رسائل إلى ........ من مواطن مصرى

[أ/رضا عطيه]

المشاركة الأصلية كتبت بواسطة أبو إسراء a

رسالة إلى الفلول بمناسبة البرلمان و نذكر بها بمناسبة الرئاسة

رامى محمد زين يكتب: رسالة إلى الفلول

الإثنين، 17 أكتوبر 2011 - 07:42
صورة أرشيفية

إياك تكون فاكرنى قفا
ولاّ فاكر اللى عملته من دماغى اختفى
ولاّ شكلك كده فاكرنى نسيت
نومتى ع الرصيف ونومتك ف الدفا

إياك تكون فاكرنى مغفل
وبالوضع القديم تانى هقبل
وهرجع أديلك من تانى صوتى
علشان بعد ما تنجح فيّا ما تسأل

إياك تكون فاكرنى هصدق وعودك
ولاّ فاكر كرسى البرلمان ورث عن جدودك
ولاّ فاكر إن البرلمان مايبقاش برلمان
إلا بحضور سيادتك وبوجودك

إياك تكون فاكرنى هعيد الكرّة
دا المؤمن ما بيتلدغش من الجحر أكتر من مرة
كفاية عليك دورك انتهى
مالكش مكان ف برلمان الثورة

الله
جميلة

وخاصة برلمان الثورة دى

زمان كان الفاسد بيكذب وبيأجر له شوية منافقين حواليه
وراح فى مصيبه هو وفريقه بجهد الشباب وغير مأسوف عليه
طب ليه ؟
بتجددوا اللى فات ليه ؟
وكل شيخ وراه فريق تحت رجليه
ومع إن الكداب أهو - الفتان أهو
والكل مغيب وبيقبل إيديه وعنيه
ليه ؟
الشيخ ترك المنبر وصبح فتان ليه ؟
الشيخ وأتباعه بيكفروا الخصوم ليه ؟
وذنب الدين فى كل مصايبكم إيه ؟

بدلة وكرافته راحت وحلت مكانها دقن وجلبية
هو دا كل التغيير اللى الناس صحيت عليه

قطيعة تقطع الكل كليلة فى يوم وليلة
يعنى أبو بدلة كان عنده عزبة وأبو جلبية ياوِلْدى كان شُحَّات !
ماكلهم حيتان ومحدثين نعمة على حساب الخلق واللى جاى زى اللى فات
والغلبان هيفضل غلبان طول الزمان من المهد حتى الممات
وتقولوا لى برلمان الثورة !
وع الدستور عاملين ميت مؤامرة
يانكوش على الكل يانْحوِّلْها جهنَّم حمره

شعارالمغيبين (عنزة ولو طارت)