ايه اخبار تعيين أوائل الكليات ياجماعة؟

[د.بتول]

ودا كله بيخلص في نفس اليوم؟
واقرار الذمة انا اللي املاه بدون ختم الدولة ولا حاجة؟

[م/كريم]

المشاركة الأصلية كتبت بواسطة د.بتول

ودا كله بيخلص في نفس اليوم؟
واقرار الذمة انا اللي املاه بدون ختم الدولة ولا حاجة؟

ان شاء الله يخلص في نفس اليوم
واما عن اقرار الذمة المالية في جزء انت بتملاه بنفسم وجزء بيملا بمعرفة موظف الموارد البشرية في الجهة اللي هتستلم فيها
وموضوع الختم انت بتجيبه من البريد مختوم وجاهز
تحياتي

[m.shemes]

لو سمحت يادكتور عبد الرحمن أنا استلمت جواب التعيين يوم 10/1 وجالي مأمور ضرائب الحمد لله دلوقتي أنا مش عارف اعمل ايه وايه هو الورق المطلوب تقديمه وبييجي منين

[METO4050]

المشاركة الأصلية كتبت بواسطة m.shemes

لو سمحت يادكتور عبد الرحمن أنا استلمت جواب التعيين يوم 10/1 وجالي مأمور ضرائب الحمد لله دلوقتي أنا مش عارف اعمل ايه وايه هو الورق المطلوب تقديمه وبييجي منين

اللى انا عرفته من زملائى خريجى تجارة انهم هيروحوا تانى القاهرة يقدموا فى الضرائب العامة هناك وبعد كدة تتوزع على محا فظتك
الكلام ده اللى قالوه فى الضرائب اللى فى دمياط لزمايلى وهيسافروا بكرة ان شاءالله
انا من دمياط

[esraa1988]

المشاركة الأصلية كتبت بواسطة m.shemes

لو سمحت يادكتور عبد الرحمن أنا استلمت جواب التعيين يوم 10/1 وجالي مأمور ضرائب الحمد لله دلوقتي أنا مش عارف اعمل ايه وايه هو الورق المطلوب تقديمه وبييجي منين

مبروك على الوظيفة ,انا رحت اليوم خلصت ورقى ,والمطلوب كالاتى

فيش وتشبيه من القسم ب5 جنيه ,هتستلمه بعد 10 ايام ,وهتاخد وصل استلام

استمارة كشف طبى من التامين الصحى ب13 جنيه هتختمها من جهة العمل لو اسمك كان وصل للضرائب ويكون معاك صورة شخصية,وهتتصل بالرقم الموجود ادنى استمارة الكشف الطبى وتحجز ميعاد للكشف

شهادة الخدمة العامةللاناث او التجنيد للرجال من الشئون الاجتماعية(التضامن الاجتماعى)وتكون رايح معاك صورة من المؤهل ,وصورة من البطاقة الشخصية.صورة من جواب الترشيح ,وتملى بياناتك فى ورقة هيعطيها لك . وتستلمها بعدها بيوم

دمغات من البريد بحوالى 5 جنيه,واقرار زمة ماليه ايضا ب70 قرش

دوسيه فيه الاتى 4 صورة شخصية,اصل المؤهل ,اصل شهادة الميلاد,صورة البطاقة,جواب الترشيح ,بالاضافة لكل ماسبق

وربنا يوفق الجميع.