مشاركات غير لائقة

المشاركة الأصلية كتبت بواسطة مستر بطاطا

( لزيادة مرتبات المعلمين رغما عن أنف الوزير )

الحقيقة كتبت هذا العنوان لأهمية الموضوع وترغيب جميع المعلمين لمدارسة هذه الفكرة الساخرة

بعد لف ودوران وتفكير عميق لقيت الكل بيدوس علينا بالجزم وبحكم وظيفتى اخصائى اجتماعى

لقيت حل طبعا :

الجميع يتجاهل ثورة المعلمين ورفع الظلم الواقع علينا سواء وزير التعليم الهمام أو وزير المالية أو غيره ......
عندى اقتراح ياريت تفكروا فيه كويس جدا وبلاش تستعجلوا فى الرد
الهدف من الاقتراح :

هو زيادة دخل المعلم المصرى رغما عن أنف الحكومة التى تتجاهل مشكلات المعلمين تماما

الاقتراح هو :
أن يقوم المعلمون فى كل مدارس جمهورية مصر الملوخية بزراعة محصول البانجو فى حدائق المدارس وكمان الحوش بالمرة وندرب الطلاب على رعاية المحصول ونعلمهم يعتمدوا على أنفسهم خلال فترة الدراسة والإجازة الصيفية وندربهم كمان على عملية التسويق والتوزيع ونكون كدا علمناهم صنعة يكسبوا منها عيش ويخفوا الضغط عن أهاليهم من المصاريف ويتم توزيع ربح محصول البانجو على المدرسين حسب الكادر الجديد
( كادر البانجو الجديد )
بدون أى اختبارات
وبهذه الفكرة الرائعة فى بلاد الهبل والعبط اللى احنا فيها نكون أخدنا أكثر من اللى الحكومة بتذل الناس بيه
وكدا يبقى تمام يا سعادة البيه

ملحوظة / أرجو من زملائى الأعزاء معلمى مصر الشرفاء ألا يحزنوا مما نلاقيه من سوء المعاملة التى ستنعكس علينا وعلى المجتمع وحتما سيأتى يوم - حتى وإن تأخر - يرتفع فيه شأن المعلم المصرى

ومن الخطأ الشائع فى مجتمعنا

هو عدم التحرك إلا بعد حدوث الكارثة

كتبت هذا الموضوع للسخرية

لعله ناقوس الخطر يدق أبواب دولة غافلة أهملت معلميها

فأهملها معلموها

وقد نكون مقبلون على منعطف جد خطير لا يعلم عواقبه سوى الله عز وجل

فالأمر لايِِستهان به

أرجو من السادة المشرفين عدم حذف الموضوع

تقبلوا تحيتى

اخصائى اجتماعى

المحلة الكبرى

اية قلة الحياء دى
ازاى الادارة المحترمة توافق على موضوع زى دة

يا استاذ يا مربى يا اجتماعى
اولا الارزاق بالله شوف الادريين قعدو كام سنة من مظلمون حصل اية ماتو من الجوع
ثانيا يا اخى حث المدرس انة يشتغل ويراعى ربنا وهتشوف فرج ربنا قريب
ثالثا بزمتك روحت المدرسة فى الصيف كام مرة
رابعا من اعتمد على الكادر ونسى القادر زل ودة اكبر زل للمعلمين
خامسا عملت ان رزقى لم ياخذة غيرى فطمئن قلبى

روح يا اخى شوفلك مصيبة تروح فيها بدلا من اصلاح حال الطلاب