موقع الاكاديمية يعلن عن موعد اختبارات الكادر بس يافرحة ماتمت

[رفعوت]

انا عايز افهم ازاى الكلام ده يحصل ويقولك 31/10/2009 امال اللى فات ده كان لمين حتى الناس اللى بتقول اصلى له ممامتحنتش يعنى عددهم كام مقارنة بالمتعاقدين سن 2010 ادى اول مهزلة للوزير الجديد عشان تعرفوا قيمة احمد جمال الدين المفروض ان الامتحان يبقى 31/10/2010 بس تقول لمين ربنا ينتقم من الظلمة وبعدين القانون بيقول مر عليه سنه او اكثر فبيعملوا حجة ومبيمتحنوش بتوع 2010 عشان طبعا لايقولك تثبيت ولا غيره ...
وادى نص الكلام من موقع الأكاديمية الآن :

وافق السيد الأستاذ وزير التربية والتعليم عل فتح باب التسجيل للتقدم لاختبارات كادر المعلم ( المعلمين / الأخصائين ) المساعدين الذين تعاقدوا قبل تاريخ 31/10/ 2009 و حاصلين على مؤهل تربوى لغير خريجى كليات التربية.
يجب ان يقوموا بتسليم ملف للادارة التعليمية لتقوم بتسليمه لفرع الأكاديمية التابع له قبل نهاية شهر ديسمبر 2011 للتسجيل الالكتروني على أن يحتوى على:
1. اصل شهادة المؤهل التربوى لغير خريجى كليات التربية .
2. صورة طبق الأصل من شئون العاملين بالإدارة لشهادة المؤهل الدراسى .
3. تقرير الكفاية من مدير المدرسة و الموجه على النموذج المعد من قبل الأكاديمية المهنية للمعلمين .
4. خطاب ترشيح من المدرسة .
5. صورة بطاقة الرقم القومى .
6. نسخة طبق الاصل من عقد المعلم المساعد .
7. صحيفة الاحوال الالكترونية المطبوعة من موقع الوزارة معتمدة من شئون العاملين.


لازم يبقى فيه وقفة للموضوع ده ...............


http://academy.moe.gov.eg/

[هانى012]

لازم يكون لينا وقفة ازاى تعاقد 2010 ميدخلش الامتحان ولا عم بيعقدوها وخلاص
الجماعة دول مبيجوش بالزوق لازم من الاعتصام

[رفعوت]

المشاركة الأصلية كتبت بواسطة هانى012

لازم يكون لينا وقفة ازاى تعاقد 2010 ميدخلش الامتحان ولا عم بيعقدوها وخلاص
الجماعة دول مبيجوش بالزوق لازم من الاعتصام

عندك حق الناس دى بتستهبل ولا ايه كل اختبار هيقولك 31/10/2009

[ramy500]

المهم ايه الحل لازم يكون لينا وقفة جامدة

[biba200577]

ممكن ياجماعة يكون الامتحان ده للناس اللى تعاقدها قديم قبل 2009 وحصل انهم رسبوا فى أحد المكونات أو كانوا بياخدوا الدبلومة وممكن يكون فيه امتحان تانى فى شهر 4 للناس بتاعت 2010 والله أعلم

[ايمان رضا]

يعني إيه الاختبار لمن تعاقد قبل 31 -10 -2009 يعني احنا هننتظر كل فترة لكي نصدم
الامتحان الماضي كان بنفس التاريخ - يعني الوزارة إما انهم لايدرون عن التعيينات الخاصة بنا اي شيء أو مازال مسلسل الاستهبال مستمر - يا جماعة لابد من الاعتصام اما مباني المحافظات أو الذهاب لرئاسة الوزراء وفورا قبل بداية الاختبار - لابد الوزاة تشوف لنا حل لا ينبغي السكوت ابد لحين التثيت الفوري - عايزين نشوف حالنا ونستقر

[ramy500]

المشاركة الأصلية كتبت بواسطة ايمان رضا

يعني إيه الاختبار لمن تعاقد قبل 31 -10 -2009 يعني احنا هننتظر كل فترة لكي نصدم
الامتحان الماضي كان بنفس التاريخ - يعني الوزارة إما انهم لايدرون عن التعيينات الخاصة بنا اي شيء أو مازال مسلسل الاستهبال مستمر - يا جماعة لابد من الاعتصام اما مباني المحافظات أو الذهاب لرئاسة الوزراء وفورا قبل بداية الاختبار - لابد الوزاة تشوف لنا حل لا ينبغي السكوت ابد لحين التثيت الفوري - عايزين نشوف حالنا ونستقر

والله كلام مظبوط

[ready]

ازاى الوزير الحكيم مش قادر يساعدنا فى التثبيت وعاوز يخلى الحد الأدنى 1500

[jack11]

يا كرام ..
ليس بالأمر أى خطأ ..
الإمتحان بالفعل للمتعاقدين قبل 31/9/2009 , و الذين لم يدخلوا إمتحانات الكادر الماضى للمعلمين المساعدين , و الذى كان فى شهر 4 الماضى , و كذلك لمن هم قبل ذلك التاريخ و ما زالوا على وظيفة معلم مساعد ..
و كان السبب أنهم غير تربويين , فتم حرمانهم من إمتحان الكادر و التثبيت كزملائهم الذين تفضلتم بالحديت عنهم ..
و كان مصيرهم هو التثبيت بالقرار 515 على وظيفة معلم مساعد حتى إكتمال شروط التثبيت كمعلم بعد إجتيازهم إمتحان الكادر ..
و هؤلاء عددهم ليس بالقليل ..
و هم قبل غيرهم , يستحقون أن ينالوا ما تم حرمانهم منه بسبب بعض القرارات التعسفية الظالمة ..

[maqrishan]

اعتصام اعنصام اعتصام هو الى هناخد بيه حقنا لازم وقفة نحدد ميعاد

[مسيو /محمد حمادة]

ياجماعة بلاش اعتصام القرار موجود من زمان علشان التعاقدات القديمة وعموما اللى تشوفه صح اعملوه

[روتي حبي]

طيب و المتظلمين اللي رجعوا و اشتغلوا خمس و ست سنين قبل كده مش المفروض ان لهم الحق يدخلوا امتحانات الكادر دي و لا خلاص يدفنوا نفسهم بالحيا .... ظلم من السابقين و ظلم من اللاحقين ؟؟؟؟؟؟؟
ان شاء الله لينا وقفه احتجاجيه الاسبوع القادم عند مديرية التربيه و التعليم بالشرقيه و ان شاء الله هبلغكم بميعاد الوقفه دي علشان نجمع نفسنا من جميع ادارات محافظة الشرقيه

[رفعوت]

المشاركة الأصلية كتبت بواسطة روتي حبي

طيب و المتظلمين اللي رجعوا و اشتغلوا خمس و ست سنين قبل كده مش المفروض ان لهم الحق يدخلوا امتحانات الكادر دي و لا خلاص يدفنوا نفسهم بالحيا .... ظلم من السابقين و ظلم من اللاحقين ؟؟؟؟؟؟؟
ان شاء الله لينا وقفه احتجاجيه الاسبوع القادم عند مديرية التربيه و التعليم بالشرقيه و ان شاء الله هبلغكم بميعاد الوقفه دي علشان نجمع نفسنا من جميع ادارات محافظة الشرقيه

الناس اللى بتقول التعاقدات القديمة احنا مطلبناش انهم يلغوا دخول التعاقدات القديمة ولكن ايه ذنب الناس اللى متعاقدة جديد على الرغم من انهم متخرجين بقالهم سنين بس البهوات ماكانوش بيعملوا مسابقات تقديم , وبعدين مش من الظلم بردة ان الناس تصبر وتصبر وبعدين يقولك نفس التاريخ تانى طيب هنصبر ازاى تانى مع انعدام الثقة ده مايمكن الاختبار القادم يقولك نفس التاريخ برده , انا شايف ان الموضوع انهم مش عايزين يعينوا حد وخلاص فياريت يقولوا بصراحة ويريحونا والمشكلة الاكبر ان صوتنا كمعلمين مساعدين مش واصل ليهم لان حتى النقابات المستقلة عمرها مااخدتنا فى اعتبارها ولا طالبوا بحقوقنا
انت فعلا عندك حق وياريت الاخوة الزملاء فى الدقهلية وباقى المحافظات يتحركوا ويبقى فيه تنظيم لميعاد الوقفات وتحديد يوم واحد ومن الافضل يكون السبت لانه اجازة فى بعض المدارس واحنا مش عايزين تعطيل للعمل احنا عايزين نوصل صوتنا بس وناخد وعد بميعاد امتحان لينا

[رفعوت]

انا اعرف ناس استلموا العمل يوم 1/11/2009 ومدخلوش الكادر وبعضهم دخل ورفضوا يثبتوه مع انهم قالوا فى الاعلان قبل كده الذين تعاقدوا ومقالوش استلموا العمل بس طبعا ماحنش تايهين عن البيروقراطية المصرية .........

[رفعوت]

ياريت ياجماعة حد يتحرك من النقابة المستقلة او حد يتصل بالاكاديمية ويعرفنا ايه اخبار تعاقدات 2010 هتتمتحن امتيه