اقتباس:
المشاركة الأصلية كتبت بواسطة yasmine ibrahim
علا فكرة الكلام كلوا جميل جدا وفى منتهى الموضوعية
وبجد الناش مش مقدرة كلية علوم العالم احمدزويل خريج علوم وهو من اكبر علماء العالم بس تفتكر انوا لو كان هنا فى مصر كان هيقدر ع الابداع ده والاختراعات دى الاجابة ببساطة لأ
احنا هنا فى مصر مش عندنا الامكانيات اللى تقدر تستغل العقول وانا متاكدة ان فى ملاييين احمد زويل فى مصر بس للاسف احنا مش عارفين نستغلهم ومش عندنا الامكانيات
ومش معنى ان واحد جايب فى اول التسعينات انوا مش كويس وان 99 بس هما المتوفقين مع احترامى ليهم جميعا والف مبروك للجميع بس كلوا واحد موهوب فى حتة ويقدر يبدع فى حتة ولازم يكتشف فى نفسة ايه اكتر حاجة بيحبها
انا مثلا برسم حلو وكنت عاوزة ادخل فنون تطبيقية بس ماقدمتش ع امتحان القدرات للاسف لانها كلية ماحدش بيقدرها ودايما بياخدوا بكليات القمة انا مش فاهمة يعنى كليات القمة كل واحد يدخل كلية هو بيحبها ويبدع فيها اعتقد ان هى دى كلية القمة وياما بيدخلوا كليات طب وهندسة علشان ياخدوا شهادة ولان اهاليهم عاوزين كدا وتلاقيهم بيدرسوا اعلام او مسرح واو اى حاجة تانية
بالنسبة لمصر بعد الثورة هاتبقى احسن كتيييييييييييييييييير صدقونى وانا متفألة وكمان نظم التعليم اكيييد هاتتغير لان ده طريق التقدم
واسفة ع الاطالة
|
تفكير جميل مظبوط وايجابى جدا هى دى روح التفاؤل اللى هتغير البلد دى باذن الله وربنا يوفقك فى اختيارك باذن الله ومفيش حاجة اسمها خايب وشاطر كل واحد له حاجة هو موهوب فيها ومحدش يقدر يعملها زيه الشاطر بقى هو اللى يعرف ايه هى الحاجة دى وينتهجها ويبدع فيها كمان . وفيش اطالة ولا حاجة (كل كلامك ادى المعنى )
23-07-2011, 03:03 AM
العرض المتطور
