثلا
نصيحه منى لك اكتب شعر لما حاجه تثيرك انك تكتب فيها مش لما تفكر تكتب شعر وخلاص وتدور على موضوع وتنظم له كلمات لو سمعت كلامى وكتبت عن حاجة اثارتك هتلاقى الكتابه اسهل والقصيدة اجمل بكتيير
وتقبل تحياتى على القصيدة ونظام عرضها
وعلى فكرة تنفع تكون شاعر غنائى
وفكر تكتب زجل

ربنا يخليك يا استاذنا علي الرد الجميل ده

بس هرد علي اسألة حضرتك او بمعني اصح نقد حضرتك

اني انا كاتب القصيده دي مش بوصل رساله
انا بصور خلجه من خلجات نفسي
حاجات انا جربتها
واللي مجربتهوش بشوفه قدام عيني
حتي لو تلاحظ في الآخر مفيش حاجة تدل اني اخدت خطوه ايجابيه حيال كل اللي شوفته سوي اني اتغيرت يمكن يكون للأسوا بس الأسوا ده هو الأنسب بالنسبالي
ولما فيه عضوة سألت قالت هو كل اللي في الدنيا كدا
قولتلها لاء منقدرش ناخد مقياس
تقدر حضرتك تشوفه في الردود الأولي
يعني انا كاتب القصيده لمجرد اني برضي نفسي
ومش معني كدا ان ده المجال الوحيد اللي انا بكتب فيه
انا بكتب في حاجات تانيه لو حضرتك دورت في مشاركاتي في القسم ده
وهتلاقي فيها بقه اللي منهم بوصل فكرة معينه او رساله معينه للناس
وهتلاقي برده فصحي
وهتلاقي عاميه
بس دي كان غالب عليها اسلوب الموواويل شوية
شكرا ليك يا استاذنا
علي النقد الجميل