هـنـا نـرد عـلـى إسـتـفـسـارات حـضـراتـكـم ؟

[bebolion]

أنا طالب فى إعدادى هندسه - جامعة الإسكندريه .. وطبعاً احنا مش عندنا قسم الهندسة الطبية اللى مش موجود غير فى جامعتى القاهرة وعين شمس ..
فعايز اى حد يكون فى هندسة القاهره او هندسة عين شمس .. يعرفلى لو بعد ما اخلص السنه دى وعايز احول طبيه لازم اكون جايب كام فى الميه فى كليتى هنا تقريباً وايه شروط التحويل ..
لو حد عنده فكره ياريت يقولى او يسألى فى شئون الطلبه لان دا صعب على انا اوى ..
شكراً مقدماً ..

[issac-newton]

زهرة حجاج : -
طبقا لآخر تنسيق رقم تقريبي الحد الأدنى لكليات الهندسة كان 93,2 % و الحد الأقصى 96,7 %
نعم هناك كلية التعدين و البترول جامعة قناة السويس و هناك ايضا قسم تعدين بكلية الهندسة جامعة القاهرة

magico24 : -
اها ممكن تحول لو جاتلك كلية بعيدة للكلية الي بمنطقتك و تختلف من كلية لكلية مثال على ذلك طالب ينتمي لمحافظة الدقهلية و التنسيق جاله في هندسة المينيا عمل تحويل و حول لهندسة المنصورة , هناك بعد الكليات تتعنت مثل هندسة القاهرة و الجدير بالذكر انها لم تقبل العام الماضي بتحويلات بأقل من مجموعها بل اخذت تحويلات من محافظات اخرى أعلى من مجموعها .

bebolion : -
شروط التحويل لكلية الهندسة جامعة القاهرة في السنة الاولى
- ان تكون حاصل على جيد جدا فيما فوق ( يفضل ان تتجاوز جيد جدا حتى تنافس في دخول قسم توده من الاقسام المتاحه )
- التحويل فقط للأقسام غير المناظرة و بالتالي يمكنك التحويل لقسم طبية طالما غير موجود بالإسكندرية
- في نهاية شهر سبعة يمكنك التوجه لمبنى التحويلات جامعة القاهرة في المدينة الجامعية امام باب تجارة و السؤال عن موعد و متطلبات التحويل و اسعى كل السعي على الحصول على تقدير يفوق جيد جدا لان التحويل يتهافت عليه الكثيرون من كل المحافظات خصوصا قسم طيران و طبية و الي هما اصلن بياخدو اعداد قليلة من طلبة الكلية

[نسيــــــم الجنـــــــــة]

السلام عليكم ورحمه الله وبركاته

جزاكم الله خيرا مجهود رائع يسلموووو

سؤال مهم

كليه الهندسة بترول

فروعها .... والمجموع الخاص بها


ارجو الرد للاهمية،،

[issac-newton]

أسماء خضر : -
- كلية البترول و التعدين جامعة قناة السويس , يمكن الالتحاق بها من مكتب تنسيق الثانوية العامة و مجموعها السنة الي فاتت 407.5

- قسم البترول و التعدين بكلية الهندسة جامعة القاهرة يمكن الالتحاق به في السنة الاولى اذا ما كنت طالب في كلية الهندسة جامعة القاهرة , او عند التحويل من اي كلية هندسة في مصر حيث تخضع لشروط التحويل الخاصة بجامعة القاهرة .

[Mohamedoraby]

السلام عليكم ورحمة الله وبركاته
انا لسة مخلص ثانوية عامة دفعة 2013 وكنت جايب فى سنة تانية 95% ولكن السنة ربنا ما أرادش و نزلت فى المجموع ل 89%
السؤال : كنت عايز اعرف ايه احسن هندسة خاصة ممكن اقدم فيها
انا سمعت عن جامعة 6 اكتوبر و ليا ناس فى الاكاديمية العربية (البحرية) اللى فى مصر الجديدة
بس مش عارف اختار
كنت عايز اعرف ايه احسن هندسة مع العلم انى عايز ادخل قسم ميكانيكا باور
ارجو المساعدة

وبرضو كنت عايز اعرف قسم ميكانيكا احسن ولا ميكاترونيكس ... وايه الفرق بينهم ؟؟؟

[totocarry]

لو سمحت عايز اعرف مصاريف ميكاترونكس فى عين شمس و حلوان عشان فى ناس بتقول انها بـ 19000 جنية وانا مش مصدق صراحة وارجو اللى يرد يكون كاتب عن حاجة هو عارفها بنفسه يعنى يكون متأكد