الحدود المصرية في خطر ..

[ENG.HAGAR]

إسمحيلي يا باشمهندسة، حضرتك لو عارفة الناس دي إتقتلوا ليه وإزاي بالظبط ياريت تفهميني، لكن هي مجرد سيناريوهات متعددة بنسمع عنها والحاجة المشتركة الأكيدة فيهم إنه عمل مشجوب وضدنا بكل الأشكال، وإحنا مش هنجيبه عشان نستني بقي نعرف إيه إللي حصل فنشوف الموضوع يستحق ولا مش يستحق، خلاص فيه قلق ع الحدود وناس ماتت..مش هنستني كتير ونفوتها يعنى

اولا انا اعتذر انى اختلف مع حضرتك فى جزئية انا او حضرتك مش مستوعبينها صح 100% ...
ثانيا فى بوست فى بداية الصفحة انا نقلت فيه اخبار عن هيئة الشهداء وكدة حضرتك ممكن تنظر ليه " فضلا لا امرا "
بالنسبة لسؤال اتقتلوا ازاى ؟ !!! بصراحة السؤال ده انا مش هقدر ارد عليه غير بسؤال تانى .. هو حضرتك تظن ان منفذ العمل ده جندى اسرائيلى ولا واحد من الجماعات الارهابية فى سيناء و لا ايه بالظبط ؟ اصلى مش فهمت سؤال حضرتك بطريقة كافية .. فعذرا ..............

طب ما إحنا لقمة سهلة بقالنا ٣٠ سنة، وخسرنا كتير بسبب ضعفنا، هل ده معناه إني إستسلم بقي وأرضي باللي قدامي

ابدا .
لو حضرتك رجعت للمشاركة تانى هتلاقى انى كاتبه جمبها موضوع الاستنكار ده اللى اقصد بيه اللقمة السهلة
القصد من ده كله ان احنا هنبقى لقمة سهلة لو استمرينا على سياسة معلش واخر مرة والكلام ده
ده اللى اقصده يا باش مهندس احمد ......

أنا قُلت جملة مهمة أعتقد يا باشمهندسة، ننقل صورة الغصب شعباً وحكومة..إسرائيل علي مدار التاريخ عارفة إننا بنعاديها جيل ورا جيل زي ما بيقولوا كشعب مصري وعربي وإسلامي مش جديدة يعني وهيتفجأوا لما يشوفوه في التليفزيونات، لكن لما أشوف مجلس عسكري (الممثل الرسمي للوطن وشعبه) واخد موقف قوي وواقف وقفة إستعداد بحذر بكل ما نملكه من خيارات إننا نضغط عليهم بجد مش كلام وتليفزيون يخليهم يقولوا "سيبوهم يلعبوا" وحضرتك فاهمة قصدي إيه طبعاً بل يخليهم ياخدوا خطوة لورا ويعملولنا ألف حساب لو فكروا يلعبوها تاني

وده سر نجاح الثورة، إنك أخدت موقف قوي ومثابر قدرت بيه تفرض رأي وسيادة وقوة

كلام حضرتك بجد ممتاااااااز
وكمان اللى ربنا استعمله فى الثورة دى هم الشباب مش المجلس وان كان عامل مساعد ..
يعنى ايه ...؟؟ يعنى اللى اقصده لو المجلس ما اخدش موقف هتلاقى ان الناس هتعمل حركة مش مقصودة زى مثلا ناس تروح لسيناء وناس تحتج قدام المجلس العسكرى او كدة
فى كلا الحالات المجلس لازم هياخد موقف ...... بس قوته ايه ؟؟!! ده اللى هيتوقف عليه المرحلة الى جايه
تعالى يا باش مهندس نضع اسباب ان المجلس ياخد موقف
1- ارضاء المصريين عااااامة
2- يحافظ على ما تبقى من كرامة للشعب المصرى
3- ممكن يبقى فيها استظهار القوة واننا شعب مش هنسكت او كدة
بالنسبة لموقف الثورة اعتقد ان المجلس لو ماكانش نزل ده هيبقى اختيار اصعب عليه وعلينا كشعب ككل
لان الجيش ماهو الا موظفين لحماية جبهة مصر الخارجية .... وكمان ليه سلطات داخليه بردو.
بلاش نرجع لموضوع الثورة يا باش مهندس ... ده طلب منى رجاااء تلبيه ... خلينا مركزين على مصر حاليا وموقفها من اسرائيل .
واعتذر مرة تانية لو رأييى اختلف مع حضرتك بسبب حاجة انا مش فاهماها او كدة