الصديق

[احمد رضا]

ما مفهومك الشخصي عن الصداقة؟؟

الصداقه هي كل شئ يدفعك نحو كل ما هو صحيح .. انك تلاقي واحد يسمعك وتحكيله اكنك بتحكي لنفسك .. انك تبقي مأمنه علي مالك ومأمنه علي نفسك وعلي اهلك .. الصداقه مينفعش تتعرف ..لان الصداقه احساس ناتج عن مواقف ...

هل تعتقد بوجود فرق بين الصاحب والصديق؟؟

اظن الاجابه باينه لفظيا ً
الصاحب : يصحبك عادي بس مش مرتبط بيك وجدانيا ً وعقليا ً
الصديق : ده معاك في كل حاجة .. سراء .. ضراء .. فقر .. غني .. حلوة .. مرة .. هو من تنطبق عليه " رب اخ لك لم تلده أمك ولكن وهبته لك الحياة " ده الصديق ...

هل تتخذ اي شخص صديق ام هناك اسس وقواعد لذلك؟؟

لاء طبعا .. الصداقه مش شئ بالساهل .. الصداقه عايزه حكمه وتأني لان الصديق ده بيكون معاه كل المفاتيح .. لو انت اديت لحرامي في مافيا مفتاح بنك في نيو جيرسي .. تبقي في قمه الغباء .. دي فلوس .. مابالك بقي بمشاعر واهل وثقه اظن يبقي الغباء بذاته ...
فيه قواعد كتير
وسبق وذكرت بعضها في تعريف الصداقه ...

هل تولي ثقتك الكاملة لصديقك ام تعطيه جزء منها؟ولماذا؟؟

ان عن نفسي عشان انا من الناس اللي بتتوقع الخيانه من اقرب الناس ليها بحيث لو حصلت متصدمش ولو محصلتش يبقي خير وبركه
بقول جزء من الثقه
مفيش انسان يستحق ثقتك الكامله علي وجهه الأرض تقريبا غير والدك ووالدتك - رحمهما الله -

هل هناك عدد معين من الاصدقاء يجب التوقف عنده ؟؟ ولماذا ؟؟

اظن الصداقه مش بتحتاج اشخاص كُتار .. لانك مش معقول مرتبط ذهنيا وفكريا بكل الاشخاص دول .. هو واحد او اتنين بتوافق فكري ووجداني اكتر من كدا متهيألي مفهوم الصداقه بيقل شوية ...

من برأيك اقرب الصديق ام الاخ ؟؟ ولماذا ؟؟

لاء هنا انا معرفش صديق .. مفروض اخوك يبقي هو صديقك وكل حياتك .. لان ده من دمك .. لكن لو مكانش ينفع تنشأ صداقه مثلا .. اكيد هيبقي الصديق .. علي حسب تعاملهم هما بقى ...

هل تجعل صديقك في اختبار دائم ام تحدد وقت لذلك ؟؟

لاء انا من فترة لفترة كدا بحطه تحت المجهر واعمل حصر لاخطائه عشان اشوف نسبه ولائه ليا

حين تتعرض لخيانة الصديق فعلى من تلقي اللوم عليه ام على نفسك ام على من ؟؟

طبعا اللوم مش بيبقي علي الشخص ده وغلط علي فكرة انك تقول " صديق " عليه
طيب بالله عليك ازاي " صديق " " صدق " .. و" يخونك " " خيانه "
ده الالفاظ مخالفه
بس العيب في الاول والآخر عليك انت
عشان انت اللي معرفتش تختار كويس ...

تغير مفهوم هذه الكلمة في زماننا, وأصبحت هناك صداقة واحدة تسمى صداقة المصالح. لا تتخيل كل الناس ملائكة ... فتنهار أحلامك ... ولا تجعل ثقتك بالناس عمياء ... لأنك ستبكي ذات يوم على سذاجتك !!

شوفت زي ما قولتلك

عشان كدا انا عمري ما وثقت في حد ثقه عمياء
مهما كان قريب مني
ومهما كان ارتباطي بيه
ودايما بتخذ كل المضادات من قبل ما حد يفكر فيها
اصل الحياة ماشيه معايا زي الشطرنج
قبل ما تتحرك خطوه
لازم تبقي عارف الخطوة اللي بعديها
ومتوقع اللي بعد اللي بعديها

شكرا يا سادات علي موضوعك