تعرف على قسم الإعلام في كلية الآداب

[يالا بينا]

المشاركة الأصلية كتبت بواسطة رورو_حب

انا تبع جامعة المنصورة وكان فى التنسيق الداخلى كان شرط اعلام لازم يكون مجموع الثلاث لغات 142 وانا جايبه 143 والمجموع الكلى 82 % يعنى ممكن الحقها ولا لا ؟؟

أكيد إن شاء الله تلحقيها
انتي متفوقة مبروك

المشاركة الأصلية كتبت بواسطة موني99

طيب انا عايزة افهم حاجة انت بتقول التنسيق الداخلي 85 دة لما يكون تنسيق اداب اصلا كام يعني النسبة بين تنسيق اداب وتنسيق داخلي لاعلام
تنسيق كلية الآداب نفسه منخفض
لكن تنسيق القسم داخل الكلية مرتفع
ونحب نوضح بس إن رقم التنسيق دا هو الحد الأدنى للقبول مش الحد الأقصى ،إضافة إلى أن قسم الإعلام مميز جدا ولازم مجموعه يكون عال ، و أقسام الإعلام في كليات الآداب في جامعات الأقاليم هي بديل لكلية إعلام القاهرة علشان الطلبة اللي ملحقوش إعلام القاهرة
و انا سمعت كتير انه مفيش اداب اعلام قاهرة
حسب معلوماتي موجود القسم
وعايزة اعرف هو لا قدر الله لو محموعي مجبش اداب ممكن ادخل انتساب ولا مستحيل تفضل اعلام لجد انتساب؟

أيوة طبعا ممكن تدخلي انتساب لكن مش قسم إعلام ، أقسام تانية
أما إعلام متوفر بانتظام فقط

المشاركة الأصلية كتبت بواسطة dinalovespink

هو اداب اعلام اسكندريه بتقبل من ادبى فقط ولا من الاتنين ادبى وعلمى؟؟؟؟؟؟؟

أي آداب في أي جامعة في الجمهورية بتقبل العلمي والأدبي على حد سواء

المشاركة الأصلية كتبت بواسطة etharhesham

انا جايبة 87%
وانا علمى رياضه
طبعا مش هلحق اى حاجة فى علمى رياضة ففكرت ادخل اداب اعلام وانا كمان حابة مجالها اوى
وكمان انا مرحلة تانية
فى امل انى ادخل اداب اعلام و لا لا؟؟؟
طبعا في امل لأنك متفوقة ما شاء الله
وتنسيق اداب اعلام الداخلى بيختلف من علمى لادبى و لا الاتنين زى بعض فى التنسيق الداخلى ؟؟؟
ارجو الرد بسرعة معلش

لا مش بيختلف كتير ، درجة % بالكتير

المشاركة الأصلية كتبت بواسطة eclipse

طب لو انا ازهر يا ترى ينفع أدخل أداب وايه الشروط ارجوكم حد يرد عليا ضرورى وايه شروط قسم الاعلام
احنا بنتكلم والله في جامعات وزارة التعليم العالي
معنديش معلومات في الأزهر للأمانة
ويا ترى ولو انها غلاسة ايه هى الكورسات اللى تخلينى زى كلية الاعلام بالظبط ؟ وجزاكم الله خير

في كورسات :
تنمية بشرية (برمجة عصبية لغوية ، ومهارات اتصال ، ما شابه)
توثيق إعلامي(التصوير ، والمونتاج ، والإخراج ، وما شابه)

وهنبقى نكلمكم في الموضوع دا إن شاء الله بشكل منفصل ، وممكن نجيب كورسات أون لاين

وجزاكم مثله ، ربنا يوفقكم يارب

المشاركة الأصلية كتبت بواسطة ايمان هارون

طب انا بقا جيبة 84 وادبى وعايزا اداب اعلام وبنها تقريبا من الكليات الغبية الى بتهتم بمجموع اللغات وانا مجموع لغاتى وحش خالص فى العربى 52 والانجلاش 36 والفرنش 37 يعنى مش هيحصل الى الناس دى بتقولو بيقولو المجموع لازم يوكن فى كمل لغة 40

ازيك يا إيمان
طيب حضرتك ممكن تقدمي على جامعة تانية في منطقتك الإقليمية ، يعني شوفي أقرب جامعة ليكي

وربنا يوفقك يارب