شهادة لوجه الله

[الاستاذ محمد سرور]

المشاركة الأصلية كتبت بواسطة أ/ رضا الجوهرى

شهادة لوجه الله

«نساء الجماعة» يجمعن البطاقات من سيدات القري للتصويت لمرشح الإخوان

معاك دليل على الكلام دة

منذ 9 ساعة 44 دقيقة
نشاط مكثف يقمن به نساء الإخوان المسلمين في القري والمراكز بالمحافظات مع بدء العد التنازلي للانتخابات الرئاسية.
حريم الإخوان يجتمعن بالنساء في القري في بيوتهن أو يذهبن إليهن لإقناعهن بالتصويت لصالح مرشح الجماعة الدكتور محمد مرسي.
وما العيب فى ذلك ..من حق كل مرشح حشد الاصوات لصالحه
طالما مش معاه اعلام بيدعمه زى غيره
يستخدم نساء الإخوان الدين لإقناع نساء القري للتصويت لصالح «مرسي»
معاك دليل ولا كلام مرسل
بقولهن من يعطي صوته لمرسي يدخل الجنة ومن يرفض إعطاء صوته لمرسي ويعطيه أحمد شفيق وعمرو موسي يدخل النار.
اتمنى اشوف الفيديو اللى حضرتك جايب منه المعلومه دى
ولا زى العادة كلام فى الهوا
يقول هاني ربيع موظف بشركة المياه بالوراق: نساء الإخوان يحصلن علي بطاقات الرقم القومي من سيدات القرية، ويعطن مائة جنيه علي كل بطاقة، ويزعمون انهن سوف يعيدونها إليهن يوم الانتخابات.
وعم هانى دة تبع انى مرشح ...واللى اخد منه المعلومة دى ليه ما طالبش منه دليل على صحة كلامه ..ولا عم هانى دة رسول من السما مصدق فى كل ما يقوله
ويؤكد هاني ربيع: كان نساء الجماعة يفعلن ذلك في الانتخابات البرلمانية وفي بعض الأحيان يصوتن بدلاً عن النساء بالبطاقات التي حصلن عليها

دة هانى دة طلع من صاحب الخطوة ...بقى قدر يدخل كل لجان الانتخابات بتاعت النساء ويشوف ان اللى بتصوت من الاخوان نيابة عن صاحبة البطاقة الحقيقية ..الصراحة وسعت منه اوى دى ..طيب يقول شاف حاله ولا اثنين مش كل نساء الجماعة بتعمل كدة
ويؤكد «ربيع» أن الجماعة سوف تسلك نفس السلوك في الانتخابات الرئاسية.
دة كمان صاحب كرامات وبيعرف فى الغيب ...ممكن تليفونه عم هانى دة دة سره باتع اوى


ويضيف هاني ربيع، من قرية منشية رضوان بإمبابة، إن نساء الجماعة ينتشرن في كل أرجاء القرية ويجتمعن بنساء القرية لإقناعهن بالتصويت لصالح مرشحهم محمد مرسي، ويقولن لهن من يصوت لمرسي يدخل الجنة ومن يعطي صوته لأحمد شفيق أو عمرو موسي سوف يدخل النار،

قديمه لسه قايلها من شويه ولا هو بينسى الكلام اللى بيقولوه

ويضيف هاني ربيع ان الجماعة في القرية تستخدم طلاب المدارس في الدعاية حيث يتحولون في شوارع القرية رافعين صور محمد مرسي ويتركون المدرسة والدروس في وقت الامتحانات
وكمان عارف ان الطلاب سايبه الدروس والامتحانات دة متابع مواعيد دروس كل طالب
دة ايه الذكاء دة ...هو عم هانى ما يعرفش ان فى ايام فاصله بين الامتحانات وبعضها وفى طلاب خلصوا امتحانات اصلا
ويكشف هاني ربيع أن الجماعة تطلب من كل إخواني أن يقنع 300 شخص من أهالي القرية للتصويت لصالح محمد مرسي.

وايه العيب فى كدة ..ما هو دة حق لكل مرشح ..بس السؤال هو جاب رقم 300 دة منين كامن قاعد فى مكتب الارشاد
يؤكد ربيع ان رجالات القرية يميلون للتصويت لصالح مرشح الوفد عمرو موسي حيث يأتي في المقدمة.

احم احم ...منور يا عم هانى ..ايوه كدة مش تقول يا راجل انك تبع عمرو موسى
الجماعة لجأت للاستعانة بالنساء كتكتيك جديد بعد تراجع قدرة رجال «الإخوان المسلمون» علي الإقناع نتيجة لفقدان الثقة بعد سيطرة الجماعة علي البرلمان دون أن يقدموا شيئاً لمن انتخبوهم فضلاً عن إصرار الجماعة علي التكويش علي السلطة.

واضح يا عم هانى انك سايب شغلك اللى بتاخد عليه مرتب وماشى فى اللجان بتاعت النساء تشوف بيحصل فيها ايه
وبتدخل بيوت النساء وتقعد معاهم وتعرف اللى بيحصل بين النساء بتوع القرية ونساء الاخوان ..وما شاء الله عامل كامن استطلاع لاستكشاف رأى اهل القرية عن مرشحهم الرئاسة

اقرأ المقال الأصلي علي بوابة الوفد الاليكترونية الوفد - «نساء الجماعة» يجمعن البطاقات من سيدات القري للتصويت لمرشح الإخوان

شوف انا هقولك نصيحة ..اكيد حزب الوفد اللى بيدعم عمرو موسى واللى الخبر منقول منه ...لم يجد الا هانى ربيع دة اللى فى القرية بيدعم عمرو موسى علشان كدة عمل معاه الحوار دة فى احد مكاتب جريدة الوفد ....وحاول يصور لنا فى المقال ان عم هانى دة افضل من وكالة رويتر و السى ان ان فى صحة المعلومات ...للاسف دة نتاج تعليم سىء على مدار سنوات من نظام فاسد اخرج لنا عقول مثل هؤلاء الصحفيين اللذين ظنوا انهم اذكى الناس دون غيرهم ليكتبوا لنا مقالات هشة مثل هذا المقال