نفس المشكلة حصلت معايا .. ذهبت لمنطقة الجيزة الأزهرية قالى لا تقلق مافيش حد مش متأمن عليه قلتله انا سألت فى التأمينات ومش مؤمن عليا...قالى سهلة خد مباشرة عمل وصورة من العقد بتاعك وروح سجل نفسك فى التأمينات..قلتله ازاى اروح أنا كفرد اسجل نفسى ماينفعش التأمينات بتتعامل مع جهات او مؤسسات المفروض الازهر بيبعت مندوب بيخلص هو الحاجات دى...قالى ياعم دول ناس نايمة على الازهر يعنى وماحدش هيعملك حاجة.....المهم روحت على التأمينات وأنا مش مقتنع انه ينفع اصلا خصوصا اننا حكومة مش قطاع خاص...وبالفعل هناك فى التأمينات الحكومية قابلت راجل طيب قالى ماينفعش تسجل نفسك وماتقلقش خالص بدام انت حكومة ان شاء الله متأمن عليك او هيتأمن عليك كده كده .. لكن انت ممكن تقلق لو قطاع خاص...قلتله انا بدخل على موقع التأمينات على الانترنت ومش بلاقى اسمى متأمن عليه مع العلم انى ليا زمايل مكتوب اسمهم على الموقع انهم متأمن عليهم..قالى لأ ده شغلنا ممكن يكون اسمك لسه مش على الموقع لكن بدام بيتخصم منك تأمينات ماتقلقش...المهم هعمل ايه قلتله شكرا ومشيت...وأنا شغال بقالى سنتين على فكرة مش كتير..
المهم الاخ اللى بيسأل ممكن يدخل على الموقع برضه يتأكد وما تقلقش ان شاء الله لازم يكون متأمن علينا او بقى هما بيدفعو مثلا فى اخر المدة...مش عارف بصراحة لكن الراجل هناك فى التأمينات طمنى الحمد لله.
|
23-11-2011, 05:28 AM
العرض الشجري
