وزير المالية:«علي قد لحافك مد رجليك»

[أ/اسلام المنياوى]

ده كلام واحد ماسك ميزانية فرن بلدى (وبالاعتذار لاصحاب الفرن البلدى)

على قد لحافك مد رجليك

امال احنا قمنا بثورة ليه مش علشان اللى كانوا بياخدوا ملايين ومئات الالوف يتقصوا

الله يرحمك يا جمال عبد الناصر وثورة 52

قام بقرارات ثورية لغى العزب اللى كانوا بميلكوها البشاوات وان كل باشا ملوش اكثر من 100 فدان فقط والباقى يتوزع على الفلاحيين بقانون الاصلاح الزراعى لان جمال كان حاسس بالناس ومشاكلهم


انما الحكومة دى مش عايشه فى مشاكلنا ولا حتى فاهمة الثورة قامت ليه هما عايزين مناصب وخلاص.

وفى الاخر يطلع وزير المالية يقول على قد لحافك مد رجليك

مش مكسوف ان حد من اللى بره يسمعوا طريقة ادارته اللى بالبركة

يا سيادة الوزير فى حاجة اسمها ابداعات وتوفير موارد من اكثر من مكان وشوف حساباتك بالمليم وخد قرار جرئ ومتخفش اعمل عمل ترضى بيه ربنا بدل ما تاخذ لعنات الناس اللى هتضيع حقهم فى احرج لحظات البلد

د. كمال الجنزورى عمل قانون الغاء الرسوب الوظيفى اللى نصف موظفى الدولة كلها ومقلش زيك مفيش فلوس ولكن منع الاخرين اللى بيسرقوا انهم يلاقوا حاجة يسرقوها لانه حسبها بالمليم ومسمعش كلام مستشاريه بل بالورقة والقلم دى ميزانية دولة

ولو دولتنا فقيرة كده يبقى تخرسوا بقى ومتطلعوش كل شوية تقولولنا احنا مش عارف احسن دولة فى المنطقة ومش عارف ايه

مصر فيها خير كثير وبلسانك يا سيادة الوزير
http://www.thanwya.com/vb/showthread.php?t=340271

ولا كنت بتقول كده علشان تحرضنا ضد اللى مبيدفعوش الضرائب

عايز تاخد بس وكلنا نقف معاك لم تاخذ انما متديش وعايزنا نقف معاك لاء ده بعينك

وانا ارشح د. كمال الجنزورى وزير للمالية فهذا رجل اقتصاد مش صاحب مخبز فرن بلدى