اللى داخل امتحان الكادر 26/7/2011 يدخل هنا

[mahmoud1011]

المشاركة الأصلية كتبت بواسطة waleed7988

حمدالله على السلامة اختنا مشتاقه
وانا شايف برده الاستاذ محمود غايب بقاله كام يوم ان شاء الله يكون خير
ويرجع بالف سلامة ويطمنا

الله يسلمك من كل شر يا وليد
وتسلم على السؤال

نفسي يا وليد تبقى موجود على المنتدى دايما.. لأنك بجد من الناس الجميلة اللي عرفتها ويارب يديم الود والمعروف

[waleed7988]

المشاركة الأصلية كتبت بواسطة mahmoud1011

أخواني وأخواتي الأعزاء : ( وليد - ندى - المشتاقة لمصر )..

أنا بجد آسف جدا جدا جدا..

بس والله العظيم غصب عني..

النت كان فاصل بقاله يومين..

بس بجد فرحت قوي دلوقتي لما شفتكوا بتسألوا عني..

أنا ما استاهلش إني أعرف ناس حلوة كدة وقلبها من جوة بالجمال ده ... ربنا يخليكوا ليا يارب..

وبهدي كل واحد فيكم وردة.. واحدة بس ما تتخانقوش ..

أنا همتحن بكرة ( الخميس )..

محتاج دعواتكم ونصايحكم..

المشاركة الأصلية كتبت بواسطة mahmoud1011

الله يسلمك من كل شر يا وليد
وتسلم على السؤال

نفسي يا وليد تبقى موجود على المنتدى دايما.. لأنك بجد من الناس الجميلة اللي عرفتها ويارب يديم الود والمعروف

الف حمد الله على سلامتك ودايما يارب تكون بخير وسلامة

وان شاء الله ربنا ييسر ليك الامتحان

وأكيد ليك نصيب كبير من الدعوات مش مننا بس لا من كل واحد أو واحده انت ساعده

لأنك بجد والله تستاهل كل خير

و ربنا يوفقك وييسر ليك الحال يوم الخميس ان شاء الله

اما بخصوص وجودي بالمنتدي فحاول ان شاء الله

مع اني كنت واخد عهد مع نفسي اني اقاطع المنتديات نهائيا لا مواضيع ولا مشاركات

وربنا يدوم المعروف والود ان شاء الله

[mahmoud1011]

هي الناس فين ؟؟؟ .. أنا رايح امتحن كمان شوية .. بقى كدة برضه ؟!!!!!!!!!!!!! أنا بكلم نفسي والا إيه طيب.. ماشي.. حاضر.. الثلاثة.. سلام بقى

[waleed7988]

المشاركة الأصلية كتبت بواسطة mahmoud1011

هي الناس فين ؟؟؟ .. أنا رايح امتحن كمان شوية .. بقى كدة برضه ؟!!!!!!!!!!!!! أنا بكلم نفسي والا إيه طيب.. ماشي.. حاضر.. الثلاثة.. سلام بقى

انا اهو راحت عليه نومه

ربنا يوفقك يارب وان شاء الله ييسر ليك الامور النهارده بالامتحان وترجع تفرحنا

ومن كل قلبي والله ربنا يوفقك كمان مرة

[مشتاقه لمصر]

المشاركة الأصلية كتبت بواسطة mahmoud1011

هي الناس فين ؟؟؟ .. أنا رايح امتحن كمان شوية .. بقى كدة برضه ؟!!!!!!!!!!!!! أنا بكلم نفسي والا إيه طيب.. ماشي.. حاضر.. الثلاثة.. سلام بقى

الاستاذ محمود نتمنى انك تكون حليت كويس ومعلش التخصص غلس بجد بس حتى لو عرفته برضه مكنتش هيسعك اكثر مما فعلته فى الامتحان
لان الاجابات قريبه من بعضها
فهون على نفسك وان شاء الله ننجح
معلش مدخلتش المنتدى من يومين كنت فى زيارات عائليه

[mahmoud1011]

أخواني وأخواتي

أنا بشكركم من كل قلبي

والحمد لله جاوبت كويس

بس المشكلة إن في أسئلة في التربوي والتخصص زي ما بتقول eng wahab عبارة عن كتلة من الغباء وده لعدة أسباب:

الأول : رأس السؤال طويل ومش مفهوم هو عاوز إيه..

الثاني : الإجابات قريبة من بعض جدا وبيبقى عندك إحساس إن معظمها صحيحة..

الثالث : الأسئلة اللي كنا محتارين فيها بتيجي دايما زي مثلا سؤال ( معلموا - مهندسوا - ألوا ) وبتبقى عارف إن السؤال أساسا غلط وبتجاوب.. آخر جنان

بس الحقيقة لازم نقول الحمدلله وقضا أخف من قضا وكفاية إن احنا جاوبنا في الوقت المحدد..

وعاوز اطمن اللي لسة ما امتحنوش.. نسبة الأسئلة ( الغبية ) لا تتعدى 15 % يعني إن شاء الله خير..

إلى الأخت مشتاقة لمصر

حمدلله على السلامة

لما بتغيبي عننا بتغيب كل حاجة حلوة وبنبقى زعلانين قوي..

بس عاذرينك ومسامحينك لأن شهر رمضان بتكتر العزومات والزيارات العائلية..

بس عاوزينك ما تغيبيش عننا كتير وما تنسيش وتفضلي فاكرة إن بوجودك الموضوع بيبقى حاجة تانية..

دمتم بخير وصحة وسعادة