بشرة خير موافقة مجلس الوزراء على صرف حافز 200%كاملا للمعلمين بعد تدبيره من احتياطى

[هيما2011]

والله شكلها دي فرقعة إعلامية ربنا يستر معقول مجلس الوزراء وافق على 200% ولم يحسب الكادر بمرحلتيه ولا المكافأة هيه الحداية بترمي كتاكيت أنا شكلي بحلم والله حد يصحينى من النوم عشان أفوق مع انها حقنا والله العظيم بنص القانون المشئوم رقم 155 المسمى بقانون كادر المعلمين ( مادة 89)

[ardogan]

انا مش فاهم حاجه

[معلم بحراوي]

المشاركة الأصلية كتبت بواسطة ابو عيد

اللى انا فهمته من الخبر ان الحافز هينصرف كاملا دون المساس بالكادر او مكافأة الامتحانات ازاى احنا كنا بناخد 25% للجميع الخبر بيقول انه هيزود عليهم يعنى هنزيد 175% طبقا للخبر بس احنا قبل كده كل واحد زاد من أول شهر 7 يعنى انا مثلا زدت 75% على 25% السابقة يبقى المجموع 100% وكنت باخد كادر 100% يبقى كدة المجموع 200% ولكن طبقا للخبر ده يبقى هيشيل ال100% كادر وحسابه ويرجعهم لى مرة أخرى . انا لسة ليا عند الحكومة 100% عششان بكدة أكون أخذت 200% كاملة دون المكافأة والكادر وبالنسبة لحافز الاداء يتم تعديله بحيث يضيف لكم مايكمل 200%بدون المساس بالكادر والمكافأة

الخلاصة شوف انتا زاد ليك كام فى شهر 7 السابق وباقى ليك كام عشان تكمل 200% دون المساس بالكادر والمكافأة هوا دا اللى هتزيده
مثال انا خدت 25% +75%=100% ناقص على 200% 100% يبقى أنا هزيد ان شاء الله بعد صدق الوزارة 100%

أنا معاك في رأيك وذلك بسبب ذكرهم الحافز اللي اتصرف

[ايثار حسن]

هما بيقولوا 2 مليار عشان يعملوا 200 %


قبل كدة كانوا بيقوا مطلوب 8 مليار لتحقيق دة


لو فكرنا شوية هنلاقي انه في حاجة مش مظبوطة وكدب


اكيد بيكدبوا على الممعلمين عشان يهدوا ومش يعملوا وفقه 8/10

[ابو عيد]

ربنااااااااااااااااااااااااااا يسهل

[faraglxr]

فرقعة اعلامية .... وتنييم للمعلمين ... وتفتييت لوحدتهم
أى انه كلام كذب فى كذب..... الى ان تظهر الحقيقة

[mos3d]

خلااااااااااااااص عرفنا الحقيقة من الوزير

لا زيادة اإلا التى اعلن عنها من قبل

يعنى 75% للمعلم و 50% للمعلم المساعد و 25% للمعلم أول و الباقى لا زيادة

و هذا الكلام من فم الوزير مع هالة سرحان منذ قليل

للمتابعة هنا لكل التفاصيل

هنا متابعة لحوار وزير التعليم فى برنامج ناس بوك

[ابو عيد]

يا جماع انا معاكم فى كل اللى بتقولوه بس خدو بالكم انتوا زدتوا قبل كده فى شهر 7 وبعد ين هو يكمل على شهر 7 وبعدين انا متأكد ان الوزير بجد ما يعرفش حاجة يمكن ما تصدقوش دلوقتى لكان انتظروا التنفيذ وكما انا مبقولش الكلام ده عشان اخليكم ما ترحوش المليونية ولكن دا خبر انا جبته وبعدين هو دا الى هيحصل غصب عن الوزير لانه مش بأيده وكمان مكره اخاك لا بطل

[ابو حسنا]

يا جماعة اللى هيزيد المعلم المساعد والنعلم والمعلم اول اما الباقى لما اتشيل المكافاة هتلاقيه معدى 200 % وده كلام الوزير امبارح مع هالة سرحان

[khameas_elngar]

لو كانت الحكومة زودت كله 100 % كانت ارتاحت وريحت

[moatamed]

لم اصدق الا ادا قبضت قعلا

[سعيد كنترول]

أصدر رئيس مجلس الوزراء القرار رقم 1229 في 2/10/2011 بزيادة حافز الأداء لشاغلي الوظائف التعليمية، حيث نص القرار على زيادة نسبة حافز الأداء الشهري المنصوص عليها بالمادة الأولى من قرار رئيس مجلس الوزراء رقم 1024 لسنة 2011 المشار إليه بتقرير حافز آداء لشاغلي الوظائف التعليمية ليصبح كالآتي:
• المعلم المساعد : 125 بدلاً من 75% من المرتب الأساسي الشهري.
• المعلم : 75% بدلاً من 50% من المرتب الأساسي الشهري.
• المعلم الأول : 50% بدلاً من 25% من المرتب الأساسي الشهري.
ويعمل بهذه الزيادة إعتباراً من أول أكتوبر 2011م.


ونص قرار رئيس مجلس الوزراء رقم 1024 لسنة 2011 على صرف حافز بدل آداءللمعلم اول أ والمعلم الخبير وكبير معلمين بنسبة 25%.

وبناءاً على ما تقدم أصبح حافز الآداء للمعلمين المسكنين على درجات الكادر كما يلى:

معلم كبير 25% ـ معلم خبير 25% ـ معلم أول أ 25% ـ معلم أول 50% ـ معلم 75% ـ معلم مساعد 125%.......
(الخبر موقع الوزاره)

[shahen77]

لو قرأت الخبر جيدا وفهمته ستعرف ان الفرق بين ما قبل وما بعد الاتى
المعلم المساعد كان 75 % اصبح 100%
المعلم كان 50 % اصبح 75%
المعلم اول كان 25% اصبح 50%
المعلم اول أ وباقى الفئات 25%
لانه باختصار حدد اجمالى الحوافز لتصل الى 200%
بدل اعتماد والكادر + الحوافز = 200%
طبعا هذا فى حاله ان يكون الخبر صحيح مع انى لا اثق فى هذا الكلام
* على فكرة ما تنسوش ان نسبة الكادر تحسب على اساسى العام السابق يعنى ال200% مش هتكون كامله كده !!!