الي كل من يفكر بدخول معهد أو جامعة خاصة

[khalid2222]

المشاركة الأصلية كتبت بواسطة ammar93

ألف شكر علي الرد السريع

كنت عايز أسئل سؤال كمان

عايز أعرف أني أحس الأكاديمية البحرية ولا ال bue الجامعة البريطانية في مصر

من حيث كل حاجة

و عايز أعرف هل الأكاديمية محتاجة مجموع خاص لهندسة التشييد و البناء ؟؟

السلام عليكم ورحمة الله وبركاته

اخي الكريم يبدوا انك لم تقرأ ردي السابق جيدا فأنا قلت لك أن هناك اتجاه حاليا هو لطلبة الاكاديمية اكثر من الحكومية نفسها

بالنسبة للأعتراف فالاثنين معترف بهم

بالنسبة لفرص العمل فالاثنين يمكنك العمل بهي بسهولة ولكن اذا تمت مقارنة في العمل بمعني انه اذا تقدم ثلاثة الي عمل أحدهما جامعة حكومية والثاني جامعة خاصة والثالث اكاديمية فان الاختيار بالتأكيد سيقع علي الاكاديمية

وفي النهابة لا يوجد اي تعليم في مصر يضاهي الاكاديمية الا الجامعة الامريكية

وأنظمتها معروفة للجميع

واذا اردت اي سؤال عنها فأنا موجود ان شاء الله

[AMMAR93]

ألف شكر علي الرد

كنت عايز أعرق بقي هل فيها نظام تقديم مبكر ولا لأ ؟

و هل لل هندسة المدنية مجموع خاص ولا لأ

و إيه هي خطوات التقديم فيها ؟؟

[emoeso]

طب انا ف تالته ثانوى ناو ونفسى اخش فنون تطبيقية بس مجموعى مش هيجيبها حكومه وسمعت ان فى خاصه بس بيقولولى لا دا معهد عالى مش زى الكليه هل دا صح ولا لا ...ممكن لو تعرف حاجه تفيدنى ؟

[MONMON 1]

لوسمحتوا هو المعهد العالي للهندسه والتكنولوجيا ف بنها تنسيقه كام طب والفنون التطبيقيه ارجو الرد سريعآ انا جبت81 ف تانيه وخايفه اوي السنه دى

[جنتم جنتم]

ما نوع الدراسة بمعهد نظم المعلومات وما هى مجالات العمل الصالحة لخريج هذا المعهد
أرجوكم إللى يعرف في الموضوع ده مايبخلش بالرد وكمان يقولى أحسن معهد فين بالترتيب

ولكم جزيل الشكر

[hoodaeg]

يا جماعه ياريت فعلا حد يحط اسامي معاهد النظم والمعلومات الموجوده...ويرتبها من حيث المصاريف ويكتب عنوانهم لو عنده علم ...وايه فايدة الدراسه فيها ..لاني عاوز اقدم ومحتار اقدم فين ومش عارف المصاريف كام...وايه احسن معاهد فيهم........ياريت ماتتأخروش في الرد

[mareo2]

هى فعلا شركة اوراكل من كبر الشركات فى مجال الكمبيوتر والبرمجيات وقواعد البيانات حتى سمعت كمان ان بعض البنوك بتسخدم قواعد بيانات اووراكل لانها من اجمل قواعد البيانات واقواها كل الكلام اللى انت قولتو جميل اخ khalid2222 بالمناسبة انا بعشق الاتصالات وانا نفسى ادخل معهد عالى هندسة بس هل من الممكن فى معاهد معترفة بتاخد من مجموع قليل مثلا 50%

[data01001]

سؤال هل معهد تنلوجيا قسم حاسب ألى افضل وهو 4 سنين أم كلية تجارة تعليم مفتوح افضل

[Eng.Ahmed Hagag]

المشاركة الأصلية كتبت بواسطة khalid2222

السلام عليكم ورحمة الله وبركاته

أولا أنا كنت مثلكم تماما أفكر هل أدخل معهد أم جامعة خاصة ؟
وهل المجموع سيسمح بهذا أم لا ؟
وعندما أتخرج هل سأجد وظيفة ؟
وغيرها من الاسئلة الموجودة عند الجميع



ولكن الحمد لله سألت ابن خالتي منذ يومين {وهو يعمل مدير شركة أوراكل في مصر } وهي شركة كبري من شركات البرمجة والشبكات وهي أيضا المتحكم الاساسي في شركات الكهرباء والماء وحركة القطارات والمترو والبنوك {ماكينات ATM }
كل هذا وهو خريج أحد المعاهد {بدون ذكر اسم المعهد}

فقال: ان الجامعة الحكومية أو الجامعة الخاصة أو المعاهد متساوون في العمل بالنسبة للقطاع الخاص, لأن القطاع الخاص لا يسأل عن شهاداتك بل عن ما تستطيع فعله, فاذا ذهبت لطلب العمل في شركة من شركات القطاع الخاص أول شيئ سيطلبونه منك هو تصميم برنامج أو أستخدام لغة برمجة معينة, وهذا قبل أن يسألوك عن شهاداتك فاذا كان معك دكتوراة في الهندسة من عين شمس ولم تستطيع فعل ما يطلبونه فليس لك مكان عندهم بدون النظر الي الشهادة التي معك

أما اذا كنت خريج معهد واستطعت أن تفعل فسوف تحصل علي الوظيفة بنفس درجة ومرتب خريج الحكومية

لأنهم لا يهمهم الشهادات بل يهمهم المعرفة فقط

وحتي بالنسبة لنقابة المهندسين ما دمت خريج جامعة خاصة أو معهد معتمد من المجلس الاعلي للجامعات أو وزارة التعليم العالي فسوف تحصل علي الكارنيه وحينها تكون مثلك مثل المهندس العادي


أما أذا كنت تريد أن تعمل في قطاع عام أو شركة حكومية بمرتب أربعة جنيهات في السنة فيجب أن تكون خريج جامعة حكومية وأن لا يقل تقديرك فيها عن ممتاز


ثانيا بالنسبة لمجموع القبول في المعاهد أو الجامعات الخاصة فهي كالتالي

أولا جامعات خاصة هندسة تتراوح بين 67 % و 75%
جامعات خاصة حاسبات ومعلومات تتراوح بين 65% و60%

ثانيا معاهد هندسة تتراوح بين 70 % 60 %
معاهد حاسبات 50 % في أغلب المعاهد


ولكن أهم شيئ تأكد ان المعهد أو الجامعة معترف بها من المجلس الاعلي للجامعات أو وزارة التعليم العالي

ويفضل المجلس الاعلي للجامعات لسهولة الدخول للنقابة

وأحب أن أحزركم من أنه هناك معاهد تقول انها معتمدة ولكنها ليست معتمدة لذلك يفضل السؤال في وزارة التعليم العالي عن المعهد قبل التقدم اليه


ثالثا بالنسبة للمصروفات

الجامعات الخاصة من 16 الي 20 ألف جنيه بالنسبة للحاسبات {ولا أعلم سعر الهندسة}

المعاهد من الاف5 الي 7الاف جنيه بالنسبة للهندسة
ومن 3 الاف الي 4.5 الاف للحاسبات



وشكرا للأستاذm_adel_143 علي رده المفيد

أرجوا من الله أن أكون قد أفدت الجميع

ومن لديه سؤال عن المعاهد والجامعات الخاصة لم يجب عنه موضوعي فأنا مستعد للأجابة عنه ان شاء الله


والسلام عليكم ورحمة الله وبركاته

احب اصحح لحضرتك حاجة إن معاهد الهندسة الخاصة المحترمة زي الشروق واخدة من 89% تقريبا مش 60 أو 70 % صحيح إيه رايك في مستوى هندسة الشروق؟؟طبعا أنا خدت اراء ناس كتير جوه وبرة بس لو تقدر تفيدني في أي حاجة تبقى مشكور منتظر ردك

[Mido MashakiL]

طب هل فى معهد خاص هندسه بياخد فى الستنيات % ولا ولو مفيش عايز اعرف جامعه مصر مصاريفها كام هندسه وبتاخد من كام%

[$ Hager $]

بالنسبة لكليات الطب البشرى الخاصة
ايه احسن الجامعات الخاصه اللى بتُدرس فيها الطب

[Mido MashakiL]

انا عايز اعرف جامعه الكنديه بتاخد من كام% هندسه ومصاريفها كام

[9999]

هي الجامعة الروسية معتمدة ولا لا

[matrixxxxxx]

طب هو صحيح ان فرص عمل خريجي الجامعات الخاصة اقل من خريجي الحكومي يعني لو صاحب عمل قدامة cv واحد حكومي والتاني خاص يختار الحكومة ويا ريت اللي يجاوب يكون متاكد من الاجابة

[Eng.Ahmed Hagag]

المشاركة الأصلية كتبت بواسطة matrixxxxxx

طب هو صحيح ان فرص عمل خريجي الجامعات الخاصة اقل من خريجي الحكومي يعني لو صاحب عمل قدامة cv واحد حكومي والتاني خاص يختار الحكومة ويا ريت اللي يجاوب يكون متاكد من الاجابة

بص يا متركس اللي اقدر افيدك فيه القطاع الحكومي مبيفرقش بين ده وده ومن حقك تعمل اختبار عادي زي الحكومي بالضبط إنما القطاع الخاص وهو ده المهم طبعا معرفش بصراحة عايزين حد يرد بس يكون متأكد من الكلام اللي بيقولوا وأنا هحاول اسال وهرد عليك .