تجميع لطلبات واسئلة الاعضاء للاعوام الماضية (( مرجع للاستفادة منه ))

[. ahmed-gamal]

ليه بالرغم اننا بنحل الامتحان كله صح واجابات كاملة ونموذجية بنجيب درجات وحشة وفيه ناس تانية تحل زينا بالضبط ويجيبوا درجات نهائية واحنا ننقص درجة او درجتين من التعبير او الخط او الاملاء مع اننا بنكتب املاء صحيحة 100% وبنكتب بخط حلو وبنكتب موضوع تعبيير كامل ومنسق وحلو وبرده بننقص درجات ليييييييه؟؟؟؟؟؟
ارجو الرد من المدرسين ولو فيه ارشادات فى كتابة التعبييير او اى ارشادات احنا اخرى ادوهلنا زهقنا من الماده لهذا السبب

[aly2071]

انا اقولك لية
لان في حاجة اسمها علامات ترقيم وحركات اعرابية وتصويبات لغوية
فالامور دي ذي الملح في الطعام بالظبط .
وكمان انا مش بعطي درجات نهائية كي يشعر الطالب دائما بالنقص فيزيد من الجد والاجتهاد فيها .
مجرد راي .

[lotfy_eid]

أنا طالب بمحافظة المنوفية ورأى حضرتك على رأسى من فوق
لكن أنا كان عندى خطأ بسيط جدا فى الاستخراج وهو كان انى نسيت أكتب نوع المنادى اللى استخرجته وكنت بحاول أكتب موضوع تعبير نموذجى وأفكار جيدة حتى فى نهاية الوقت كنت بحول أشكل بعض الكلمات فى الموضوع وأنا بجد حزين لأن دى المادة الوحيدة اللى نقصتنى كتير على الرغم من أنى طلعت الاول على المدرسة
وعلى الرغم من كدة أنا نقصت درجتان فيها
والشيئ الأغرب أن فى تلاميذ كانوا غلطانين فى سؤالين وحصلوا على الدرحة النهائية ازاى سبحان الله القادر على كل شئ
لكن أنا داخل امتحان العربى الترم التانى وأنا متأكد أن أنا حنقص فى الدرجات حتى لو كل اجابتى كانت صح
لكن فى النهاية الحمد ل الله على كل شئ ربنا يعوضنا الترم التانى فى هذة المادة
وأنا أسف أوى على حديثى المزعج بدون حق لكن بصراحة الموضوع جذبنى
بس أنا نفسى كل الاساتذة يصححوا بنفس النمط

[hamada_97]

فى طلاب مفيش عندهم خطأ واحد حتى فى التعبير و لا حتى فى علامات الترقيم و ينقص درجة من نفس المصحح

[aly2071]

والله دا امر يرجع لنية المصحح لكن متقلقش خالص وذاكر واعمل اللي عليك وسيب الباقي علي ربنا
دع الامور تمشي في أعنتها
ولا تنمنّ إلا خالي البالي
ما بين طرفة عين وانتباهتها
يغير الله من حال الي حالي
ومتقلش كن طموح ولا تيأس
الله أسال لك التوفيق والسداد

[lotfy_eid]

شكراااااا أوى على نصائح حضرتك لينا
**وربنا يستر فعلا
يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ارب

[ابانوب 2011]

انا مش مدرس وهقولك الي عاوز يقفل العربي يضمن ان كل الاسئلة صح 100% يعني مفيش حاجة اسمها ممكن تمشي والإملاء مكتوبة صح والهمازات مكتوبة صح والخط جميل كدة وكل المعاني والاسئلة صح كدة انا اضمن 100% اني هنقص درجة واحدة بس
طيب والي بيجيبوا درجات مقفلة او ناقص نص درجة دي بتبقي علي حسب المصحح والورقة مش بيعملمها واحد ولا اتنين دي بتمر علي ناس كتيير
لو حظك وقع مع مدرس طيب هيديك ناقص نص درجة او مش ناقص لو حظك وقع مع مدرس دقيق هتنقص درجة يعني دي مسائلة حظوظ

[على إسماعيل السويفى]

مصر تسكن فؤادى اختر (كناية -تشبيه -استعارة)