|
|
|
#1
23-07-2011, 12:52 AM
|
||||
|
||||
معلش يا جماعة مفيش حاجة في تعيينات الأوائل اسمها العشرة معيدين والباقي إداريين أو الخمسة معيدين والباقي إداريين مسألة التوزيع لسه لم يصلوا لحل فيها يا أخت tota .. وكل دي اجتهادات والناس بتلف حواليها من عمايل الحكومة .. ولو عاوزة الجد ومن التطورات اللي شايفها قدامي ومن احتكاكي المباشر مع الوزير السابق عمرو سلامة ومع الدكتور ماجد الشربيني باقول ان الحكومة بتحاول تراضي الجامعات ويكون التعيين فيها مش تكليف لأ بإعلان .. أما لو اضطروا لذلك هيكون تعيين الجامعة في الأولى لطلاب المنح والحاصلين على الماجستير والدكتوراة ..
طيب انت ياعبد الرحمن مع الاعتصام والا لأ ؟!!!!! طبعا ياجماعة أنا مع كل شئ ممكن يخلي الناس توصل لحقها وتعرف راسها من رجليها .. بس أنا كان ليا رأي في الموضوع ده يا جماعة أنا كنت على جروبات الأوائل امبارح على الفيس وكنت باقول احنا لازم أولا نستنى إن الحكومة الجديدة تحلف اليمين ويطلع المؤتمر الصحفي الأول الخاص بوزيري المالية والتعليم العالي ولما مايجيبوش سيرة الموضوع يقوم وفد محترم مكون من 4 إلى 5 أشخاص وياخذ موعد من الدكتور عصام شرف وآخر من وزير التعليم العالي ونقابلوا بكل احترام ونقولوا احنا مفوضين عن اكثر من 43 ألف خريج من أوائل الخريجين وبنتكلم بتحضر وعاوزين نعرفراسنا من رجلينا ولو ماديتوناش عقاد نافع هنعمل اعتصام من بكره .. واحنا لينا حق واضح بقرار مجلس الوزراء .. وأعتقد إن ده حل منطقي وسليم ومفهوش مشاكل .. ساعتها بقى لما نعتصم هتلاقي كل الناس واقفة معانا والعدد هيكون كبير لأننا عملنا اللي علينا لآخر لحظة .. وباكرر طبعا إن ده مجرد رأي شخصي لا غير واللي عاوز وناوي يعمل حاجة يعملها .. بصراحة أنا كنت شايف الناس على الفيس مؤيده كده امبارح بس مش عارف ايه اللي قلب الدنيا تاني .. عموما ربنا يوفق الناس في أي خطوة ياخدوها بس أصل انا مهري اعتصامات وبقيت خبير حكومة من ساعة الثورة .. وعارف تقريبا وقاري اللي هيحصل بس مش هاتكلم انا بس هادعي لهم وربنا يوفقهم ..
__________________
مع تحياتي ... د. عبدالرحمن المنياوي
|
|
#2
23-07-2011, 01:14 AM
|
|||
|
|||
|
اقتباس:
اقتباس:
مش تكليف هيبقا اعلان يعنى زى ما توقعنا ان الحكومة بتلعب بينا انا راى الشخصى الحكومة بتاعة مصر عمرها مهتتغير الا بالاعتصام هى كدة تعاند معاها تحبك اما تحبها تديك على دماغك نصيحة اخدتها من راجل كبير الله يرحمة وهعمل بيها دايما لانة كان عندة حق  |
|
#3
23-07-2011, 01:32 AM
|
||||
|
||||
|
اقتباس:
يا حبيبي أنا قلت عاوزين يخلوا التعيين في الجامعة بإعلان لكن تعيين الأوائل كإداريين هيبقى بالتكليف .. وأساسا لما طلعوا قرار التعيين للأوائل قالوا تكليف وهيكون كإداريين بس لما بقى فيه طلاب منح وحاصلين على درجات علمية قالولهم لأ الأوائل كإداريين بالتكليف والمنح والحاصلين بالإعلان في الجامعة .. انت فهمتني دلوقت والا الأمور فيها خلط ؟!!!! انا مش باقول ان تعيين الأوائل هيكون بإعلان !!!!!!!!!!!!
__________________
مع تحياتي ... د. عبدالرحمن المنياوي
|
|
#4
23-07-2011, 01:35 AM
|
||||
|
||||
|
اقتباس:
يا حبيبي أنا قلت عاوزين يخلوا التعيين في الجامعة بإعلان لكن تعيين الأوائل كإداريين هيبقى بالتكليف .. وأساسا لما طلعوا قرار التعيين للأوائل قالوا تكليف وهيكون كإداريين بس لما بقى فيه طلاب منح وحاصلين على درجات علمية قالولهم لأ الأوائل كإداريين بالتكليف والمنح والحاصلين بالإعلان في الجامعة .. انت فهمتني دلوقت والا الأمور فيها خلط ؟!!!! انا مش باقول ان تعيين الأوائل هيكون بإعلان !!!!!!!!!!!! انت جريت على طول ليه ؟؟ أنا قلت مفيش تعيين غير بإعلان ؟؟؟؟؟؟؟؟؟؟ لو قلت كده يبقى معاك حق .. ولو كنا قلنا أو أي حد قال قبل كده أو حتى لما القرار طلع قال إن الأوائل هيتعينوا في الجامعة دكاترة يبقى احنا مش بنفهم حاجة .. إداريييييييييييييييييين ده الكلام من الاول بس الناس عشمت نفسها .. وانا باقول تاني موضوع التعيين كداترة لم يطرح إلا بعد دخول طلاب المنح والحاصلين على الماجستير والدكتوراة وعلشان كده بنقول دول هتكون ليهم الأولوية ..
__________________
مع تحياتي ... د. عبدالرحمن المنياوي
|
|
#5
23-07-2011, 11:10 AM
|
|||
|
|||
|
اقتباس:
اقتباس:
طيب ما هو لو اعلان هيبقا الاحقية لطلاب المنح والماجستير يا دكتور هما اللى هياخدوو كل تعيينات المعيدين ودة هيبقا ظلم شوية وعلى فكرة يا دكتور الاعلان شغال حتى الان فى جامعتنا كل شوية يعملو اعلان لتعيين معيدين بس اية واحد او اتنين بالكثير على مستوى الكلية سؤال لولبى يا دكتور دلوقت فى اعلان تعيين معيدين ( مسابقة ) ولحد الان النتيجة لسة مش طلعت هل هيتم استبعاد اللى هيتم تعيينة فى الكلية من الكشوفات الحالية ولا نو ؟؟ |
|
#6
23-07-2011, 01:49 PM
|
||||
|
||||
|
اقتباس:
بص بقى ياسيدي .. أنا قصدي في الإعلان إن صاحب الدرجة العلمية الاعلى هو الاولى وده قانونا عند الاختيار يتم تفضيل الدرجة الأعلى ثم التقدير الأعلى .. وأنا أقصد طلاب المنح الذين أنهوا المنحة وحصلوا على الدرجة .. وبيني وبينك مش ظلم لأن طلاب المنح دول درسوا في الكليات زيهم زي المعيدين والدكاترة وفي نهاية المنحة اترموا في الشارع .. وبعدين لو الإعلان نزل بيقول مطلوب مدرس مساعد أو مدرس يبقى أوائل الخريجين طلعوا من القصة دي خلاص أما لو فيه بعض الإعلانات طلبت معيدين يبقى الفرصة متاحة والأعلى تقديرا يتاخد .. المهم إن الوظيفة كإداري مازالت متاحة وتعتبر تكليفا أما وظيفة الجامعة كمعيد تحكمها ظروف الإعلان والتقدم .. ده كان قصدي .. وما دام استقريتوا على الخروج اتفضلوا وانا أول من يساندكم .. ربنا معااااااااااااااكم ..
__________________
مع تحياتي ... د. عبدالرحمن المنياوي
|
 |
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 11:39 AM.
