أسئلة يحتاج كل طلبة اعدادي الاجابة عليها

[Mohamed Omran]

المشاركة الأصلية كتبت بواسطة Ahmed HP

كل طلبة اعدادي دلوقتي حيرانين جدا و حاسين انهم تايهين فياريت من الطلبة القدامى ارشادنا
يعني فيه اسئلة كتير ممكن تكون بسيطة بس محيرة جدا بالنسبة لنا مثلا :

* الادوات امتى نجيبها قبل الكلية و لا ناجلها ؟ و فيه حاجات حنحتاج نجبها ضروري قبل و لا لأ ( يعني حاجات اساسية في اول محاضرات او سكاشن ) ؟

استنى براحتك اول اسبوع وشوف اللى قبلك جابوا ايه لان فى حاجت الدكاترة بتمليها وملهاش لازمة ومش هنستخدمها


*اول يوم نروح طرازانات كده يعني معناش غير سكتش مثلا حتى لو فيه حاجة خاصة بالرسم ؟

طرزان يا هندسة كشكولك السلك وقلمك النضيف عشان متخشش بايدك فاضية

*الاوتوكاد بنحتاج في اعدادي المعماري و لا الميكانيكي و لا الاتنين و لا ايه ؟

اولاً اعدادى كلها زى بعضها

الاوتوكاد هنحتاجه باين فى اعدادى بس شغل خفيف لو ناوى على قسم ميكانيكا ففى برنامج تقيل فى الحكاية ده اسمه Solid Works

*الجدول ده حيظهر امتى و لا حنروح اول يوم عمياني ؟


ده على حسب الكلية يعنى كلية زى كليتنا مش هينزلها جدول الا لما الدراسة تبدأ ويا عالم ينزل امتى

و فيه اسئلة كتير بس انا حكتفي بدول و ارجو من باقي الطلبة السؤال عن كل ما يحيرهم لانه هي دي فايدة المنتدى (( التعاون ))

بالتوفيق