|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
12-07-2011, 04:48 PM
|
||||
|
||||
ثقافة شعب !
مشهد رقم (1) في احد الشوارع الصغيرة او نقول (حواري) حيث بالكاد تاخذ سيارتان واحدة ذهاباً واخرى اياباً واحد بيلف بالعربية في تقاطع وقام بتعطيل الصفين فيمتلئ صف القادمين من اخر الشارع ويفرغ صف الذاهبين منه اللى جاي من بعيد - والمفروض انه عارف انه الشارع اتجاهين- يلاقي صف كامل يروح داخل فيه واللى وراه واللى وراه وهوب .... مفيش مكان للمعاكس يعدي صاحبنا اللى بيلف حل المشكلة وقدر يلف وطلع من التقاطع دلوقتي عندنا ناس عايزة تدخل شارع مقفول واللى في الشارع المقفول عايزين يعدوا وملهمش دعوة ومعاك نص ساعة على ما واحد يطلع ونصاية كمان على ما يظبط الدنيا واستغفر بقى على كمية الشتايم اللى قلتها سواء بصوت عالي او في سرك -------------- مشهد رقم (2) اي اشارة محترمة بيبقى في تحتها كدا خط اصفر للمشاة المفروض بيعدوا عليه اثناء فترة الانتظار بس عندنا هو بيستخدم للعربية مش للمشاة حيث لازم انك تعديل لحد ما تجيب حرف الشارع وزيادة وبالطبع مش حتكون شايف الاشارة تستنى اللى وراك اول ما تلاقيه بيتحرك تعرف انه الاشارة فتحت ! --------------- الموقفين اللى فاتوا بشوفهم كل يوم وكل يوم تشمل ما قبل الثورة وما بعد الثورة وكل يوم بسأل نفسي مين اللى اتغير ؟ قلت السواقين متخلفين او الشوارع هي اللى غلط او العربيات بتمشي لوحدها ! نشوف طبقة تانية --------------- مشهد رقم (3) الموظفين والعمال في اي مكان بدل ما كانوا بييجوا متأخر نص ساعة وبيتعاقب عليها دلوقتي بقى مبيجيش اصلاً وبيرفض يتعاقب عليها ولو فتحت بقك حيرد عليك بالثورة ويعملك اعتصام ويحسسك انك حتسافر على طرة بعد شوية ---------------- قلت سيبك من الطبقة الكبيرة دلوقتي تعالى نبص عالشباب او حتى عالاطفال ---------------- مشهد رقم (4) لجان الامتحان من الابتدائية حتى الثانوية العامة حالات مكثفة من الغش الجماعي ! والمدرسون من يشجعونها ! وانا متابع من اول اخويا اللى في ثانوية عامة لحد بنت خالتي اللى في تانية ابتدائي واللى بيتحكيلي كل يوم من قصص الغش العامة ---------------- المواقف كثيرة ولكنها ليست حاضرة ببالي سألت نفسي الثورة عملت ايه ؟ الثورة عملت تغيير اه فعلاً عملنا تغيير كتير غيرنا مبارك وغيرنا المحافظين وغيرنا الدستور او بوظناه مفرقتش واهو شغالين بنغير في الوزرا كل شوية وبنغير هدومنا بردو والحمد لله  طب واحنا مش حاسين ليه بالتغيير ده ؟ لإنه للأسف دي ثقافة شعب وثقافة الشعب لا يمكن تتغير من فوق الحاجات دي بتتزرع من الصغر انا لو اتعلمت اني احترم مواعيدي واوصل في الوقت عمري ما حتعب ولا حتعب حد معايا في اي مصلحة او في اي شغل ثقافة شعب اي ثقافة جيل كامل مش حتقدر تغير في واحد عنده 50 سنة ولا 60 سنة عشان كدا مش عايزك تبص للتغيير دلوقتي بالثورة ... اغلقنا ثقب النزيف المستمر ولانزال نقوم بتطهيره بعد تنظيف الجرح يمكننا تركه يعمل حتى يلتئم وقبل ان يلتئم ... لن يكون منظر الجرح مبهجاً او جميلاً والجرح بتاعنا محتاج فترة بتاع 30 سنة اي فترة تغيير جيل باكمله وهذه هي الفترة اللازمة لتنشئة جيل جديد بثقافة جديدة يمكننا اعدادها الان لاعداد ذلك الجيل مستقبلاً ونحن - الشباب - من عليه مسؤولية اعداد وتهيئة مصر لهذه المهمة حتى نستطيع ان نغير هذه الثقافة الرثة للأبد وندعي اننا لا نتبعها  نصيحتي لكم لا تتعجلوا التغيير ولا تنتظروه
لإنكم لن تروه ولكنكم من سيصنعه BaNZeR
__________________
It was over 3 years since my last visit  |
|
#2
12-07-2011, 05:03 PM
|
||||
|
||||
|
اولا حمدلله على سلامتك
وحمدلله على سلامه القسم ثقافــه شعب العنوان شدنـى أوى ودايمـا اقول اننا مش حنتغير من يوم وليلـه بس برضه مش حنتغير بعد 30 سنـه ده عمر تانى على العمـر يا بشمهندس احنـا مش حنتغير ابــــــــــداً عارف ليه ظ علشان احنا كده العرب تعرف انى عمرى ما حسيت ان اشاره المرور دى شغاله دايما فى الافلام بشوف ان فى معاد الناس بتعدى فيه والعربيات بتقف الا فى الحقيقى  ولا بقى موضوع العربيات يمين وشمين ده دايما اخويا يقول لى : لو كل واحد دخل الشارع من على ايده اليمين مش حيحصل اى حادثه ولا حتى شتيمه علشان انا حدخل من على اليمين وانت عكسى من اليمن حنكون عكس بعض بس احان كده العرب مااتغيرناش ومش حنتغير وبالنسبه لموضوع الغش الجماعى ده فعلا عندك حق والكل كان بيقول انه فى الثانويه العامه السنه دى طبق سلطه بالكاتشب كمان وعلى فكره بقى موضوع الموظفين ده من اضرار الثوره والثوره هى اللى مرعتهم على كده بس موضوع لطيف يا هندســـــــه شكراً
__________________
 |
|
#3
12-07-2011, 06:15 PM
|
||||
|
||||
|
الحقيقى موضوع جميل والمجتمع كل المفروض نصبر على المجتمع شوية لانه غير واضح المعالم او مفهوم حتى والتخبط اللى فيه الناس هو سبب ده كله وناتج عن قلة ثقافة المجتمع باكمله وقلة ثقافة الذين نطلق عليهم اسم المثقفين والذين من المفترض تفهمهم التغير وكيفية حدوث و الوقت الذى يستغره حدوثه كل ذلك ما دفع افراد المجتمع لتصور ان الثورة هى فرصة لتغير اوضاعه بسرعة و انه يجب عليه اغتنامه وهذا كان حال الموظفين الطبقة العمالة بالدول فلكى ان تتصور حال الطبقات الادنى منه وهى الاغلبية الساحق من المجتمع و اعتقدهم انهم وجدوا مصباح علاء الدين وكل ما على الشخص فعله هو ان يمسح التراب ويتمنى وينفذ الجنى على الفور ....
اما بالنسبة لمرور داخل القاهرة فهو مبنى اساسا على الاشخاص انفسهم لان اغلب هذه المشكلات ناتج عن الاشخاص المستهترين والمهملين وايضا عدم الاحتكام لقانون قبل او بعد الثورة.......... لازم الناس تعرف وتفهم لو حصل ده فعلا يبقى الناس بتتغير ازاى اول متكلم واحد باحترام فى الاول فيسوق فيه تزعى فيه يحترم نفس يبقى اكيد فى حاجة غلط..... شكرا على الموضوع الجميل و المهم ايضا
__________________
قَالَ كَلَّا إِنَّ مَعِيَ رَبِّي سَيَهْدِينِ
|
|
#4
13-07-2011, 01:15 AM
|
||||
|
||||
|
الناس فاهمة الثورة بصورة غلط
فاكرة انه خلاص كل واحد يعمل اللى ع مزاجه ومفيش حد يحاسبه ولو حد حاسبه يطلع يعمل مظاهرة فى ميدان التحرير بس ارجع واقول لو احنا معملناش كده منبقاش مصريين
__________________
رمضان كريم |
|
#5
13-07-2011, 07:13 AM
|
||||
|
||||
|
قلتها زمان
قلتها بعد التنحي بكام يوم نحن نحتاج ثورة فكرية فتغيير فكر البشر اصعب بكثير من تغيير نظام سياسي او اجتماعي عشان كده لازم نبدأ بنفسنا و نحاول نتعود علي عدم المخالفة حتي ولو مفيش عقاب و مش احنا اللي هنغير البلد دي الجيل اللي طالع بعدنا الجيل اللي طلع بعد الثورة هو اللي هيغير بلدنا دي فلازم نهيأله مساحة لكده و نحاول نرسم شكل القدوة اللي قتدوا بيها في التغيير بعيداً عن البرادعي و الناس دي شباب موضوع رائع تواكب مع عودة القسم للحياة يا بانزر تقبل مروري اللي عالقد ده
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة |
|
#6
13-07-2011, 10:11 AM
|
||||
|
||||
|
احب اشكر حضرتك جداااااا ع الموضوع
بصراحة قولت المفيد ...احنا الاول المفروض نتغير وبعدين ندور ايه اللي بيتغير حوالينا مع الاسف انا مش شايفه اي تغيير ف الشارع غير ان الناس بس بقت قادرة "تبجح فوش ضباط الشرطه" تغيير للاسوأ اكيد مبقولش انهم كويسين ولكن كده مش هنطلع خطوة قدام والناس الصراحة بقت واخده كل حاجة عافية..ثقافة نتمني انها تتغير. ميرسي لحضرتك جدااا ع الموضوع |
|
#7
13-07-2011, 01:58 PM
|
|||
|
|||
|
اقتباس:
أتفق معك في أن ثقافة الشعب المصري أو دعنا نقول غالبيته تحتاج إلي اعادة تصنيع . ولكن أختلف معك في أن التغيير لايمكن أن يكون من فوق . هل كانت ثقافة الشعب المصري والفساد المنتشر بصورة مفزعة منذ 60 سنة كما هي عليه الأن ؟ بالتأكيد لا . ما الذي جعل الفساد وانحطاط الأخلاقيات تنتشر بهذه الصورة المخيفة ؟ الدولة بكل مسئوليها . أنا مدير منشأة ما والموظفين عندي لا يحترمون أوقات العمل ولا يؤدون عملهم كما ينبغي . هل أنتظر أن يأتي التغيير من داخلهم أم ألزمهم بما هم مكلفون به رغماً عنهم طالما لم يأتي هذا طواعية منهم ؟! هذا مجرد مثال ينطبق علي كل شيء في الدولة تقريباً . من هو المسئول والمكلف عن محاربة الفساد والحد منه ؟ من المكلف والمسئول عن توقيع العقوبات علي من يخطئ ؟ طبيعة البشر هي الانفلات ( كل واحد عايز يعمل اللي يعجبه هو وبس ) والذي يضبطهم هو الالزام وليس انتظار أن يأتي التغيير من أنفسهم . وتدريجياً سيتحول هذا الالزام إلي عادة عند الغالبية . ما هي فائدة الشرائع السماوية ؟ أليست تنظيم حياة البشر وسلوكياتهم ؟ ألا يوجد في هذه الشرائع عقوبات يجب تطبيقها من أجل انتظام حياة الانسان ؟ ما هي فائدة القوانين ؟ أليست ضبط الحياة والسلوك قدر المستطاع ؟ ومن هو المسئول عن تطبيق الحدود أو القوانين ؟ أليس الحاكم ؟ والحاكم هنا ليس رئيس الدولة فقط , بل هو كل مسئول ( كل بقدر ما هو مسئول عنه ) ولنا في حديث رسول الله صل الله عليه وسلم خير مثال علي ذلك " كلكم راع وكلكم مسئول عن رعيته، فالإمام راع ومسئول عن رعيته، والرجل راع في أهل بيته ومسئول عن رعتيه، والمرأة راعية في بيت زوجها ومسئولة عن رعيتها، والخادم راع في مال سيده ومسئول عن رعيته، وكلكم راع ومسئول عن رعيته." البخاري / مسلم / الترمذي / أبو داود / الترمذي . ان قصرت الزوجة في حق زوجها وأولادها وبيتها . هل ينتظر الزوج أن يأتي التغيير من تلقاء نفسها أم أنه يتوجب عليه أن يصلح من أمر زوجته ؟ ان أخطأ الأولاد , فهل ينتظر الأب والأم أن يأتي التغيير من تلقاء أنفسهم أم يجب عليهما أن يقومان أولادهما ؟ وكذلك الحاكم ( أي مسئول في منصب ما من رئيس الدولة حتي أصغر مسئول ) هل يتنظر أن يأتي التغيير إلي الأفضل من العاملين تحت قيادته والخاضعين لمسئوليته أم يقومهم هو ؟ الاصلاح لابد وأن يبدأ من الرأس . شكراً علي هذا الموضوع يا محمد . تقبل مروري . |
|
#8
13-07-2011, 03:06 PM
|
|||
|
|||
|
اقتباس:
لما تلاقى المواقف دى يبقى انت اكيد فى مصر
 موضوع بجد جميل ودايما حال الشعب المصرى مضحك
__________________
علمتٌ أن أعدَائي"الحاقدِين" يتمادون في شخِصي ذمآ،، http://www.youtube.com/watch?v=Xmh9G...eature=related
فإبتسمتٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌٌَ : وسألت ٌهل يجوز أن أقدم لمن شغلتهم عن أنفٌسِهِم لومآ؟ |
|
#9
14-07-2011, 10:03 PM
|
||||
|
||||
|
اقتباس:
العفو .. ردكم اللى نور الموضوع
__________________
It was over 3 years since my last visit |
|
#10
14-07-2011, 10:12 PM
|
||||
|
||||
|
اقتباس:
المرور في كل مكان عندنا واحد تقريباً
يمكن القاهرة زحمة طبيعي ومبررها موجود لكن لما اتكلم عن محافظة زي اسيوط عندنا فاكيد زحمتها لا تقارن بزحمة القاهرة ولما الزحمة توصل فيها لتلت او نص ساعة وقف ده مش زحمة ... ده غباء بعض ناس مش اكتر وبخصوص احترام القانون فاحنا قبل الثورة كنا في حالة تمرد اما دلوقتي فاصبحنا في حالة تبجح وفي الحالتين ده رد فعل طبيعي للكبت والقهر اللى كان موجود تسلم لمتابعة حضرتك
__________________
It was over 3 years since my last visit |
|
#11
19-07-2011, 10:51 AM
|
||||
|
||||
|
اقتباس:
وحتى الآن احنا ماشيين بنفس السستم ولا أكننا عدينا على ثورة اقتباس:
 زي ما قلت بالظبط ... محتاجين ثورة فكرية الثورة دي لسه مجتش تقريباً لإنه محدش بدأها او محدخش واخد باله انها لسه مجتش
__________________
It was over 3 years since my last visit |
|
#12
19-07-2011, 11:00 AM
|
||||
|
||||
|
اقتباس:
اها بالظبط ... بقينا شاطرين في مخالفة القانون والتمرد على الشرطة خدنا الجانب السلبي للحرية وسبنا اللى كنا المفروض ناخده نورتي الموضوع اقتباس:
مهو ده اللى بيسموه هم يضحك وهم يبكي واحياناً استخفافنا بالامور ده اللى بيودينا في داهية ربنا يهدي الجميع تسلمي للمشاركة
__________________
It was over 3 years since my last visit |
|
#13
19-07-2011, 11:11 AM
|
||||
|
||||
|
اقتباس:
ولو اننا ابتعدنا قليلاً عن محور الموضوع استاذ علي إلا انني اتفق معاك بالطبع في هذه النقاط ولكنني لا اتكلم هنا عن الفساد او على الالتزام فالفساد يلزمه اصلاح والالتزام يلزمه فرض عقوبات وبالتأكيد الكائن البشري يميل بذلك بطبيعته بس انا كنت بتكلم في نقطة تانية وهي الثقافة الذاتية يعني في اليابان انت مش محتاج تحط ظابط في الشارع عشان يلزم كل واحد يرمي حاجة يرميها في مكانها ! لكن عندنا لو وقفت البلد كلها وحطيت سلة في كل شارع والله حيرميها جنب السلة بردو ومش حقولك طفل ... راجل كبير كمان لإن دي ثقافة ... مش حوار قانون او التزام بمعاد كان في دكتور بيحكيلنا كان في امريكا خلال فترة الدكتوراه او حاجة زي كدا سحب فلوس من البنك وراح مقدمها لمكان كان المفروض يدفع فيه بعد ما روح قاموا اتصلوا بيه وقالوله المبلغ واصل فيه 100 دولار زيادة وتعالى استلمها عشان ترجعها للبنك ولا الطرف ده سأل ولا ده سأل وكان ممكن تتسرق وخلاص وممكن الدكتور نفسه مكنش رجعها للبنك ! بس خلاص هما عندهم مبدأ حتى لو مفيش قانون حيجري وراهم ! بلاش كدا في الجامعات الغربية الكبيرة المكتبة بتبقى مفتوحة طوال اليوم الدراسي مفهاش فرد امن واحد بتاخد الكتاب اللى انت عايزه وتقرا اللى عايزه وترجعه في الوقت الى انت عايزه ومحدش حياخد باله منك لو ضربت على واحد فيهم في بيتك ! بيتهيألي الموضوع موضوع ثقافة وتربية من البداية وملهوش علاقة بوجود قانون او الزام او مراقب لذا فالاصلاح سيبدأ من الجذر وليس من الرأس ولو بدا المصطلحان متشابهان إلا انهما مختلفان !
__________________
It was over 3 years since my last visit |
|
#14
19-07-2011, 11:45 AM
|
||||
|
||||
|
احم احم احم
هى ده بعض مظاهر الفوضى البناءة و هتشوف أكتر و اكتر و مش عايز ادخل تفاصيل اكتر علشان ما اتحدفش بالطوب هههههه عمومًا الأمل فى ربنا كبير إن الحال يتصلح
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم  |
|
#15
20-07-2011, 10:10 PM
|
||||
|
||||
|
اقتباس:
بقى ضرب نار على طول ربنا يسهل ونقدر نتخلص في التصرفات العقيمة دي قريباً
__________________
It was over 3 years since my last visit |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 09:04 PM.
