بسم الله الرحمن الرحيم
السلام عليكم و رحمة الله
مساء الخير
مشكلتشى عجيبة شوية
هوة انا واحدة زى ملايين
مجموعى ف اى تنسيق كان المفروض يدخلنى صيدلة الحمد لله
و ان شاء الله تحصل معجزة وادخل صيدلة السنادى
مجموعى اقل من التوقعات بتاعت صيدلة بدرجة او درجتين كدة
بس برضه خلينا نفكر بالعقل
بدايل الصيدلة هى :
الطب البيطرى والعلاج الطبيعى والعلوم كميا
حلو ؟؟؟
علاج طبيعى دى ف مصر وانا مش عايزة اتغرب
الطب البيطرى دى انا دخلت المنتدى بتاعها لاقيتهم بيشرحوا تعابين براسين جوة
وبابا قاللى انا شفت بتوع بيطرى ف العملى بتاع الكلية بيدخلو وسط الحيوانات وهى مش نضيفة و يمسكو جاموسة ميتة ويشرحوها
مش عايزة اقرفكو خلاص
العلوم بقا انا معرفش حد دخلها وماندمش
حاسة دراستها صعبة وكدة
علوم دى م الاخر شيلاها من دماغى خالص
انا عن نفسى خاطة ف دماغى انى ادخل كلية تشغلنى بسهولة
انا عايزة اشتغل ان شاء الله
فبالتالى قولت خلينا تجارة انجلش
بس حاسة انى مستخسرة مجموعى فيها :angry2
مع العلم ان محدش يجبلى سيرة التمريض ياجدعان اوكى ؟؟
حد هنا يعرف يدلنى ؟؟؟
خصوصا ان ألسن وفنادق وسياسة واقتصاد واثار وفنون جميلة مش ف بلادى
25-07-2011, 01:31 PM
العرض الشجري
