يلا ندعي لبعض ...

[sad nono]

المشاركة الأصلية كتبت بواسطة صلي علي الحبيب المصطفي

انا بنت
اه فيه دروس والكيمياء 9 ابواب
انا بس مليش نفس اذاكر تعبت واتخنقت
ومش عارفه هلم المواد دي ازاي
ومش عارفه اعمل الجدول ده ازاي
الحقيقه ان عمل الجدول مفيش اسهل منه بس انا بهرب من المذاكره وبضحك علي نفسي واقول ان المشكله في الجدول والحقيقه ان المشكله فيه انا
مفيش حد واقف جمبي يساعدني انا لوحدي والدنيا كل يوم بتسود في وشي
انا اسفه ااني بشغلك بس مجرد فضفضه عشان مليش اصحاب ولا اخوات ولا قرايب اتكلم معاهم
روحي ذاكري ومتشغليش بالك
لان ممكن ممشيش علي الجدول ال هتعمليه
ويبقي عطلتي نفسك وخلاص
انا كل ال عايزاه دلوقتي منك انك تفتكريني بدعوه حلوه

انا اسفة جدا


يا حبيبتي متقوليش كدا ... لا شاغلاني ولا حاجة
وبعدين لو الدنيا كلها اتسدت في وشك باب ربنا مفتوح وعمره ما هيتسد ..
اكيد سمعتي الكلام دا كتيير
لكن بجد انتي محتاجة تعيشي شوية معاه لسا على الامتحانات 90 يوم وشوية
تقدري تخلصي فيهم كل حاجة صدقيني مش شوية والله ...

والله مشكلتك قريبة جدا من مشكلتي انا عدا شهر 3 وانا تقريبا مذاكرتش فيه غير حاجات محدودة جدا جدا
لكن لسا عندي امل والبرج اللي بنبنيه من اول السنة مش هيتهدم في شهرين
خلي المثل دا حكمتك ...
خلي عندك ارادة وقوة وعزيمة قوية هي اللي هتدفعك تعملي المستحيييل ..
انا مش نايمة من امبارح غير 3 ساعات وصاحية اذاكر دلوقتي لاني ضيعت امبارح
مش اي حد يقدر يعمل كدا مش قصدي بمدح في نفسي لكن والله انا كنت زيك من يومين بس ...
خلي ثقتك في ربنا وارادتك وعزيمتك هي اللي تحركك وسيبك من الاحباط والاحساس بالفشل دل ..

والله يا بنتي لسا في كتييييييير اووي وانتي كيمياء يعني جدول الامتحانات بالنسبالك راااائع
المفروض يبعث فيكي الامل والطمأنينة ان شاء الله تلحقي تخلصي كل المواد قبل الامتحانات
لكن بردو لازم تخلصيها دلوقتي ..
انا مفيش مشاكل لو عملتلك جدول مش هيعطلني والله بس انا لو عملتلك جدول هتلتزمي بيه ازاي
وانتي بتروحي دروس يعني اصلا كل مدرس بيراجع في ناحية ؟؟
طب انتي مبدأتيش مراجعة خااالص ؟؟ ولا مضيعة كام درس ؟؟