قسم النقاش الهادف ... ايه اللى مش عاجبك فيه ؟؟

[hatemT]

المشاركة الأصلية كتبت بواسطة BaNZeR

السلام عليكم ورحمة الله وبركاته


في الفترة الاخيرة كلكو عارفين
ايه المشكلة اللى كان بيعاني منها القسم العام

كنوع من انواع تجنب بعض المشاكل
قامت الادارة بتغيير مسمى القسم
إلى قسم "النقاش الهادف"

وهذا يحدد معالم القسم
التي كنا ولا نزال نؤكد عليها في قوانين القسم الخاصة به
انه قسم خاص بالمناقشات الهادفة والبناءة فقط

خلال فترة اشرافي السابقة
استطعت تحجيم المواضيع لدرجة كبيرة
بحيث اعطيت الفرصة لجميع المواضيع ان تاخذ وقتها وحقها

في حين ان الموضوع الآن لن يتجاوز عليه اليومين
حتى يختفي من الصفحتين الاولتين

وحقيقة كان هذا عكس توقعي
فبعض وجود قسمين سياسيين
وافتتاح قسم فرعي في قسم الاخبار

توقعت ان يخف الضغط هنا قليلاً


ربما وجهة نظري في القسم غير هامة
فأنا مجرد "منظم للقسم"
وظيفتي هي جعل القسم في اكبر حالة افادة للاعضاء
واكثر راحة لهم
وبالتالي فأنا اريد آرائكم جميعاً هنا

ايه رأيك في معدل موضوعات القسم ؟
لو قليل نزوده ازاي لو كتير نقلله ازاي ؟

ايه رأيك في قوانين القسم ؟

ايه اللى حاسس انه المفروض يتعمل؟
وايه المعمول حاسس انه ممكن يتشال؟

لو حنتكلم مثلاً عن الجروبات ، الحملات ، مسابقة القسم
وهكذا

كل واحد ياخد دوره بس بالترتيب يا جماعة
وبلاش نلزق في المايك واحنا بنتكلم عشان الصوت العالي بس

اترك لكم المنصة ،،،

حبيب قلبي إزيك يا هندسة

بص بغض النظر عن أنه موضوع ممتاز جداً جداً, وفعلاً هو ده مكانه النقاش الهادف, والبناء

إليك رأيي.....................
1- معدل موضوعات القسم (كثير جداً)
الحل: تقنين المشاركات للأعضاء كالتالي.. العضو اللي يحب أن يكتب موضوع يرسل للمشرف رسالة خاصة بأنه يريد أن يفتح المجال للنقاش في موضوع ما, وأي حد يعمل كده....المشرف بدوره ينظم المواضيع إللي اتبعتتله من الأعضاء الراغبين في المشاركة بعمل موضوع للنقاش, وأي عضو يكتب موضوع على طول بدون أخطار المشرف يتم حذف الموضوع لحين أن يأتي دوره, ووظيفة المشرف ليست أن يحذف الموضوع المعروض عليه, ولكن فقط تنظيم الموضوعات وتحديد أوقات محددة لكي يأخذ كل موضوع حقه, ووقته................ممكن نعطي المجال لـمدة 3 أيام لكل موضوع بمعدل 3:5 مواضيع كل مرة... فاهم حاجة ولا وقعت مني؟؟!!!!!!!
2- رأيي في قوانين القسم
لسه بصراحة مفصفصتهاش كويس هشوفها, وأرد عليك
3-ايه اللى حاسس انه المفروض يتعمل؟
وايه المعمول حاسس انه ممكن يتشال؟

ممكن بصراحة نلاقي مواضيع مهمة وهادفة وتناقش مشكلة في مجتمعنا , ولكن لا يوجد مشاركة فيها, والعكس صحيح.


اقتراح: ياريت كده نعمل (بس بجد والله مش تهريج) ... زي محاكاة لإدارة دولة مصر!!!!

هقولك إزاي. كل واحد يقول أنا أتمنى أن أكون وزير للوزارة كذا زي مثلاً (وزارة التربية والتعليم) واحنا بقى (اقصد الأعضاء نسلخه أسئلة حقيقية.... بمعنى مشكلة المعلمين, ويا سلام بقى لو المعلمين الموجودين في المنتدى يدخلوا ويقولوله أنا مرتبي كذا, وده مينفعش, والطلبة بتوع الثانوية العامة يشتكولوه من المجاميع العالية بتاعة التنسيق.... وكده يعني كل واحد يقول إللي يقدره ربنا عليه... وفي الآخر الأعضاء بقى يشوفوا هل ردود وحل الراجل ده (إللي المفروض انه وزير...مقنعة, ومنطقية, ولا نعمل واحدة مليوينة في التحرير ونسقطه

فكرة جامدة جداً وعاجباني... يا ريت إللي متحمس ليها يقول أي تعليقات عليها سواء ايجابية أو سلبية

وآآآآآآآآآآآآآآآسف على الإطالة