كيف تتفوق في الهندسة عموما وفي عين شمس خصوصا

[rehab rehab]

فى هندسة عين شمس

لازم اول السنة تفهم الدكاترة كويس

تحضر للى شرحهم كويس او ناويين ياخدوا غياب او معروف عنهم انهم بيجيبوا الامتحانات من كلامهم و الباقى ميتحضرلهمش لان مفيش وقت للمزاكرة

المحاضرات مش مصدر مذاكرة خاااااااالص فى اى سنة , دى قراية بس علشان لو فيها مثال مهم بس المذاكرة فى اعدادى من الورق و بعد كدا بتبقى ورق على مراجع

المذاكرة اول باول مهمة اوى عالاقل علشان يبقى فيه وقت تسال على اللى مش فاهمه و كمان لو محلتش بايدك كتير مش هتعرف تحل فى الامتحان

و بلاش التعمق الزيادة فى المعلومة , ممكن دا يتعمل فى الاجازة

اهم حااااااااجة فى الامتحان نفسه و دا اللى ميختلفش عليه اتنين و مش بيتغير م شخص لتانى
حتى لو الاسئلة غريبة و ملهاش اجابة مينفعش تتساب فاضية
طريقة حل الامتحان دى ممكن تخلى اتنين مزاكرين زى بعض واحد يشيل المادة و التانى جيد جدا

فيه مقولة شهيرة عندنا "الدكتور اللى يفتى عليك افتى عليه "

و حتى لو كانت مشكلة مزاكرة تكتب كل اللى تعرفه عن الشابتر دا و تنقل السؤال تانى بطريقة تانية و شوية قوانين

ساعات بيكون الامتحان صعب لدرجة ان الدكتور ممكن يدى للى كتب اى حاجة ليها علاقة بالموضوع نص الدرجة بس اللى مكتبش مش هيقدر يعمله حاجة