إلى كل البشمهندسين الجدد

[rehab rehab]

المشاركة الأصلية كتبت بواسطة dr.mohamed taha

أنا عايز أسأل سؤال

ياريت توسعم صدوركم ليا

كمان شوية

*_^

لو واحد راح الكلية كل يوم الصبح حضر كل محاضراته سجل كل كلمة قالها الدكتور احترم نفسه في المحاضره

بمعنى انه جه قبل الدكتور وخرج بعده

بقول كل يوم لغاية ما السنه خلصت

يا ترى ده ممكن يجيب امتياز ؟

أرجو الرد من انسان مجرب أو شاف حد عمل كده تاني

لأني عقلي مش بيستوعب بسرعة بس الحمد لله ليا قدرة على عدم اليأس والاحباط

وأشكر الباش مهندس بانزر و الباش مهندس بلال والباش مهندس كيموز على نصايحهم وكل اللي نصحني ونصح زملائي الأعزاء

و ليه العذاب دا ؟؟؟؟

حضور كل المحاضرات و كتابة كل كلمة و التركيز مع كل الدكاترة دا يخلى الواحد ميقدرش يعمل حاجة تانية فى حياته

لو عايز امتياز يبقى غير تفكيرك ان بدل ما تلم درجات مش هتضيع درجات

المحاضرة ليها فايدة يبقى تتحضر لكن لو ملهاش فايدة يبقى المذاكرة اولى او حتى النوم فى البيت علشان تقدر تكمل مزاكرة باقى اليوم

كل الامتيازات و اوائل الدفعة اللى اعرفهم بيحضروا بس علشان لو اتاخد غياب او لو الدكتور قال معلومة مهمة عن طريقة الحل مثلا او ايه الاجزاء المهمة و غالبا هما اكتر ناس مش مركزين فى المحاضرة
مجرد بيرضوا ضميرهم و لما نوصل فى الضغط اللى علينا ان ضميرنا واجعنا من الحاجات اللى متذاكرتش اكتر من حضور المحاضرة يبقى خلاص الحضور ملوش لازمة

المذاكرة اهم كتيييييييييييييير من الحضور

و مصدر المذاكرة حسب كل مادة و كل دكتور سواء مرجع او ورق معيد او فى حالات نادرة المحاضرة نفسها


الامتياز مش صعبة بس لازم الواحد يعمل اللى عليه و يبقى طول الوقت بيقيم نفسه

لما اعمل نفس اللى بيعمله الاول عالدفعة مش شرط اجيب زيه خااااااااااالص لان كل واحد بينفع معاه اسلوب مختلف بس سهل اعرف انا ماشية كدا صح ولا لأ