عاوز الشباب في موضوع ضروري اوي

[3olomgy]

يالا يا شباب عاوز كل الي يدخلوا يتكلموا عن حياتهم العاطفية وعاوزين نعرف راي كل واحد بخصوص الحكاية دي...وعاوزين نعرف كل واحد اية تجاربه وناوي يعمل ايو .....يالا بقى مش عاوز كسل وكل واحد يدخل يقرى الموضوع ويخرج تاني.....

هو الحب جميل ولذيذ وكل حاجة بس لحد معين
اول الحب اما بتكون المشاعر لسه صافية ومفيش ضغينة ولا احقاد بتحس انك طاير فى السما بجناحاتك بس بعد كده لازم لازم هتحصل دروبات واتحدى ان يكون حد حب قبل كده وماحصلتش مشاكل ؛ بس الفرق بين الحب الحقيقى والحب المزيف ان المشاكل بتتعالج وكل طرف بييجى على نفسه عشان يعديها

غير كده المشكلة بتكون فى توقيتات الحب ؛ من واقع خبرتى مع اصدقائى اتأكدت تماما ان مفيش مراهقة بتعرف تحب ...؛ البنت فى السن ده عموما بتكون عايزة حد يديها المشاعر والعواطف اللى اتحرمت منها فى طفولتها يعنى بديل صناعى عن الام او الاب مش اكتر لكن لما بتحصل مشاكل او خناقات بتحس انها ماكنتش مستنية كده ..هى كانت عايزة اهتمام وعواطف طول اليوم وكل يوم حتى لو هى نفسها بتقسى على الانسان اللى بتحبه .. هى عمرها ما هتتفهم حبيبها زعل ليه او بيتخانق ليه ...طفلة عايزة تتدلع وتاخد البزازة وال*****اك وخلاص ..بعد كده بتحس انها خلاص خدت اللى كانت محرومة منى وتبتدى التلاكيك المعتادة ( انا بحبك وانت مش بتحبنى ) ( انا اتجرحت منك كتير وبستحمل وانت مش بتحس ) ( خلينا اصحاب احسن ) ( لازم نبعد عن بعض شوية ) ؛ لو الجمل دى اتقالتلك فانسحب بشياكة وبكرامة احسن ما تتبهدل معاها اكتر من كده .
غير كده البنت اما بتدخل الجامعة بتغير رأيها فى السنة ست مرات ع الاقل ..( ده شخصيته قوية بس ده اذكى )
( ده اشيك بس ده اشطر ) ( ده محترم بس ده لبق ) ...وهكذا دواليك
الهوائية طبيعة عند الانثى سواء اعترفنا او انكرنا والحب نفسه مشاعر هوائية لا تخضع لمنطق وعقل بس عند الراجل الموضوع بياخد شكل جادى شوية وبيكون عنده استعداد يضحى للنهاية ...المهم حبه يستمر ؛ لكن البنت المهم عندها تفضل طفلة ببزازة ؛ولو عايز حد يتأكد من كلامى يسمع اسامة منير ويشوف ليه البنات بتسيب الشباب بعد ما يكونوا حبوا بعض سنين والاسباب بتكون تافهة للغاية ...( مابقاش حنين زى الاول ) ( بينسى عيد ميلادى ) ...؛ مرة كانت بنت عندها 18 سنة بتكلم اسامة منير..بتقوله انها بتحب واحد من تلات سنين بس دلوقتى ظهر واحد حنين وطيب عنه ..فبتستشير اسامة تروح لمين عشان هى محتارة ..فى الاخر طلب منها تسيب الاتنين لانها بتظلمهم وبتظلم نفسها .
هوائية وعشوائية فى التفكير وحنين للطفولة ...هو ده ملخص الحب عند البنت


بالنسبة ليا انا ..فكنت بحب بنت وللاسف مفيش نصيب لعدة اسباب..يمكن لسه عندى امل فيها بس خلاص حسيت انى مابقتش زى الاول واهم حاجة دلوقتى انى بلتفت لدراستى ومذاكرتى وبندمج مع اصحابى فى الكلية لاقصى درجة ممكنة عشان ما افكرش فيها والحمد لله بنجح فى كده ولو انى بحن ليها احيانا بس بفتكر الالام اللى سببتهالى عشان ما احنلهاش


ناوى على ايه بقى ؟ ...ناوى انجح فى دراستى بتفوق واقتحم مجال العمل واحقق نفسى وساعتها هرجعلها ولو هى رفضت فانا خلاص ( اذا كانت المرأة نصف الحياة فسأكتفى بالنصف الآخر ) وهعيش لاهلى ولنفسى فقط لا غير وده احسن واجمل شىء فى الكون

انا صح ولا غلط ؟ ...الحقيقة معرفش بس بحاول ما اكونش انسان ظالم ..يمكن هى مافهمتنيش كويس..يمكن هى ماحستش بحبى ..يمكن هى تعبت ..يمكن انا الغلطان ...الله اعلم بكل واحد .
نصيحة اخوية ...يوم ما تحب اختار كويس اللى بتحبها ..ماتكنش معقدة نفسيا ..ماتكنش اجبرتها انت على الحب ..لازم هى تكون حبتك من الاول مش انت اللى برمجتها انها تحبك