امتحان شامل على الوراثه ( أحياء )

[amothman123]

المشاركة الأصلية كتبت بواسطة سها صقر

ايوة كدة تمام وضحت
انا اسفة للاطالة بس كان عندى استفسار لو حضرتك واخد مستوى رفيع عربى بتذاكره ازاى لانى مش عارفة اعمل فيه ايه والدرس اللى بذاكره بنساه
وشكرا جدا لحضرتك واسفة مرة تانية للاطالة

لا أنا ثانية مش ثالثة
و واخد فى ثالثة مستوى رفيع إنجليزى ماقدرش أساعدك

[Dr..Soha]

المشاركة الأصلية كتبت بواسطة amothman123

لا أنا ثانية مش ثالثة
و واخد فى ثالثة مستوى رفيع إنجليزى ماقدرش أساعدك

ربنا يوفقك وفعلا انا بندم انى مخدتش انجليزى بس الكل خوفنى وقالى خدى عربى اسهل حاجة مع انى بحب الانجليزى جدا وكان عندى استعداد اذاكر اى حاجة فيه بس هقول ايه غير قدر الله وماشاء فعل

[د/نداء الجنة المصرية]

علل
1-تحمل عدة انواع من الكائنات الحية نفس العدد من الكروموسومات؟
2-الجاميتة دائما نقية؟
3-يفيد التلقيح الاختبارى من الناحية الاقتصادية؟
4-الصفة الناتجة عن العبور الوراثى تورث؟

اختر
1-من نتائج حدوث العبور الوراثى حدوث تغير فى.........(تركيب الكروموسوم-نوع الكروموسوم-عدد الكروموسومات-طبيعة الاخصاب)

اكتب المصطلح
1-جينات تحمل على كروموسومات مختلفة توزع على الافراد دون قيود؟

[amothman123]

المشاركة الأصلية كتبت بواسطة ابوغسان

مع أحترامى وتقديرى لجهدك الا أنى أعتقد أن هذا التفسير غير سليم ..الانثى المصابة كما نعلم تحمل جينان متنحيان على xx وبما ان الاب طبيعى فهذا يعنى أنه لا يحمل الجين المتنحى على x بالتالى وبافتراض حدوث انقسام غير طبيعى فى الامشاج وتكون مشيج ذكرى يحمل 22+xy نجح فى اخصاب البويضة فان الزايجوت المتكون 22AA+ XXY سيكون ذكر مصاب بكلاينفلتر وقد يكون مصاب بالعمى اللون ان كانت الام حاملة للصفة.... الخلاصة يستحيل انجاب بنت مصابة بعمى الالوان من أب غير مصاب

[جيمس بوند الاسطوره]

شكرا ليكم ياجماعه على الاجابات وبالنسبه للعربى مستوى رفيع سهل جدا انا والله ذاكرته قبل المتحان بيوم وجبت فيه 9ونص

[خلف حلمي]

اشكركم لهذا المجهود الرائع

[عواد جمال]

موقع جميل جدا واشكر كل الاعضاء وجزى الله كل من حاول ان ينفع اخوانه

[Asmaa Kamel]

الجينات المشروطة : هى جينات يلزم لظهور اثرها (صفتها) اثر معين
و نقول بقى اى مثال زى "الجينات المتكاملة / الجينات المميتة "
و الاجابة دى انا مش جايباها من كتاب لكن مدرسى قالها اثناء الشرح

[aazzzz]

علل
تستخدم فصائل الدم فى نفى الابوة فقط وليس اثباتها
لاتستخدم فصائل الدم فى اثبات الابوة:::

[amothman123]

اكتب فيما معناه كسبيل المثال
أن مش شرط علشان الواد دمه b و أهله ممكن يجيبوا طفل فصيلة دمه b أنه يكون ابنهم مثلاً
لأن فى مليون عائلة ممكن يجيب واد دمه b عادى يعنى

[د/نداء الجنة المصرية]

الجينات توجد بصورة زوجية لان الصفة تمثل بعاملين(جينين) بيبقوا على الكروموسومات المتقابلة يعنى tلوحدها جين بيجتمع مع جين tاوTعشان تظهر الصفة والبيولوجيا الجزئية بتوضح ده اكتر

[Twilight2011]

بص السؤال ده انت سهل اوى تفهمه لكن لما جه فى امتحان الأزهر الطلاب مكانوش عارفين يكتبوا ايه لأنك فاهم بس مش عارف تعبر حلو

انت تقدر تقول تفيد فى نفى البنوة إذا كانت فصائل الأب والأم لا تنجبان فصيلة الطفل مثل :
أب فصيلة دمه aa وأم فصيلة دمها bb
مستحيل يخلفوا طفل فصيلة دمه oo

كما أنها لا تفيد فى إثبات البنوة لأن فصائل الدم يتحكم فيها 3 بدائل a,b,o مثلا ً :
أب فصيلة دمه ao و أم فصيلة دمها bo
وأب فصيلة دمه aa و أم فصيلة دمها bb
لا يمكن إثبات نسب الطفل ab لأى منهما لأن كلا العائلتين يمكن أن تنجبا طفل يحمل هذه الفصيلة
فيلجأ العلماء لاستخدام تقنية dna

[Twilight2011]

" سلام قولاً من رب رحيم " هتعقدونا من الأحياء ليه

والنبى بلاش الأسئلة الطلقة دي خلونا فى كلام كتاب المدرسة ،،، هو مستحيل يجيب سؤال زي ده فى الامتحان عشان الطالب مش بيشم من على ظهر ايده ومش كل مدرس هيقول الكلمة دي ،،

بس ممكن تقول مصدر السؤال

[Twilight2011]

بصراحة أسئلة جامدة وعاوزة واحد عاصر باب الوراثة انا لسه هذاكره بصراحة ،،، يعنى متوقعش اني هجاوب حلو فسأؤجل إجابتى بعدين

[Mohamed pepo]

علل
1_
2_ وذلك لانها تحتوي علي نصف المادة الوراثية فيجب ان تكون نقية
3- وذلك لانه يفيد في معرفة الافراد السائدة اذاكانت نقية ام هجينة وبمعرفة الافراد السائدة النقية يمكن تلقيحها مع افراد متنحية وبالتالي يمكن الحصول علي جيل من الافراد بنسبة 100 % للصفة السائدة التي تكون مرغوبة
4_

اختر
تركيب الكروموسومات

المصطلح العلمي

جينات حرة او مستقلة