مبروك تجاره انجليزى ... شويه اسئله رفيعه لاهل الخبره بقى d:

[زملكاوى للأبد]

اولاً: عايزه اخد كورس انجليزى ...
اخده فى المعهد البريطانى .. ولا الجامعه الامريكيه ...؟؟؟؟؟؟؟

مجربتش ده أو ده بس أسمع عنهم

ثانياً .. :ناس نصحتنى اخد كورس محاسبه او ادارة اعمال
- حاجة زى كدة - انجليزى فى المعهد البريطانى ودة هيساعدنى كتير فى الكليه ... ايه رأيكم .. وايه صحة المعلومات دى ..؟؟

لو محاسبه عادى بس مش هتعرفى تستفادى بيه لأنك لسه متعرفيش يعنى إيه محاسبه ويعنى إيه أساسيات المحاسبه بل ممكن يعملك حاله من التعقيد أما لو إدارة أعمال فملهوش أى لازمه طبعا دى وجهة نظرى

ثالثاً: لطلبة بنها ... الكليه نظامها ايه ومين الدكاتره هناك الكويسين ومين الدكاتره التيت المتعبين ...عشان ابقى على نور

ممكن بتوع بنها يقولوك

رابعاً : ناس كتيييير قالتلى تجاره انجلش صعبه ومتعبه ... ازاكرها ازاى انصحونى ..

بالنسبه لتجاره إنجلش المنصوره الدراسه أبسط ما يمكن لكن قد تختلف فى بنها والله أعلم

خامساً بالمره بقى :تنصحونى ادخل انهى قسم ... انا ناويه اشتغل فى البنوك وشركات الاستثمار ... دة يبقى ادرس فى انهى قسم .. وياترى الاختيار من اول سنه .. ولا هتخصص فى تانيه .. وهل لو فى تانيه بيعتمد على التقدير ولالا

التخصص ولا هو فى أولى ولا هو فى تانيه يعنى إن شاء الله متشغليش بالك الوقتى وبما إنك عايزه تشتغلى فى البنوك يبقى محاسبه أتوماتيك