أخر أخبار مدرسين الحصة بأسيوط

[abu_ menna_13]

أنا كنت مع المجموعه اللي اجتمع بيهم المحافظ

بالنسبة لمدرسين الحصة احنا اتكلمنا معاه اكتر من ساعتين وكنا في طريق اننا نتفق

على حاجة ترضي الناس كلها وهي اننا نحصل على حاجة قانونية بيها نقدر نخش أقرب امتحان كادر

تمهيدا للتثبيت لاننا اتأكدنا ان تثبيت على طول وبدون شروط مستحيل

لاننا عاوزين نغير قوانين ونلغي الكادر وحاجات صعب تتعمل في سنين

المهم

تدخل في النقاش اثنين من المرشحين لعضوية النقابة وبهدلو الدنيا

اتكلمو على 1268 عقد على درجات مالية موجوده في المديرية وطلبو بانها تتعمل للي بالحصة

طبعا لو حصل ده تبقى مصيبة لان العقود دي مينفعش تنزل اللا بمسابقة

والمسابقة ممكن ياخد 2012 عشان تربوي وتقديرو عالي ويسيب 2001 عشان تقديرو قليل وأداب مثلا

احنا رفضنا والمحافظ وحددنا معاد تاني يكون يوم الحميس 11/8/20011 وهذا المعاد للمثبتين أيضا

المهم بعد ما مشينا من عند المحافظ رجعولو مرشحين النقابة وفهموه انهم متحدثين بأسم مدرسين الحصة

وانهم بيطالبو بتأجيل المعاد لحين التنسيق مع بعض

وفعلا اتصل بينا واحد من مكتب المحافظ وقالنا ان المعاد اتأجل ولحد دلوقت بنتكلم معاهم عاوزين نقابل المحافظ في معادنا

ونفهمو اننا بنتكلم بنفسنا ومش بنبعت أي حد ينوب عننا

وبالنسبة للسيد / السيد البرعي المحافظ الجديد

الراجل كان غية في الزوق والاحترام والتفاهم

هل ذلك لأن الغربال الجديد له شده وكلها كام يوم وهيرخي

ولا هو انسان نضيف عموما

هذا ما سنعرفه في اللقاء القادم