من الاخر الحال مش عاجبني

[كركركوكو]

المشاركة الأصلية كتبت بواسطة Nayyra_nn

بصراحة عندك حق ... واحنا عارفين الموضوع ده من زمان... هنعمل ايه؟
مفيش حد عمل حاجة ما علينا غير الكلام وهو مش بيفيد
يعني ميزانية مصر مش قليلة لو كانت بتتوزع صح كنا عشنا كويسين
لكن النهب اللي بيحصل بقى
فيصبح هناك ناس في السما وناس تحت الارض.... المفروض مادام الاسعار بترتفع يبقى كمان المرتبات تزيد
بجد حرام ..حسبي الله ونعم الوكيل

مشكور اخ كريم
فعلا موضوع حيوي ومعاصر ... نعيشه على أرض الواقع

اولا جزاكم الله كل الخير
رد كويس مش بطال

المشاركة الأصلية كتبت بواسطة ملكة زمانى

اولا مشكور على الموضوع مع انك بتقلب علينا المواجع بس يلا هنقول بتفوقنا يعم احنا فايقين بس بنحاول نكدب وننسى لكن فين ؟؟؟؟؟؟؟؟
بس احنا مطلوب مننا اية عارفة هتقولى كل واحد يخلص فى المكان اللى هوة فية و............................. والكلام اللى احنا حافظينة دة زى ما انا بقول احنا بتوع كلام امتى هنطبق مش عارفة !!!!!
انا مثلا طالبة هتقولى تذاكرى وتجتهدى نفرض انى ذاكرت وربنا وفقنى وبقيت دكتورة مثلا هعمل اية ! افتح عيادة واعالج الناس ببلاش الناس مش هتيجى عندى اصلا هتقولك الغالى تمنة فية والحاجات دى
هتقولى ان نظرتى متشائمة لا انت اللى متفائل زيادة عن الازم

انا مش قصدي ان حد يخلص لان المخلصين في البلد دي مش لاقيين ياكلوا دلوقتي
جزاكم الله كل الخير

المشاركة الأصلية كتبت بواسطة روميو

الموضوع كبير اوى اوى يا كريم

بس ياعم كريم فى الاول والاخر نقول ان الغلط فى الاول والاخر كان على الشعب اللى ساكت على حقه ومش بيتكلم ومش بيطالب بحقه حتقولى طيب ماهو اللى بيطالب بيعتقل او يتعذب فى السجون حقولك كام واحد بيتكلم وكام واحد ساكتين على حقهم اظن نسبة بسيطة اوى اللى بتطالب بحقوقها انتا عارف هما بيرجعونا لعصر العثمانين والاتراك وهى المعاملة بالكرباج وكده يعنى بالترهيب هما بيعملوا كده فى اللى بيطالب عشان باقى الشعب يفضل ساكت ومايتكلمش بس دلوقتى ياترى ممكن تقولى الناس تعمل ايه الناس كده مش حتعرف تعيش انا اعرف ان فيه حاجة اسمها نسبة وتناسب يعنى حتزود الاسعار ماشى انا موافق بس زود المرتبات واجور العمال كمان كده يبقى انتا عملت موازنة ده انا بستغرب ده فى عصر السادات لما السادات الله يرحمه قام بالغاء الدعم من على السلع الاساسية والسلعة زادت قرش او قرشين بالكتير قامت مظاهرات وتم تخريب المحلات والمواصلات وكانت حالة اجتياح فى البلاد كلها وكان الشعب زى الاسد مش بيخاف لكن دلوقتى الحاجة بتزيد بالجنيهات والشعب ساكت ممكن تقولى ليه عشان خايفين من الكرباج ياعم كريم وانا كنت بقول ان الشعب ده محتاج زلزال عشان يفوق واهو الزلزال جه ومحصلش حاجة بجد مش عارف حيتحركوا امتى وبعدين دلوقتى انتا بتقول 300 جنيه وحسبت كيلو اللحمة ب40 جنيه معنى كده انهم حياكلوا لحمة بس من غير رز او مكرونة وياترى اللحمة حتتعمل على ايه مش على طبيخ برضه انتا لسه ماحسبتش بقى الخضار والسلع التانية والكهرباء والمياه والمدارس والجامعات والهدوم وده كله وغير ان الدعم كمان احتمال يتلغى من على الكتب الجامعية

انا ملاحظ ان كل حاجة فى بلادنا بتغلى الا حاجة واحدة وهو الانسان دايما بيرخص

( ماتقولش ادتنا ايه مصر قول حندى ايه لمصر )

موضوع جرئ من عضو جرئ جدا واخر كلمة احب اقولها

( بحلف بسماها وبترابها الحزب الوطنى اللى خربها )

جزاك الله كل الخير مرورك هو الافضل

المشاركة الأصلية كتبت بواسطة timon&bomba

والله العظيم حرااااااااااااااااااااااااااااااااااااااااااااام عليهم
حسبنا الله ونعم الوكيل

كل حاجه هنقول حسبنا الله ونعم الوكيل
جزاكم الله كطل الخير

المشاركة الأصلية كتبت بواسطة حــــH0samــــسام

والله العظيم ياجماعه مصر دي فيها خير كتير يكفينا لحد منموت بس لو اللي بيسرقوها يبطلو حتحسو يعني إيه مصر

عندك حق كتييييير ودي نقطه مهمه جدا جدا

جزاكم الله كل الخير

المشاركة الأصلية كتبت بواسطة zizo2_22

الموضوع فعلا كبير

ولكن مهما تكلمنا ومهما عرضنا من آراء فالمتحكم في اقتصاد مصر بالكامل عدة اشخاص لا يتعدون عشرون شخصا كل مهمتهم هو التنهب والسرقة وتهريب الأمول مصر الدولة العربية التي لا تنظر الى شعبها واحتياجاتة وربما يشابهنا سوريا وعمان والاردن واليمن


ولكن باقي الدول العربية تهتم بمصلحة شعبها في المقام الأول وخاصة دول الخليخ

فعلى سبيل المثال لا الحصر دولة الامارات لقد حقق الامواطن الاماراتي اعلى متوسط دخل يومي في العالم كله رغم ان الاسعار هنا مرتفعة عن مصر كثير وهذا ناتج عن عدم دعم الحكومة لاي سلعة سوى التأمين الصحي هو الوحيد الذي تدعمه الحكومة

وولكن في المقابل ارتقفع في المرتبات

من فوائد رفع الدعم عدم السرقة من أموال الدولة ولكن هنا لا نشعر بذلك الغلاء نتيجة لارتفاع الرواتب وفي مقابل ذلك تقدم الدولة الدعم الصحي الكامل للمواطنين والمغتربين مقابل مبالغ زهيدة

مبلغ وقدره 600 درهم في السنة الواحدة يوفر لك الكشف المجاني في جميع المستشفيات الحكومية وصرف العلاج بدفع 30 % من قيمته فقط فهنا يكون التكامل بأن توفر لك راتب يكفيك ويفيض الكثير منه وتدعم لك الأمان الصحي


ولكن مصر لن تستطتيع فعلا ذلك ... أتعلمون لماذا لانه لو حدث ذلك لن يكون هناك سرقة


فكيف يعيش من هم متحكمون في اقتصاد مصر بدون سرقة

واخيرا اشكرك اخي على ذلك الموضوع الذي يدعو لمناقشة قضية مهمة

جزاك الله كل الخير استاذي علي مرورك الوافي

المشاركة الأصلية كتبت بواسطة رانيا حسن

عندك حق يا اخ كريم فى كل كلمه قلتها
لكن هنعمل ايه ربنا يتولانا برحمته

" رب انى لما أنزلت الى من خير فقير " صدق الله العظيم

برده كل اللي احنا شاطرين فيه حسبي الله ونعم الوكيل

المشاركة الأصلية كتبت بواسطة احمد رضا

هههههههههه بجد تصرفات سفهاء بمعني الكلمه
في كاس الامم الافريقية دي عايزك تشوف كام مشجع بالله عليك
نقول مصر دلوقتي 76 مليون وشوية فكه - علي حسب معلوماتي القليله -
نقول 20 مليون حريم ومش بيتابعوا كوره - بالكتير اوي -
نقول ياسيدي 5 ملهومش دعوه بحاجة في الحياة
تعالي للـ 50 مليون بقى اللي كانوا ماشيين زي الـ ..... نقدر نحط اللي عايزينه عشان يليق بيهم
نقول لو كل واحد شهق بس او كح هينسف الحكومه بالجيش بالريس باللاب توب بتاعي برده :D
ياخي انا معرفش والله ايه اللي بيحصل
الشعب بيهرب
بيخدر نفسه
شعب سفيه بجد
بالزمه وهو عمال يتنطط كدا مفتكرش ابوه ولا امه اللي بيقفوا علي فرن العيش عشان الاكل والطفح
مفتكرش لما بيروح يعمل بطاقه الناس واقفين اازاي واللي بيدفع بيعدي و الشتيمه وسب الدين
مفتكرش انه مش لاقي شغل اصلا وعايش علي قفا ابوه الغلبان
مفتكرش انه بيحب واحده ومش هيعرف يرتبط بيها بسبب الظروف اللي في البلد
مفتكرش انه معرفش يتعلم وفي الاخر طلع بدون مستقبل
مفكرش في ابنه ولا بنته لما يطلعوا هيبقوا ازاي

والله قمه الخيابه والهبل والعبط
بالله عليك .. وعايز زمتك
احنا هنفلح كدا ؟
محدش يقولي ردي سلبي عشان الحل باين في الرد
نقدر نستنبطه من الرد

انا قولتها يا احمد احنا جيل فاشل
جزاك الله كل الخير علي المرور