لمن يجرؤ فقط

[عاشق البلانكو الابيض]

المشاركة الأصلية كتبت بواسطة LoOoLy El Treikawya

دي مرعبة مش تخوف بس

كبير وصغير والله بيحكي
مرة زماان ابن خالتي الصغير كان بيوصل سارة لبيت جدي وفضل يحكيلها عن حاجات تخوف وبعدين وهم ماشيين قاللها عارفة احنا فين .. احنا جمب مش عارفة اسم كدا بيقولوه على المقابر مش فكراه المهم عارف حضرتك لما واحدة كبيرة بتمشي هناك بتبقى لفا نفسها كلها ببتاعة سودا
سارة وهي ماشية ساعتها واحدة طلعت من البيت كدا راحت صرخت جامد الست اتخضت منها وابن خالتي فضل يشكي و يقول (جرستنا) هههههههههههه

ههههـ الله يكون فى عون اختك بجد يعنى اه بيقولوا عليها جبانة والبتاعة السودة ملاية او بردا

الله يخليك

امممم دي واقعية نسبيا وبتحصل كتير

انا خالتي في جرجا بردو اشتروا كنبة وكدا يعني المهم انهم من ساعت ما جابوها كانوا كل يوم بالليل يصحو مخضوضين من صوت صراخ طفل صغير عمال يعيط

فضل الموضوع دا كذا يوم ويدورو على صوت الطفل جاي منين مش لاقيين حاجة

لحد ما شكوا في الكنبة دي راح عمو جوز خالتي يسال الناس اللي اشترى منهم عنها فقالوله ان خشبها معمول من البتاعة اللي بيشيلو عليها الميتين

راح حازم ابن خالتي خدها زي ماهي كدا ورماها في الترعة
ومن ساعتها الصوت دة بطلو يسمعوه

الخشبة بتاعت الميتين دى مليانة عفاريت كويس انها جت على صوت الطفل وبس
مفيش عفاريت طلعت واستقرت ف البيت على طول
وبعدين ايه ذنب الترعة يعنى والاسماك اللى جوا الترعة كده تلويث للبيئة